Hillary Lenggo Geni, dkk,(1) Ambo bukan Ketua Yayasan Parabek. Ambo kabatulan Ketua Dewan Pembina Madrasah Sumatera Thawalib Parabek.(2) Ambo indak bagala Prof bagai doh. Cuma urang sajo nan manyabuik ambo prof, tamasuak salamo 10 th ambo di MPR RI dan 5 th di DPD RI, sado urang mamanggia ambo prof. Pado hal lah sacaro tatulih bagai ambo jalehkan ka mareka. Ambo wakatu maaja di Unand, satalah berhasil membentuk duo fakultas: Fak Sastra dan Fak Ilmu Sosial dan Ilmu Politik, diminta mereka untuk manjadi dosen tetap. Sabab sabalunnyo ambo cuma dosen luar biasa, baik di Fak Ekonomi maupun Pertanian. Ambo kecekkan ambo labiah suko jadi dosen luar biasa sajo. Sabaok ambo urangnyo kritis dan suko mangkritik pamarentah Orde Baru wakatu itu.Apo lai umua ambo lah labiah pulo 50 th wakatu itu. Tapi karano Unand mamaralukan dosen tetap nan ka mamimpin Jurusan Sosiologi, samantaro sosiolog nan bagala dotor baru ambo surang wakatu itu, indak sajo di Sumbar tapi juo di Sumatera. Akianyo tapaso ambo mangalah. Rektor Mawardi Yunus kabatulan berhasil mandapekkannyo untuak ambo. Sajak itu jadilah ambo dosen tetap dengan pangkek IIIB, walau tulisan2 ambo nan lah takumpua labiah duo kali untuk gelar Doktor. Tapi ambo pabia sajo. Bia senlah. Tiok tahun formulir kenaikan pangkat ndak pernah ambo isi. Sabaok ambo bapandapek, itu tugas Senat untuak manilai ambo, bukan diminta-minta. Akianyo buah tu jatuah surang. Masuak III B kalua juo III B, tanpa hak pensiun, karano kurang dari 10 tahun. Namun, tiok kali ambo maaja di lua nagari, di Frankfurt U, di State Univ of New York, misanyo, ambo salalu diperlakukan sebagai professor. Juo tiok kali menghadiri seminar di ma sajo, selalu diperlakukan sebagai prof. Dan ambo sampai kini indak pernah sakalipun manyabuik dan mamperkenalkan diri sebagai prof. Cuma urang suko mamanggia ambo prof. Itulah sakalumik goresan iduik ambo untuak Hillary dkk nan suko mamanggia ambo prof. Salam, MN
-- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, yang melanggar akan dimoderasi: * DILARANG: 1. Email besar dari 200KB; 2. Email attachment, tawarkan & kirim melalui jalur pribadi; 3. Email One Liner. * Anggota WAJIB mematuhi peraturan (lihat di http://goo.gl/MScz7) serta mengirimkan biodata! * Tulis Nama, Umur & Lokasi disetiap posting * Hapus footer & seluruh bagian tdk perlu dlm melakukan reply * Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Google Grup. Untuk berhenti berlangganan dan berhenti menerima email dari grup ini, kirim email ke rantaunet+unsubscr...@googlegroups.com. Untuk opsi lainnya, kunjungi https://groups.google.com/d/optout.