Mak Ngak sarato sanak di lapau kasadonyo.
Tarimo kasih ateh carito Mak Ngah. Meanrik! Lansuang ambo cataik. Tadi mbo
kirimkan lewat pintu dapua artikel buruak ambo tantang buku tu, terbit di
Jurnal INDONESIA AND THE MALAY WORLD no. 100. Ambo sempat basobok jo anak
panulih buku tu, tingganyo di Markelo, Balando.
Kok lah sampai ka Mak Ngah artikel tu, tolong tokok kawek senek: lai koh cukuik
sampai e atau ado karateh nan taicia. Mudah2an lai ka bamanfaaik artikel tu
dek Mak Ngah.
Wassalam,
Suryadi
----- Pesan Asli ----
Dari: hambociek <[EMAIL PROTECTED]>
Kepada: RantauNet@googlegroups.com
Terkirim: Minggu, 6 April, 2008 15:30:53
Topik: [EMAIL PROTECTED] Bls: [EMAIL PROTECTED] Re: Bubua Cido-Gaek tabedo, ...
Godok
Maa Angku Suryadi sarato Rang Lapau nan Basamo,
Ambo indak tahu latar politik di bulakang Buku tu. Bagi kami anak-
anak sisuak saroman Mak Sati, Bundo, dan mungkin gaek-gaek lain
sapangkek nan sato maota di Lapau ko, buku tu kami anggap buku bacoan
nan iyo bana manolong kami baraja mambaco; satu-satunyo buku bacoan
Caro Awak. Buku tu duo basambuang, Lakeh Pandai jo Kini Lah Pandai.
Ambo ingin bana punyo buku tu untuak kenangan, tapi indak ado lai
kopinyo di rumah simpanan ayah dahulu.
Sudah tu di Kelas tigo kami mambaco buku Tjahaja nan babahaso
Indonesia, katu tu disabuik Bahaso Malayu. Untuak bacoan "Huruf
Malayu", buku bacoan kami waktu muloi kelas duo banamo
rasonyo "Hikayat si Mara Kermah". Di sinan ambo baraja Huruf Malayu
sacaro intensif. Ayah ambo sanang maajakan sambia bacarito-carito dan
maajakan pulo baa manulih huruf Malayu tu. Tulisan baliau baik
tulisan Huruf Bulando atau Huruf Malayu sangat rancak. Indak panah
ayah mangecekkan Huruf Jawi doh. Mungkin Jawi tu dek kami nan tahu
cuma Bantiang atau Sapi caro Indonesianyo
Nah, tantang Lakeh Pandai, ayah ambo sabagai Guru ambo wakatu itu
memang pernah manyatokan kabaratan tantang satu Carito (satu Pasal
Ketek) dalam buku itu batitel "Kutjieng Hadji". Mungkin pasal tu nan
mambuek Urang Awak bangih, karano Kutjieng Hadji ko rasonyo -- ambo
agak lupo -- maubek madoakan saikua mantjik nan nan sadang sakik.
Mantjik tu dek picayo ka Kutjieng Hadji tu manyarah sadjo untuak
didoaan dek Kutjieng Hadji tu, diagehannyo kapalonyo dakek-dakek.
Sudah tu Kutjieng Hadji ko purak-purak mandoa, tapi dimakannyo kapalo
mancik tu iduik-iduik. Ayah ambo iyo bana indak sanang jo Carito itu.
Rasonyo baliau langkaui sajo mambaco tu di sikola. Baliau caritokan
latar bulakang dilangkaui tu ka ambo di rumah, indak di kelas doh.
Itu barangkali nan manggaletekkan Urang Awak nan kareh Islam nan
mangganggaop penhinaan Agamo Islam. Labiahnyo ambo indak tahu.
Salam,
--MakNgah
________________________________________________________
Bergabunglah dengan orang-orang yang berwawasan, di di bidang Anda! Kunjungi
Yahoo! Answers saat ini juga di http://id.answers.yahoo.com/
--~--~---------~--~----~------------~-------~--~----~
===============================================================
UNTUK DIPERHATIKAN:
- Wajib mematuhi Peraturan Palanta RantauNet, mohon dibaca & dipahami! Lihat di
http://groups.google.com/group/RantauNet/web/peraturan-rantaunet.
- Tulis Nama, Umur & Lokasi anda pada setiap posting.
- Hapus footer & bagian tidak perlu, jika melakukan reply.
- Email attachment, DILARANG! Tawarkan kepada yg berminat & kirim melalui jalur
pribadi.
- Posting email besar dari >200KB akan dibanned, sampai yg bersangkutan minta
maaf & menyampaikan komitmen mengikuti peraturan yang berlaku.
===============================================================
Berhenti, kirim email kosong ke: [EMAIL PROTECTED]
Daftarkan email anda yg terdaftar pada Google Account di:
https://www.google.com/accounts/NewAccount?hl=id
Untuk dpt melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
