Salam ntuak sado alahe di palantako, Mungkin sabalun mbo maluncuakan "uneg-uneg"ko, dak salah kalau mbo mam-pa-ka-na-kan diri mbo ko, jaan sampai tapijak atau talantuang nan indak pado tampeknyo, sabab mbo tau bahaso dipalantako banyak mulai dari cucu-cucu, anak-anak, kamanakan-kamanakan, adiek-adiek, kawan-kawan, uda-uda, uni-uni, mamak-mamak, etek-etek, amay-amay, apak-apak, niniek-niniek, datuak-datuak mbo, jo......nan lain-lainnyo nan dak bisa dibacoan disiko nan punyo andia (maaf makasuik ambo bahaso indonesianyo ANDIL bukan ANDIR) di babagai palanta lain, ado nan tukang sapu (sejenis kritikus, lagi-lagi bukan tikus) di babagai media, ado nan tukang contek (macontoh ka nanbaiek), ado nan tukang tulih, ado nan tukang rameh (mancampua babagai macam masalah manjadi suatu kaputusan), dan masih banyak baban di pundaknyo nan bagalantungan. Sakali lai, mbo pinto sabaleh jo kapalo mbo masuak di palantako bamakasuik "BAIEK". Dek rang gaek mbo diagiah namo "budiman" tapi kawan-kawan banyak maimbau namo singkek mbo jo BUD sajo, ado nan mangatokan bahaso apolah arti sabuah namo, tapi bagi mbo namo batua-batua suatu rahmat. Allah manakdirkan namo mbo sarupo tu. Mamacik namoko indak sambarang pacik, karano lah harus bajalan sasuai namo. Jaan sampai ado curito bahaso "Tu caliek budiman lah MASUAK, ikuik jo urang nan bapitih". Jaan pulo ado nan mangupeh di media sirah bahaso "SAYANG, BUDIMAN MANCABUA DIRINYO". Wah, apo kato dunia. Sabab, budimantu haruslah urang nan babudi, kasanyo parangainyo harus sasuai namonyo, labiah-labiah ado MAN diakhir namonyo, sampurna budi tu. Sadang umua lah labiah saparo baya (baco baya tu jo ABAD), tapeknyao limo puluah satu taun saratuih ampek puluh tigo ari. Dak baa kalau di palantako mbo bakainginan sato sakaki. Mudah-mudahan dibuliahkan dek urang banyak, buliah kalau ado bakainginan buek POLLING untuk sakaki tadi. Mbo batampek tingga indak jauah dari Banduang, tapeknyo di daerah dingin Lembang duo puluah duo taun nan lalu. Karajo maaja patani, walau indak bapunyo tanah untuak batani, apo lai jadi tuan tanah atau panggaleh sayua-sayua nan disabuik padagang. Itu saketek perkenalan mbo ko (buliah dibaco, buliah pulo indak, indak baa dek mbo. Sabab dak ado tapikie dek mbo untuak manusuak kawan sairiang). Sasudahtu, sasuai kalimaik di barih partamo tadi (oh yo .....nan di barih kaduo makasuik mbo) , ado nan ka mbo sampaikan di palantako. Banyak nan mbo baco babagai hal dikupeh. Wah, tagalitiak untuak babaua. Tapi, di palantako kadang-kadang ado nan mananduak-mananduak, bahkan nan tatanduak iyo antaro awak jo awak, itu indak baa asa indak manjadi parang nan indak bakatantuan. Ranah Minang, jikok iyo ingin awak angkek baliek "kasohorannyo" sarupo maso-maso lalu, tantu awak harus bastrategi, indak asa tembak. Sakali lagi maaf ntuak dunsanak-dunsanak, uda-uda, mamak-mamak, ataupun apak-apak nan lah batualang sakian lamo di seantero nusantarako atau di babagai palanta, mbo indak maaja atau manggurui, tapi........mbo mancaliak kondisi nagari awak paralu di settel baliek, bukan bararti nan lah ado tu CUMA_CUMA, tapi secara bathiniah......ado nan ilang. Banyak curito dari kawan-kawan nan pulang ka kampuang bahaso kampuang lah barubah, tapi nan barubah banyak nan arah negatifnyo. Mungkin sajo ado hal nan salah wakatu manyetelnyo. Dek tagopoh-gopoh tasetel nan "channel" rang ulando. Sabananyo awak punyo channel (saluran) nan punyo awak, mungkin harus masuak di situ, indak gagabah ikuik setelan urang karaton nan kapunyaan urang jawa, atau setelan "URANG BULE" kapunyaan rang eropa. Iko pandapat mbo. Babaliek saketek mungkin indak baa, dari pado awak tasungkua di tampek nan indak bakatantuan. Sasudah wak babenah, baru wak masuak di babagai posisi (makasuik mbo bukan jabatan di pamarintahan sajo), tatapi mulai dari daerah sabana-bana LACAH sampai daerah nan BALACAH-LACAHAN. Kalau mungkin mbo minta tanggapan dari dunsanak-dunsanak, bagaimana kalau anggota di palantako (sakali lai, maaf bukan makasuik untuak manggurui) mambagi diri sasuai bidangnyo, mamacahkan masalah sasuai bidangnyo. BAKUHANTAM AWAK DISITU INDAK BAA DOH (nan positif), asa sasuatu tu untuak kampuang awak juo. Ciek-ciek awak bisa manyalasaikan permasalahan na ado di kampuang. Jaan ikuik-ikuik awak bacakak karano sasuatu nan dak paralu. Awak hantam kawan nan basangek, samantaro awak dak punyo sangek.Taingek kato-kato rang tuo dulu, "karatau madang di hulu babungo babuah balun, marantau bujang daulu di kampuang bagono balun", mungkin saatko awak bisa baguno. Sakitu dulu, lah tapacik atau alun tapacik galauko, sadonyo bapulang ka awak basamo. Salam santun untuak URANG NAN SALALU MAMIKIAKAN BAA RANCAK UNTUAK KAMPUANG INDAK MAMIKIAKAN HANYO RANCAK DI LABUAH. Sakali lai, mohon maaf indak untuak disuduikkan, tapi sakadar silaturrahmi antaro awak jo awak. Maklum, wakatu iduik awak indak lamo, .... jaan sampai manunggu tibonyo pikun di awak. Ditunggu...........
See you, Pak tani nan di lacah, nan alun balacah-lacah. Tan Lembang. |
--~--~---------~--~----~------------~-------~--~----~
===============================================================
UNTUK DIPERHATIKAN:
- Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet
- Tulis Nama, Umur & Lokasi anda pada setiap posting
- Dilarang mengirim email attachment! Tawarkan kepada yg berminat & kirim melalui jalur pribadi
- Dilarang posting email besar dari >200KB. Jika melanggar akan dimoderasi atau dibanned
- Hapus footer & bagian tdk perlu dalam melakukan reply
- Hindari penggunaan reply utk topik/subjek baru
===============================================================
Berhenti, kirim email kosong ke: [EMAIL PROTECTED]
Daftarkan email anda yg terdaftar pada Google Account di: https://www.google.com/accounts/NewAccount?hl=id
Untuk dpt melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
