Wassalamu'alaikum wa rahmatullahi wa barakatuh, AJO jo adiek mbo Nafris.. Tampaknyo kaie lah tacium dek lawuak. Apo iko dek ulah umpan nan babaun atau .......umpan ko lah talalu tuo, sahinggo banamo umpan tuo. Curito tantang lawuak...nah, iko nyo. Kini, kalaw awak paralu lawuak nan ka disantap tantu awak bastrategi dulu untuak mangayienyo, lalu mancucinyo, lalu mamakannyo. Sabalun mamakan, tantu wak mangaji dulu tantang menu nan ka awak pakai. Ado menu agam, ado menu tanah data, ado menu 50 kota, ado menu piaman, ataw menu-menu sataruihnyo, asa jaan menu urang ulando nan dak ado padehnyo. Jaan pulo menu jawa, banyak manihnyo nan indak disanangi urang awak. Ataw menu sunda nan talampau banyak daun-daunan. Tapi haruslah menu wak nan tadi tu... Mangaji dak bisa surang-surangan. Baimpik-impikpun dak pulo bana, sabab bukan hasia kajian nan ka wak dapek, tapi pulang basasunguik dek ulah parangai kawan. Kalau dicaliek maso ka surau dulu, tapi iko jaan ditiru yo. Lubang iduang lah itam dek asok lampu tagok, kain panjang dan saruang sabagai salimuik lah ilang antah kama tau-tau lah ado di dalam "bedug". Ciek lai, tarompah lah balayie di dalam tabek. Wah....mudah-mudahan kiniko indak baitu. Kini, awak paralu menu nan saimbang, nan bagizi, dan kalaw dapek lamak rasonyo, bagizi, tata letak rancak, dan bilo dibandiang jo panganan di restoran "jauah labiah maha dan santiangggg". Iko kan nyo awak. Tapi sagalo sasuatu mungkin sajo bisa tajadi. Ajo duta jo diek mbo Nafris (bukan narsis yo), Untuak Ajo duta, Buliah kapan-kapan wak basillaturrahmi, ajo bisa mancogok di pondok mbo satiok ajo inginkan, tapi tantu sajo sakuitiko ambo ado di tampek kost mbo (maaf, mbo masih kost di induak bareh jo cucu-cucu mandeh mbo .....he...he....makasuik mbo di rumah kami barampek jo anak bini). Ambo pasilahkan datang ka rumah mbo di komplek BPTP Jabar No. 2 Jln Kayuambon Lembang, dakek pacuan kudo. Ataw, kalaw di betawi ado acara di mano tuuuuuu.... Bilo-bilo wak adoan juo di awak, beko wak kirim hasia ka batawi untuak digodok dek urang nan bisa manggodoknyo di sinan. Baitu sutan? Mbo tunggu yo. Ntuak adiek mbo Narfis, maaf yo uda lun bisa pulang kampuang ma'lum banyak lawuak nan alun bagoreng. Masih mikia bilo mancari menu nan rancak, ataw di PAIH (pepes), ataw..... Mudah-mudahan bilo lah ado makanan nan lah tagolong "mak nyos", mungkin kami bisa pulang. Lah lamo yo, kutikotu uda pai dari kampuang adiek masih di es de yo? Labiah kurang saparampek abaik indak pulang. Insya Allah ado masonyo beko. Baitu dulu ......sakali lai....mari wak basillaturrahmi untuak kamajuan kampuang, baiek di darek maupun hanya sekedar basillaturrahminyo di E_MAIL. Thanx a lot. salam buek karabat, tarutama ntuak induak bareh jo putra-putri tacinto. Ntuak sado alahe, salam kenal.....jaan sampai wak diduluan dek kapikunan awak. NAGARI AWAK mambutuahkan AWAK. Jaan dipapanjang cakak nan indak batampek. Mari awak basillaturrahmi agar awak basamo masuak sarugo. Amiiiiiin. Ditunggu......saran, ataw polling....., he......he....
See you, Tan Lembang tantu batampek di Lembang (52)
|
--~--~---------~--~----~------------~-------~--~----~
===============================================================
UNTUK DIPERHATIKAN:
- Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet
- Tulis Nama, Umur & Lokasi anda pada setiap posting
- Dilarang mengirim email attachment! Tawarkan kepada yg berminat & kirim melalui jalur pribadi
- Dilarang posting email besar dari >200KB. Jika melanggar akan dimoderasi atau dibanned
- Hapus footer & bagian tdk perlu dalam melakukan reply
- Hindari penggunaan reply utk topik/subjek baru
===============================================================
Berhenti, kirim email kosong ke: [EMAIL PROTECTED]
Daftarkan email anda yg terdaftar pada Google Account di: https://www.google.com/accounts/NewAccount?hl=id
Untuk dpt melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
