Mak Ngah iko stekarati Badonce
----------------------------------
BADONCEK
Oleh : Andi Jupardi
Pagi tadi hari Sabtu 23 09 2006 sakiro jam 09.33 datang SMS dari Ayang
kawan ambo. Isi SMS nyo bantuak iko sasuai nan tatulih di hape ambo : p :
"Rcn tgl 8 okt akan diadakan babuko basamo di masjid al azhar.Iluni rncnnya
akan bergabung, biaya badoncek/mungkin pakai kontribusi"
Ambo taruihkan sms ko kawan ambo nan banamo Totis, sms ambo inyo baleh iyo
agak tagalencek ambo, galeh nan barisi sereal angek minum pagi ambo aturan la
tibo di muluik indak jadi dek mambaco balasan SMS kawan ambo ko. .Galak ambo
dek karano kawan ambo ko batanyo,
"Apo badoncek tu Ndi", nan ambo sandiri indak mamparatikan kato minang nan
manyalinok dari sms si Ayang tadi, lalu ambo baleh sms kawan ko "ndak tahu ambo
do Tot..tapi ambo pernah danga...bia lah beko sabanta lai ambo telepon..urang
gaek laki2 ambo ka Aia Tawa Padang..
Samanjak tu penasaran ambo, raso ka ambo puta ka muko jarum jam..ko
sacapeknyo pai ka kantua walau hari libur tapi jaringan Internet jo talepon
tatap On Line.Tibo ambo dikantua jo konco-konco sakarajo ambo di sebuah NGO
Jerman, nan kami masiang-masiang bawok Note Book, bantuak..nan kasibuk
bana..macam-macam nan ditenteng kawan ambo .ado head set, .tampek CD, .Flash
Dish..dilihia..bagayuik 2 atau 3 buah kapasitas 1 GB. Padohal indak labiah
indak kurang kami basilanca di dunia maya tu, bamacam-macam, Chating, Browsing,
donlod musik, kabaa juo lai kami tapancia bakarajo di Pulau Simeulue jo NGO
asiang nan sadang mambantu masyarakat pulau Simeulue kanai musibah gampo jo
Tsunami, itu lo hiburan kami katiko akhir pakan.
Ambo telepon urang gaek ambo
"Hallo..Ass Wr..Papa."
."Waalaikusallam....aa kaba..tiok sabanta manelepon, .salamaik puaso. jo.maaf
lahia bathin..alah kapatang." Rang gaek ambo agak batanyo dek lah acok ambo
manelepon maklum ka masuak Puaso.
..Iko..yo ado saketek ka batanyo ka Papa."
".Apo tuh..tahu Papa arati Badoncek...mangumpua kepeng."
.Galak rang gaek ambo..di baliak telepon rumah Mbo di Aia Tawa Padang
"baa kok itu lo nan batanyo"
."Awak jo si Tot panasaran Pa "
Lah inyo jalehkan dek Urang gaek ambo apo kiro-kiro arati Badoncek ko.. Jadi
nan Badoncek, .iyo bahaso manyalinok., manuruik..panjalasan rang gaek ambo
tu..tradisi..atau kebiasaan dikampuang, katiko urang mangumpuakan
kepeang..misal untuak bagotong royong rami-rami.
.Nah biaya makan minumnyo bapasamoan., caronyo dilatakan kotak atau
karanjang..ditangah urang nan sadang bagotoroyong..lalu .manyumbang/baiyua
..sambia maloncekan kepeang ka karanjang tu (dek baloncekan kepeang mungkin nan
baiyua basamo..ko jadi badoncek namonyo), .jadi bara kataragak dek awak..indak
ado paksaan katiko awak maloncekan kepeang kadalam karanjang tu, bara taragak
sasuai kemampuan dan ikhlas.
Chating ambo kawan ambo si Tot
Tot alah dapek dek ambo arati kato Badoncek tu"
.."Apo tu Ndi"
..Ambo jalehkan bantuak nan diateh tu..sambia saketek bagarah-garah jo kawan
ambo ko
.
"Jadi bantuak iko Tot , kok angku ikuik babuko basamo baa barito SMS si
Ayang..nah pas angku manyumbang.caronyo .badoncek., katiko angku tagak dimuko
karanjang tampek kepang dikumpuakan, .misalnyo angku..manyumbang 25 ribu..pitih
angku ..kebetulan pitih saribu 25 halai. nah angku maloncek-loncek dimuko
karanjang tu duo puluah limo kali.
."Ciek loncek..masuakan sibu., .duo loncek masuakan sibu lai. Tigo loncek
masuak sibu lai, .sampai..25 kali loncek "
Lah Tot jadi itu aratinyo baiyua basamo-samo sambia maloncek mamasuak kepeang
dalam karanjang tu....makonyo BADONCEK"
Nan kawan ambo ko ndak dapek kecek lai inyo tampilkan sajo lai emoticon
chating nan gambar urang galak galak sambia baguliang-guliang di lantai tu
maresek-resek paruik.
Simeulue, 23 September 2006
--~--~---------~--~----~------------~-------~--~----~
===============================================================
UNTUK DIPERHATIKAN:
- Wajib mematuhi Peraturan Palanta RantauNet, mohon dibaca & dipahami! Lihat di
http://groups.google.com/group/RantauNet/web/peraturan-rantaunet
- Tulis Nama, Umur & Lokasi anda pada setiap posting
- Dilarang mengirim email attachment! Tawarkan kepada yg berminat & kirim
melalui jalur pribadi
- Dilarang posting email besar dari >200KB. Jika melanggar akan dimoderasi atau
dibanned
- Hapus footer & bagian tdk perlu dalam melakukan reply
- Jangan menggunakan reply utk topik/subjek baru
===============================================================
Berhenti, kirim email kosong ke: [EMAIL PROTECTED]
Daftarkan email anda yg terdaftar pada Google Account di:
https://www.google.com/accounts/NewAccount?hl=id
Untuk dpt melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
