From: Riri Chaidir
Sent: 20 Juni 2008 8:03
Mak Darul,
He he, kalau untuak urusan cetakan kop surek jo papan namo sajo indak talok
awak mambayia, tantu labiah rancak isu pergantian nama ko awak "endapkan"
(isitllah birokrat awak) dulu lah ... Sapakaik, kan, Mak Darul?
Wassalam,
Riri
L, 46, Bekasi
[^] Sanak Riri.
[^] Sapakai bana mbo, kalau dapek iyo awak bausaho mampalapang iduik
dikampuang. Dek iyo alah sampik bana urang kampuang kini. Jadi jan
dipasampik juo jo mancari kebanggaan nan alun tantu ado gunono lai.
Salah sau nan dapek mampalapang iduik dan bisa bajalan jo bara nan ado kini,
sambia maningkekan kemampuan, adolah wisata. Jikok pariwisata ko awak
pasamoan rancak bana mah. Kalau iduik alah lapang nantik, bisa jikok takana
nan lain bagai lih.
Nan penting iyo, eh iko manuruik pandapek mbo, iduik agak lapang, sahinggo
dapek manyikolakan anak labiah tinggi. Mampalapang iduik nan ambo mukasuik
adolah manambah pitih nan beredar di kampuang. Pitih beredrko adolah hasia
dari penjualan produk di kampuang. Iko tantu tamasuka produk jasa pelayanan
wisata.
Ambo pernah dalam pertemuan RN baru-baruko mamprotes saketek. Dek saat ado
sanak nan ka pulang basamo, nan ditanyo dek urang MAPPAS adolah apo
sumbangan nan kadiagiahkan ka kampuang? Kalau ambo bapandapek, indak minta
ikan doh. Indak mambari ikan doh kakampuang, tapi bari dan ajakan panciang
dan mamanciang ikan tu.
Mangko pikiran ambo, jikok ado urang pulang kampuang, paliang indak inyo
maabihkan pitih sajuta sahari (nan manginap di hotel), jikok 3 hari sajo
dikampuang kan alah Rp. 3jt tu. Jikok nan pulang basamoko tantu banyak
urang. Paliang indak kan 10-20 urang. Alah bara sumbangan mereka ka
penambahan peredaran pitih dikampuang awak tu.
Cubo nan dikam[uang tawarkan pulo service atau produk nan bisa mereka
nikmati atau bali, sahingo pitih nan tingga batambah banyak. Contoh service
nan bisa dijua misano, adokan katam kaji basamoan jo urang pulang basamo tu,
undang mereka datang, disitu bereka juo bisa manyumbang ala kadarno.
Kudian bisa juo maadokan randai, kalau mungkin diruangan atau lapangan
tatutuik, sahinggo bisa lo diogokan karicih masuakno. Atau agiahkan sajo
brosur jasa tu, kalau mereka tu tertarik mako bisa nego bara arago
pertunjukan itu.
Berikutno, oeh2 nan mungkin mereka bao, jan urang pandai sikek sajo nan bisa
manawarkan oleh2, cubo nagari lain bajugak lo maadokan oleh-oleh spesifik
nan lain. Sudahtu, kampuang nan lain juo bisa manawarkan program wisata nan
spesifik pulo. Di subalah kampuang mbo nan ambo tingga kini, manangkok ikan
disawah jo mananam padi sajo bisa dijuano ka anak kota Rp. 15,000 surang
kok. Dulu pernah sanak Mandahar ingin maajak anak2 urang keletek mancubo
sato kasawah. Tapi urang dikampuang indak ado nan mambutuhkan pitih nan dari
kaletek tu. Nan sabanano mereka tu alah bosan lalok di hotel di Bukik
taruih, jikok ado rumah nan agak segeh, tarutamo kamar mandi dan WCno, bisa
lo dijua ka turisko mah.
Baliak baliakka protes mbo dipertemuan RN kapatangko, sarancakno awak injan
salalu mambarekan urang nan alah namuah mambulanjokan pitihno dikampuang,
urang nan alah namuah pulang kampuang dan sudah tantu mereka babulanjo
dikampuang. Tapi jojokan jaso atau galeh awak, kalau lai ceem galeh awk tu
tabik salero mereka untuak mambali mah.
Awakko iyo tabiaso nan sabanano go mah. Urang nan alah namuah mangorbankan
pitih untuak ongkos, waktu untuk datang, eh iko dipertemuan2 urang awak go
eh, disodori pulo sumbangan2 itu ini kaano. Jadino mambarekan ka nan namuah
datang tu, lamo-lamo tabarek dan maleh mereka datang, jadino kumpulan itu
bantuak ikua mancik sajo. Ado kumpulan kami nan banamo mastermind, iyo nan
indak datang nan mamabiakan makan untuak nan datang. Dek nan datang alah
bakorban ongkos dan waktu.
Ambo iyo indak bosan2no mausuakan, marilah awak pikiakan apo sajo jenis atau
macam panciang nan bisa diagiahkan kaurang kampuang, sahinggo kampuang awak
dapek manapeki kodrat machluk hidup, nan bisa survive dima sajo mereka
barado.
Bari maaf ambo yo sanak, dek mungkin bapikia agak lain, nan penting diambo
iyo mangamukokan a nan tainok diati.
Wassalam
Darul St. Parapatiah 55-- Jkt
--~--~---------~--~----~------------~-------~--~----~
===============================================================
UNTUK DIPERHATIKAN:
- Wajib mematuhi Peraturan Palanta RantauNet, mohon dibaca & dipahami! Lihat di
http://groups.google.com/group/RantauNet/web/peraturan-rantaunet
- Tulis Nama, Umur & Lokasi anda pada setiap posting
- Dilarang mengirim email attachment! Tawarkan kepada yg berminat & kirim
melalui jalur pribadi
- Dilarang posting email besar dari >200KB. Jika melanggar akan dimoderasi atau
dibanned
- Hapus footer & bagian tdk perlu dalam melakukan reply
- Jangan menggunakan reply utk topik/subjek baru
===============================================================
Berhenti, kirim email kosong ke: [EMAIL PROTECTED]
Daftarkan email anda yg terdaftar pada Google Account di:
https://www.google.com/accounts/NewAccount?hl=id
Untuk dpt melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
