Assalaamu'alaikum wa rahmatullaahi wa barakaatuhu
Manolah angku Suryadi jo dunsanak nan basamo
Mambaco istilah simalakon, takana di ambo pamainan kami katiko ketek nan ambo
bao pulang dari pasa (Bukik Tinggi) ka kampuang ambo di Koto Tuo Balai Gurah
nan banamo semba lakon. Ambo pindah mangungsi ka kampuang dek malatuih parang
PRRI tahun 1958.
Parmainan tu dimainan dek duo kalompok anak-anak samo banyak, misalno
baranam-baranam. Nan pai lari, sarato nan mangaja. Dalam versi awal, nan
mangaja ko cukuiklah sampai manyingguang nan di kaja, alah di etong dapek,
sudah itu dibao, dimasuk-an ka dalam benteng dari garih sajo nan saolah-olah
pinjaro. Nan alah tatangkok ko indak buliah kalua, kacuali kalau di sembano di
kanti sa kalompokno, disembano di lakon. Mako nan tatangkok, tiok sabanta
basorak-sorak. Lakooon.........., sembaaaaa....Asa alah tagisia sajo dek lakon,
nan takuruang buliah lari baliak kalua dari benteng. Pamainan bakasudahan kalau
kasadoan kalompok nan lari tatangkok.
Dalam paraktek nan alah labiah 'maju' katiko itu, tangkok ko indak sakadar
tagisia dek nan mangaja, tapi iyo bana musti tapacik-an. Batambah hebat juo lai
sasudah itu, walau alah tapacik-an, kalau kalau alah dapek, musti dikatuak, di
paguik lihiano, di bao ka benteng. Kadang-kadang amuah jadi batinju kami katiko
itu dek ulah main semba lakon ko. Namun main tatap juo disukoi.
Katambah-tambah carito...
Wassalam,
Lembang Alam
----- Original Message ----
From: Lies Suryadi <[EMAIL PROTECTED]>
To: RantauNet@googlegroups.com
Sent: Sunday, June 29, 2008 11:44:33 AM
Subject: [EMAIL PROTECTED] Bls: [EMAIL PROTECTED] Re: Bls: [EMAIL PROTECTED]
Re: Festival Permainan Anak-anak Tradisional
Dinda Syofiardi jo dunsanak salapaunyo,
Kawan2 di UNAND (ado sastra Minang,almamater ambo), UNP dan Univ. Bang Hatta,
antah kama pangananyo. Malah babarapo permainan tu ado syairnyo: misalnyo main
Simalakon (main andok2an di malam tarang bulan) nan ado rujukannyo saketek
dalam SEMASA KECIL DI KAMPUNG-nya Muhammad Rajab.Ambo masih apa syairnyo
(didaraskan dek kelompok nan ka mangaja): "Nak-nak endong, barabah
ampek-ampek,si kanduang bacicik;an, dikaja indak dapek; mandi ka Solok,
bagusuak daun pudiang, balaki indak elok, baranak putiah-kuniang. Alah
linteh???? Alah linteh???" (Kalau lah dijawek "alah" dek kelompok nan lari/nan
maandok, mako dimulailah mancari dek kelompok nan mangaja/manacari.
Tradisi akademis nan lamah dan perspektif akademis nan sampik indak mambuek
awak tapikia bahaso pamainan anak2 ko juo objek penelitian ilmu sosial dan
humaniora yang menarik, seperti yang telah dilakukan dek Hans Overbeck puluhan
tahun lalu: inyo manulih duo buku sataba bandua mengenai permainan anak2 di
Jawa. Permainan anak2 tu jaleh merepresentasikan dan merefleksikan sistem
sosial suatu masyarakat. Overbeck tingga di Yogya dalam dekade 1920-30-an.
Salain tertarik jo apo sajo jenis permainan anak2 di Jawa....baliau ko sangaik
gilo jo SAMUIK. Apo sajo jenis samuik--samuik api, samuik itam, samuik
karanggo,samuik salimbado,..... nyo cataik sadonyo, langkok jo gambarnyo
sakalian... Buliah dikatokan inyo ko "Rajo Samuik". Awak..alah digigik samuik
alun juo takana lai nak manaliti samuik ko, hehe. Nan acok malah mambao2
anijang samuik pi baburu.....pulang baburu lansuang makanl amak jo sambalado
samuik api... Kalau ndak dapek mamburangeh pulo stek
ka 'induak bareh'....
Salam,
Suryadi
---
--~--~---------~--~----~------------~-------~--~----~
===============================================================
UNTUK DIPERHATIKAN:
- Wajib mematuhi Peraturan Palanta RantauNet, mohon dibaca & dipahami! Lihat di
http://groups.google.com/group/RantauNet/web/peraturan-rantaunet
- Tulis Nama, Umur & Lokasi anda pada setiap posting
- Dilarang mengirim email attachment! Tawarkan kepada yg berminat & kirim
melalui jalur pribadi
- Dilarang posting email besar dari >200KB. Jika melanggar akan dimoderasi atau
dibanned
- Hapus footer & bagian tdk perlu dalam melakukan reply
- Jangan menggunakan reply utk topik/subjek baru
===============================================================
Berhenti, kirim email kosong ke: [EMAIL PROTECTED]
Daftarkan email anda yg terdaftar pada Google Account di:
https://www.google.com/accounts/NewAccount?hl=id
Untuk dpt melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
