Baa...Paniang Tuan Buyuang Koboy sadang manyanda di lapau Mak Kirai di tapi janjang gudang, sadang lamak pulo kaluo asok dari iduang liau dari paisok 'Kaiser' nan dibali no edisi terakhir sabalum barangkek kapasa, tibo-tibo Upiak Leba liwaik lalu dimukonyo.. Buyuang Koboy Oii Upiak kanyiak lah sabanta...ado paralu ciek (kanyiak: kamari) Upiak Leba Aaa..du Tuan.., kalau ka maminjam pitih yo ndak ado di Ambo doh.. Buyuang Koboy Indak ka maminjam gay Uaden do, Uaden kabatanyo ciek ka kau Piak... Upiak Leba Kabatanyo A.. Tuan..., kasa ban Tuan ko mah, bukannya urang mancari info ka Tuan, tu ka Ambo pulo Tuan batanyo Buyuang Koboy. Nan iko yo Upiak nan banyak tau...kan Upiak labiah tau urusan lua di pado Uaden, Upiak banyak kenal jo Amai-Amai panjua cubadak, sayua-lado, pamasak jo langkok-langkok, biasonyo Amai-amai ko infonyo ebaik go, Baa manuruik Laki no nan hanyo duduak-duduak se dirumah tu..tentang kapamimpinan Ambo salama manjadi Katua Pasa ko.. Upiak Leba.. Kalau itu banyak Tuan..kiceknyo Tuan indak mangarati saketeknyo tentang pasa ko, karajo patantang patanteng men, caliak sinan caliak situ, mangaluah, karajo ndak ado nan salasai, janji Tuan dulu ka mamelok an pasa manyo, indak ado ciek men Tuan go mah, apolai... Buyuang Koboy.. Stop-stop lah tu Piak sakik talingo Uaden mandanga kicek laki Amai-amai tu, bantuak indak mangarik Den disiko mah, kapalo Den paniang mancaliak urang pasa nan susah diatur ko indak nyo inok-i pulo, baa Uaden basitungkin tiok ari., lalok Den kurangi, maa tau paja-paja tu, indak basinderehan go mah. Upiak Leba Tapi...Tuan batanyo.., baa ko Tuan berang-berang pulo ka Ambo.. Buyuang Koboy.. Indak,..Uaden indak berang ka Upiak doh, tapi indak ngarati Uaden a nan manjadi mukasuik laki amai-amai tu, Anyo se indak sato ka Pasa doh, mancaliak jauh mennyo, tapi batanyo den ciek Amai-Amai nan mangaleh di Pasa wak ko lai manyiracaunyo tentang Uaden sebagai Ketua Pasa ko Upiak Leba.. Ndak ado do Tuan, aniang men no , nan pantiang dinyo pitih masuak lanca, nan taandok banyak...lah tu mah Buyuang Koboy.. Kalau coitu baa ko banyak komentar lo Laki Amai-Amai tu, kapasa ge indak... Ano.. do Upiak Leba.. Tapi Tuan batanyo...Ambo pulo Tuan sasa Buyuang Koboy Sabanta-sabanta Piak..ado pitih ketek ndak pambayia kopi steng (steng: satangah galeh) Upiak Leba.. Alah Ambo kicekan cako...ndak ado pe-ak... Buyuang Koboy Oii... Alai.. Wassalam Dedi Yusmen Jakarta-240708
-~----------~----~----~----~------~----~------~--~--- --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet - Tulis Nama, Umur & Lokasi anda pada setiap posting - Dilarang mengirim email attachment! Tawarkan kepada yg berminat & kirim melalui jalur pribadi - Dilarang posting email besar dari >200KB. Jika melanggar akan dimoderasi atau dibanned - Hapus footer & bagian tdk perlu dalam melakukan reply - Jangan menggunakan reply utk topik/subjek baru =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---