Memang buku M. Radjab Perang Paderi tu rancak dan paralu dipalajari sabagai dasar bacaan, buku partamu tabik (1954?) nan agak mendetail dalam Bahaso Indonesia. Tapi paralu diingek, sumber-sumbernyo kabanyakan dari catatan-catatan pajalanan tantara Bulando; caro pamikiran M. Radjab pun sangat tapangruahi oleh caro pikia Bulando itu. Tema Utamanyo tampak di ambo manitiak barekkan dan manggadang- gadangkan Parang Paderi itu sabagai parang antaro Kaum Adat jo Kaum Agamo, bukan sabagai Parang Amar Makruf Nahi Munkar tema asli dan inti, pengoreksian kebiasaan masyarakat nan balawanan jo Agamo. Kalau bibliografinyo, buliah diambiak sebagai dasar, tapi bukanlah "nan paling langkok". Bibliografi nan labiah padek dan luas lai dapek dicaliek di Christine Dobbin, "Islamic Revival" 1983, dan nan baru-baru ko nan samo kito caliak dan tarimo di Lapau ko, Jeffrey Hadler, "A Historiography of Violence ...", 2008.
Manganai satuan ukuran nan dikatangahkan "langkah, hasta, depa" adolah dari bagian-bagian badan. Sayangnyo langkah, eto, dapo kito indak samo panjang. Hasta atau eto, panjang atau jarak antaro ujuang jari tangan jo siku, sadangkan depa atau dapo adolah jarak antaro ununang jari tangan kida jo suok kalau kaduo langan kito dirantang panjang paralel jo bahu suok-kida. Sapanembakan, jarak antaro badia jo sasaran tembak. Nah badia sia atau macam aa. Sapanembakan badia- badia balansa, karaben, dll, indak samo jo sapanembakan mariam do kan? Kok ukuran satuan kelompok tantara rancak kito tanyokan ka Pak Jenderal Kito nan duduak di Lapau ko, Dr. Saafaroedin Bahar. Salam, --MakNgah --- In [EMAIL PROTECTED], Datuk Endang <[EMAIL PROTECTED]> wrote: > > Manolah MakNgah, > Ambo basuo jo buku lamo, judulnyo "Perang Paderi", nan manulih Muhamad Radjab, nan manabikkan Perpustakaan Perguruan Kementerian P.P. dan K, tahun 1954. Tebal 432 halaman. Baru tabaco 3/4. Kalau diliek memang langkok isinyo, mulai dari kisah perbenturan agamo jo adat, sampai perang bonjol, hinggo maso sasudah itu. Nampakno jo penulis disalin ulang sucaro elok-elok dari berbagai bibliografi, langkok jo tanggal dan berbagai kejadian. Ambo raso iko literatur Paderi nan paling langkok. Cubo ambo lampirkan daftar bibliografi, sia tau sanak Suryadi ado kesempatan manyiginyo. > > Lai ado takileh mengenai benteng Bonjol. Mulai dibuek bagotong royong 15.000 urang Lembah Alahan Panjang kutiko itu, 2 minggu lamonyo. Jadilah benteng nan 200 langkah panjangnyo, 100 langkah lebarnyo, dan 7 hasta tingginyo. Namun pado maso penyerangan 1835, disabuikkan Kampuang Bonjol itu 1200 hasta panjangnyo, dan lebar 400 - 700 hasta. > > Nan jadi pertanyaan dek ambo adolah mengenai beberapa istilah dan ukuran itu, baraa kiro-kiro dek MakNgah ukuran : langkah, hasta, depa, sepenembakan ? > > Kudian dari itu ukuran-ukuran pasukan : detasemen, kolonne, kompi, batalion, peleton, sepasukan, barisan ? > > Tambah lai jo ukuran bangunan : kubu, stelling, benteng, tangsi ? > > Baitu MakNgah sarato sanak sapalanta yang mengetahui. > > Wassalam, > -datuk endang --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet - Tulis Nama, Umur & Lokasi anda pada setiap posting - Dilarang mengirim email attachment! Tawarkan kepada yg berminat & kirim melalui jalur pribadi - Dilarang posting email besar dari >200KB. Jika melanggar akan dimoderasi atau dibanned - Hapus footer & bagian tdk perlu dalam melakukan reply - Jangan menggunakan reply utk topik/subjek baru =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
