Mungkin dek hao demokrasi ko sadang angek bana di nagari awak, Ben. Ibaraik badan kanai damam, angek e lah mambuek pasandian manggigia. Satidaknyo itu nan dapek ambo kesan salamo 3 minggu Indonesia. Isu caleg ko marato tadanga, mulai dari musajik sampai ka rumah makan, dari los lambuang sampai teras hotel, dari layar tipi sampai ka ota di lapau. Bandera partai tagak dima-dima, mulai dari labuah rayo sampai jalan nagari. Di Jambektan Kurai Taji tapampang babarapo spanduk partai, salah satunyo batulihkan namo IJP. Dek banyaknyo partai kini, partai2 susah jadinyo mancari caleg, tarutamo di level kecamatan dan kabupaten. Di kampuang-kampuang ado urang nan bajojo caleg sarato ditugaskan dek satu partai mancari caleg (ambo ditawarkan pulo, he he...Mbo jawek jo cro elok: 'Sudahan sikola dulu'). isu calon independen tadanga nyariang, malah lah tadanga pulo bahaso ado kader2 partai nan iri. Baa ka indak? Tibo2 calon dari lua partai ko dapek tampek sajo, sadangkan awak nan lah lamo manggadangkan partai tatap tagadincik di bawah. Sia pulo nan indak ka iri jadinyo? Ambo ndak tau apokoh iko potensial di maso depan mamacah partai2. Nan jaleh anginnyo lah taraso banyak saketeknyo kini. Celeg nan dijojokan macam2: mulai dari guru agamo, sampai kapado toke. Di Kurai Taji sorang padusi mantan operator wartel mandaftar jadi caleg Golkar. Ditarimo. Awak rancak, padusi, budi elok, tantunyo capek ditarimo. Banyak partai baru nan kuatir indak mandapek caleg (nan 'bakualitas'). Ambo ndak tau apo efeknyo beko ko kapado kualaitas calek2 kito di DPR(D)-DPR(D) di saantero nagari. Babarapo urang caleg 'malompek' ka partai lain (alasannyo tantu macam2). Kesan ambo, caleg kolah jadi semacam profesi alternatif pulo; rancak sajo, bararti mambuka lapangan karajo baru. Nikmatilah angin demokrasi nan sadang barambuih kareh ko. Nan paralu, jan talalai lo karajo nan lain dek isu caleg ko, nan mangapuang awak dima-dima. Salam, Suryadi
----- Pesan Asli ---- Dari: benni_inayatullah <[EMAIL PROTECTED]> Kepada: rantaunet@googlegroups.com Terkirim: Selasa, 26 Agustus, 2008 10:42:40 Topik: [EMAIL PROTECTED] Politisi Juga Manusia Ambo binguang juo BOk, baa dek takah jadi aib kalau urang tu mamutuihkan untuak majadi politisi ? BUkankah hakikat politik itu mancari jalan untuak marabuik kekuasaan ? karano kekuasaan itulah nan manantukan hitam jo putiahnyo sebuah kesepakatan nan banamo negara bangsa (nation state) ? dalam sebuah negara bangsa nan mamarentah kan eksekutif ? nan mengawasi legislatif dan nan manyalasaikan sengketo adolah yudikatif (trias politika) itulah pilar demokrasi. jadi peran dan tugeh legislatif ko sangaik vital untuak ikuik manjamin roda bangsa ko bajalan di rel nan seharusnyo. karano itulah anyo dipiliah langsuang dek rakyaik. samo legitimasinyo jo eksekutif/presiden. kalau ndak ado trias politika ko atau legislatif khususnyo tantu alah manjadi otoritter indonesia ko..ntah kok nio baliak ka jaman majaphit liak. kito sadonyo pasti nio negara ko akan manjadi lebih baik nantinyo...tapi disisi lain kito mengutuk urnag baik-baik nan tajun manjadi politisi nan nio mawujuikkan mimpi kito basamo tu..baa pulo urnag baik-baik nan lainnyo amuah tajun basamo2 mangubah negara ko kalau baru memutuskan manjadi politisi sajo alah di upek basamo2...kasian bangsako maubah segala sesuatu nan takaik jo negara ko adolah dengan kekuasaan...itulah politik salam Ben ___________________________________________________________________________ Yahoo! Toolbar kini dilengkapi dengan Search Assist. Download sekarang juga. http://id.toolbar.yahoo.com/ --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet - Tulis Nama, Umur & Lokasi anda pada setiap posting - Dilarang mengirim email attachment! Tawarkan kepada yg berminat & kirim melalui jalur pribadi - Dilarang posting email besar dari >200KB. Jika melanggar akan dimoderasi atau dibanned - Hapus footer & bagian tdk perlu dalam melakukan reply - Jangan menggunakan reply utk topik/subjek baru =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---