Waalaikumsalam w.w. Buya,
Karano itulah makonyo ambo dorong dikaji masalah ko dalam-dalam,
ditungkuik-talantangkan, sahinggo tapisah atah dari bareh dan supayo tarang bak
ari. Pangalaman kito kan alah ado, dalam Lokakarya bulan Januari 2008 nan lalu,
nan kito adokan untuak manjawab 'petisi' Bung Mudy Situmorang tantang Tuanku
Imam Bonjol. Kito undang bana para sanak kito dari Batak/Mandailing dan Malayu
Riau, bukak kulik tampak isi, dan Alhamdulillah, masalahnyo salasai.
Padohal mulonyo ado juo sanak kito nan kabaratan, kalau-kalau
'mancabiak baju di dado' nan tanyato samo sakali indak kajadian doh. Karano itu
rasonyo kito paralu manaruihkan langkah ko, karano kito ado di jalan nan
bana.Kalau tanyato kudian kito salah, kito peloki malah.
Wassalam,
Saafroedin Bahar
(L, masuk 72 th, Jakarta)
Alternate e-mail address: [EMAIL PROTECTED]
--- On Tue, 8/26/08, H Masoed Abidin bin Zainal Abidin Abdul Jabbar <[EMAIL
PROTECTED]> wrote:
From: H Masoed Abidin bin Zainal Abidin Abdul Jabbar <[EMAIL PROTECTED]>
Subject: [EMAIL PROTECTED] Re: kama raibnyo Naskah Tuanku Imam Bonjol?
To: RantauNet@googlegroups.com
Cc: [EMAIL PROTECTED], [EMAIL PROTECTED]
Date: Tuesday, August 26, 2008, 6:22 PM
Assalamu'alaikum Wa Rahmatullahi wa Barakatuh,
Pak Saaf Yth,
Memang sangat berbelit-belit, sebagai layaknya Bukit Tak Jadi,
tapi di sana terletak kayanya khazanah sejarah ini.
Rasanya Bonjol, dengan semua latar belakangnya kini,
hampir sama dengan kelengkapan sejarah Sinambela,
yang menjadi rumpun si Singamangaraja,
tentu ada kaitannya dengan Imam Bonjol.
Sejarahnya juga di hapus...
karena ada nuansa keyakinan agama Islam yang melatar belakangi..
perjuangan kemerdekaan menentang Belanda..
saketek tersinggung juga oleh Hadler...,
Baa tu agak ati ananda Suryadi???
Wassalam
BuyaHMA
2008/8/26, Datuk Endang <[EMAIL PROTECTED]>:
Jadi baitulah Pak Saaf, kalau disigi labiah dalam sabananyo banyak nan ka
didapek. Ado nan alah tasimpan karono alam, karono zaman, atau karono manusia
sendiri. Nan terakhir iko bana nan jadi perhatian ambo : apokoh dengan niat
baiak, atau dengan niat buruak. Kalau itu dengan niat buruak, iko bana
tantangan awak untuak managakkan batang tarandam. Sudah tu kalau jo niat baiak,
iko bana pulo nan jadi permasalahan, apokoh alah patuik awak ungkapkan, ataukah
berhak awak maungkapkan, ataukah labiah elok bilo itu awak simpan juo. Karono
kalau terbatas penangkapan kito, dapek pulo kebenaran itu malah menjadi masalah
pulo ka kito. Jadi indak sado nan tasimpan itu buruak.
Dek karono itu, patuik bana awak basarah diri kapado petunjuk Allah, sahinggo
kok patuik atau indak iyolah untuak kebaikan kito basamo.
Baitu Pak Saaf, talabiah takurang.
Wassalam,
-datuk endang
--- On Tue, 8/26/08, Dr.Saafroedin BAHAR <[EMAIL PROTECTED]> wrote:
Waalaikumsalam w.w. Datuk Endang, Buya, jo Sanak Suryadi,
Mungkin dek karano alah lamo masalah Gerakan Paderi ko indak dikaca sacaro
mandalam, masih banyak 'lubang-lubang' nan paralu ditimbun, baiak antaro kito
sasamo urang Minang, maupun antaro kito jo para dunsanak kito di Utara dan di
Timur.
Kalau ambo indak salah, lokakarya di gedung Arsip Nasional bulan
Januari 2008 nan lalu adolah nan paratamo, dan Alhamdulillah, banyak saketeknyo
alah didapek kajaniahan dan kasapakatan, nan kito tuangkan sacaro tatulih dan
ditandotangani basamo-samo.
Kunjungan kito ka Bukik Tajadi minggu lalu alah mambuka pulo hal-hal
baru nan paralu kito kaji, antaro lain masalah baa bantuak benteng tu wakatu
parang basosoh, baa bantuak mariam-mariam Paderi, masalah tahun-tahun kajadian,
dan masalah mobilitas para pemimpin Paderi jo katurunan baliau-baliau -- salain
dari Tuanku Imam Bonjol -- antaro lain ka Padang Mentinggi, Rao, dan ka
Tambusai, Riau.
Untuak mandalami masalah-masalah saroman tu sacaro labiah malimbago
dan supayo dapek dilanjuikkan dek anak cucu kito, ambo usulkan pembentukan
Lembaga Kajian Gerakan Paderi.
Wassalam,
Saafroedin Bahar
(L, masuk 72 th, Jakarta)
Alternate e-mail address: [EMAIL PROTECTED]
Allahumma ghfir-lana dzunubana, wa li ikhwanina, wa sabaquuna bil-imaan,wa laa
taj'al fii qulubinaa ghillan lil-ladzina aamanuu Rabbana innaka ghafuurun
rahiim.
--~--~---------~--~----~------------~-------~--~----~
===============================================================
UNTUK DIPERHATIKAN:
- Wajib mematuhi Peraturan Palanta RantauNet, mohon dibaca & dipahami! Lihat di
http://groups.google.com/group/RantauNet/web/peraturan-rantaunet
- Tulis Nama, Umur & Lokasi anda pada setiap posting
- Dilarang mengirim email attachment! Tawarkan kepada yg berminat & kirim
melalui jalur pribadi
- Dilarang posting email besar dari >200KB. Jika melanggar akan dimoderasi atau
dibanned
- Hapus footer & bagian tdk perlu dalam melakukan reply
- Jangan menggunakan reply utk topik/subjek baru
===============================================================
Berhenti, kirim email kosong ke: [EMAIL PROTECTED]
Daftarkan email anda yg terdaftar pada Google Account di:
https://www.google.com/accounts/NewAccount?hl=id
Untuk dpt melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
