Assalamualaikum warahmatullahi wabarakatuh, Bana Angku Darul, ambo pun baru sakali ko mandanga istilah "Songket Canduang". Antahlah kalau ado nagari Canduang nan lain iyo alun masuak dalam daftar pangana ambo doh. Sapanjang pangana ambo iyo ciek Canduang, Canduang Awak, Canduang Koto Laweh.
Kalau lah ado nan dinamokan "Songket Canduang" dilabel baitu di Museum-museum, kamungkinan lah salah label tu. Tapi kok di museum- museum tu ado "Lapiak Maansiro Canduang" picayo ambo karano Canduang iyo tamusahua pulo jo Anyaman Lapiak Mansironyo. Bahkan sacaro lokal dahulu amak ambo acok bagarah kalau baliau lupo jo kaji nan diajakan guru di surau kapatang. "Saroman Urang Canduang maanyam lapiak, nan maa nan sudah takaduduaki juo." Aratinyo saroman urang lupo jo kaji, aa nan sudah diparajai atau dibaco patang, kini lah lupo pulo. Sayang indak disabuik di mujseum maa di California tu ado referensi nan dapek ambo caliak tampeknyo karano banyak museum di California. Urang nan ingin pai mancaliak "songket Canduang" ko ka Canduang (awak) walaupun sampai ka Bukik Bulek atau ka Lurah Jabua, pasti akan kecewa karano baiak Angku Darul atau pun ambo indak tahu adonyo urang mananun songket ko di Canduang doh. Kamungkinan salah label ko diambiak dari istilah "Canduang Koto Laweh" satu Unit Supra Nagari, nan mungkin disalah pahamkan urang nan indak tahu, Nagari Canduang ko dakek Nagari Koto Laweh. Jadi manuruik kincia-kincia pangana ambo, nan dapek ambo tangkok, memang ado Nagari dakek Koto Laweh ko nan mananun Kain Songket! Itu lah Nagari Pandai Sikek! Mudah-mudhan pagawai museum dimaa-dima nan lah malabel Seongket Canduang ko dapek mambvaco postiang ko untuak dapek dimaklumi untuak kamungkinan koreksi labelnyo. Manganai Bulan Suci Ramadhan, Ambo barupulang tarawih malam partamu sabanta ko di Santa Cruz, California. Jadi puaso kami muloi bisuak, Sinayan. Dek di Lapau ko macam-macama garah nan kalua, kok ado nan talonsong atau kadang-kadang kurang lamak didanga, iyo ambo sandiri mintak dibarimaaf nak sanang pulo kito manjalankan ibadah Bulan Suci Ramadhan ko. Salam, --MakNgah Sjamsir Sjarif www.usindo.net/hambo --- In [EMAIL PROTECTED], "Darul M" <[EMAIL PROTECTED]> wrote: > > Assalmulaikum WW > > Malamko ado dalam teks berjalan di Metro TV dalam acara Zona 80an jam 22:30 > WIB kalimat berikut. > > Terbaik didunia, Tenun songket Canduang dari Sumtra Barat disimpan di Museum > Tekstil California AS, Negeri Belanda dan para kolektor. > > Ambo nan urang Canduang agak heran saketek, jo adono songket Canduang. Apo > ado Canduang nan lain di Sumbar? Kok lai sempat mohon mak Ngah mancaliak > keberadaanno di Museum tekstil Kalifornia tu, kan kampuang mak Ngah bana ko > mah. > > Kemudian, dimalam patamo bulan Ramadhan, ambo ingin jo hati nan tulus mohon > maaf ka apak, ibuk, uda uni dan adiak sakalian, jikok ado salah nan dibuek > salamo awak baintegrasi di rantaunetko. Mudahan puaso awak basamo ditarimo > oleh Allah SWT. Amin. > Wassalam > Darul Makmur St Parapatiah --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet - Tulis Nama, Umur & Lokasi anda pada setiap posting - Dilarang mengirim email attachment! Tawarkan kepada yg berminat & kirim melalui jalur pribadi - Dilarang posting email besar dari >200KB. Jika melanggar akan dimoderasi atau dibanned - Hapus footer & bagian tdk perlu dalam melakukan reply - Jangan menggunakan reply utk topik/subjek baru =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---