Mak Ngah nan jauah di rantau.
Usul Mak Ngah ko rancak bana. Kawan-kawan sabalunyo alah mausulkan pulo ka ambo
mambuka rubrik atau kanal 'Siaga Bencana' di PadangKini.com, tapi ambo kecekan
waktu itu alun prioritas karano ambo jo tim sadang basitungkin 'manduduakan'
dulu kanal berita.
Insya Allah iko bisa dipacapek baa caronyo PadangKini mambuek kanal baru 'Siaga
Bencana'. Bahannyo alah cukuik banyak. Mungkin ambo bisa manggandeng 'KOGAMI'
nan alah lamo akrab jo ambo. Mudah-mudahan bisa tawujuik capek, sahinggo
pembaca di Padang atau nan ka Padang bisa mancaliak peta evakuasi (dalam ukuran
jaleh) dan baa caro mainda dari gampo jo tsunami.
Peta nan dipabanyak Kogamo subananyo cukuik banyak tasebar di musajik jo kantua
lurah. Ado pulo di tapi jalan. Singgalang dulu juo alah pernah mambuek. Tapi
ikolah panyakik awak, capek lupo.
Jadi PR awak nan paliang barek tu, malawan lupo.
Untuak Mak Ngah mangiekan. Untuang pulo berita CNN ko maingekan. Tapi tantu
harus jo berita nan pasti jo batua, kalau indak dicemeehan dek urang banyak,
kacau pulo kewaspadaan masyarakat tu.
Salam,
Kamanakan Syof (38+)
--- On Fri, 12/9/08, hambociek <[EMAIL PROTECTED]> wrote:
From: hambociek <[EMAIL PROTECTED]>
Subject: [EMAIL PROTECTED] FW: Informasi GEMPA 17 SEP 2008 di SUMBAR
To: RantauNet@googlegroups.com
Date: Friday, 12 September, 2008, 3:18 PM
Maa Angku Syof sarato Rang Lapau nan Basamo,
Sabalun thread "[EMAIL PROTECTED] Re: FW: Informasi GEMPA 17 SEP 2008 di
SUMBAR" ko, mungkin adidunsanak takalimbun mamparatikan Postiang nan
hati-hati dari Angku Boes dibawah thread "[EMAIL PROTECTED] Re: [Bulk]
[EMAIL PROTECTED] Longsor" nan ambo rakekkan di bawahko.
Bana atau tidak, ingin detail untuak kaparaluan masyarakat, dek
Angku Syof lai di Padang, rancak dihubuangi Budi Priyono nan punyo
nomor-nomor HP dan tel nan tampaknyo bisa dicapai lokal.
Apokoh iko hoax nan indak bakatantuan atau barito sahiah, rancak
ditalausua ka sumbernyo, sia bana nan mulo-mulo mampapalik-palikan
barito ka masyarakat kito nan lah lenyai jo barito tsunami jo gampo
ko.
Babarapo tahun nan lalu ado barito saroman ko, sumbernyo dari
seorang ahli gampo di Australia. Ambo pribadi dapek mahuabuanginyo
dengan email dan talipon sahinggo inyo manjalehkan baliak ka Media
nan bahaso katarangannyo disalahartikan dek Media di Indonesia.
Nah, bana atau tidak, namun kito paralu manayadari kito di Sumatera
Bagian Barat duduak di di ateh daerah geografis nan angek gampo
(ring of fire) nan indak panah tanang sadatiak tido. Samantaro awak
maota-ota di Lapau kini ko, bagian-bagian lempeng bumi di bawah
nagari awak geser-manggeser, piciak-mamiciak, basisn-mambasin,
galak takekeh-kekeh saroman anak mudo-mudo baintaian di Pantai
Padang. Caliaklah peta USGS bara banyaknyo titiak-titiak piciak-
mamiciak tu di daerah geografis kito.
Gampo sering terjadi, gampo gadang sagadang tu mungkin terjadi, tapi
indak ado urang nan tahu bilo kan terjadi. Bagi kito nan religious,
hanyo Allah Subhanahuata'ala nan ka tahu. Namun, kito tantu harus
berhati-hati-waspada manjago diri dan masyarakat setiok wakatu.
Ambo caliak baru-baru ko di surekkaba padang ado peta-peta
pangngungsian kalau-kalau ado tsunami. Tapi tampaknyo peta tu ketek.
Ambo ingin manyarankan, peta tu acok ditabikkan dan dianjurkan
kapado masyarakat untuak mangguntiang peta tu, diparajai dan
disimpan elok-elok, istimewa disimpan dalam laci oto kok bilo tajadi
lah tantu kama ka lari.
Ciek lai, dan iko penting, pendidikan tentang cara-cara
menyelamatkan diri pribadi dan masyarakat jiko tajadi gampo harus
diintensifkan, harus diulang-ulang. Baiak di sikolah, di kantua-
kantua, di musajik, di surau-surau, dijalehkan baa caronyo mahadoki
dengan ketenangan tanpa panik jiko tajadi gampo gadang. Iko harus
diutamakan, seharusnyo labiah dipentiangkan dari "panataran-
panataran" indoktrinasi di maso Orba. Brosur-brosur manganai itu
paralu dibuek dipabanhyak disebarkan gratis. Pamarentah Daerah harus
bertanggung jawab sacaro sistematis tantang pelaksanaan pendidikan
gampo jo tsunami ko. Media harus bertanggung jawab menyebarkan inti-
inti pendidikan bela diri terhadap bencana alam ko.
Dek Angku Syof di Padang Kini salah satu media, barangkali rancak
diketatkan acara ko disarankan ka media lain di Padang dan seluruh
Sumatera Barat. Itu adolah sumbangan nan baharago untuak masyarakat.
Sakitu parmintaan dari ambo nan jauah dari Gampo di Kampuang Awak
tapi juo duduak diateh Gampo Angek di California dimano pandidikan
sarupo itu dilakukan sacaro intensif dan sistematis.
Salam,
--MakNgah
Sjamsir Sjarif
www.usindo.net/hambo
---
Get your new Email address!
Grab the Email name you've always wanted before someone else does!
http://mail.promotions.yahoo.com/newdomains/aa/
--~--~---------~--~----~------------~-------~--~----~
===============================================================
UNTUK DIPERHATIKAN:
- Wajib mematuhi Peraturan Palanta RantauNet, mohon dibaca & dipahami! Lihat di
http://groups.google.com/group/RantauNet/web/peraturan-rantaunet
- Tulis Nama, Umur & Lokasi anda pada setiap posting
- Dilarang mengirim email attachment! Tawarkan kepada yg berminat & kirim
melalui jalur pribadi
- Dilarang posting email besar dari >200KB. Jika melanggar akan dimoderasi atau
dibanned
- Hapus footer & bagian tdk perlu dalam melakukan reply
- Jangan menggunakan reply utk topik/subjek baru
===============================================================
Berhenti, kirim email kosong ke: [EMAIL PROTECTED]
Daftarkan email anda yg terdaftar pada Google Account di:
https://www.google.com/accounts/NewAccount?hl=id
Untuk dpt melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
