Assalammualaikum Melvi dan JEPE sarato dunsanak sapalanta dimanopun barado.Melvi, kayakno memang mantun parangai dan pargaulan anak-anak kini. Gangguan untuak baraja sabana banyak. Tapi kalau mereka bisa mamanfaatkan teknologi dun, justru paluang mereka dapat ilmu dari manapun dan dari siapapun tabuka lebar pulo. Nah manyadarkan anak-anak untuak mamanfaatkan teknologi untuak kamajuan gon tamasuak tugas barek awak. Anak uni kabatulan kelas tigo SMA, Alhamdulillah lai suko mambaco. Ngenet dan sms iyo juo. Acok uni caliak ano mambuek tugas untuak kalompok, tapi ano surang nan mambuek." Nggak bakalan selesai kalau di bikin bersama-sama ", kato no. Kabiasaan tau beres gon, juo tajadi di sikola2 lain. Nah bakumpua mereka jadi mahasiswa uni. Kalau ujian, model ujian di sekolah umumno pilihan ganda, jarang mungkin dalam bentuk uraian. Bia nilai anak-anak tinggi, kadang dipadiakan guru pulo mereka saliang manyontek. Antahlah agak barek tugas awak nampakno kini. Tapaso agak cerewet sagetek.Sasudah UTS lai agak nampak parubahan. Baagiah tau, untuak lulus sakian nilai. Kalau UTS hancur-hancuran, UAS mesti bagus. Mudah-mudahan sajo mereka sanggup marubah kabiasaan dan mangaja target. Tapi syukurlah kalau di kota besar saroman Jakarta ado sekolah Al Azhar nan elok. Di Bengkulupun alah ado sikola TK Aula Duna, SDIT IQRA' dan SMPIT nan elok. Biaya agak maha sagetek. Tapi indak rugi doh, kadang santiang anak-anak dari urang tuo no, sahinggo urang tuo nan baraja ka anak. Mantun tadanga kawan-kawan atau urang di angkot bacarito.JEPEBagi dosen, para bintang gon gunono untuak panyumangaik baraja. Kalau tadasak atau tapaso maninggakan kelas untuak suatu kaparaluan nan indak bisa di tunda, para bintang bisa dimanfaatkan untuak mangamankan kelas. Kanyataan dilapangan, iyo indak salalu para bintang nan berhasil doh. Di Bengkulu kawan uni sakampuang cuman tamaik SD noh, tapi kini sadang barangkek haji untuak nan kaduo kalino. Uni sakali sen alun li. he he heWassHanifah Damanhuri
--- On Sat, 11/22/08, ulvan melvi <[EMAIL PROTECTED]> wrote: From: ulvan melvi <[EMAIL PROTECTED]> Subject: [EMAIL PROTECTED] MAU PINTAR ..? To: RantauNet@googlegroups.com Date: Saturday, November 22, 2008, 2:51 PM Ass ww Bu Hanifah, Ambo babagi carito senek yo. Pangalaman ambo maaja bbrp tahun lalu (kini indak maaja dulu karano ambo sadang sakola) memang agak payah maaja anak-anak kini. Pernah ambo bahas jo kolega-kolega lain, baa kok manurun bana kamampuan anak-anak kini. Kesimpulanno adalah anak-anak itu banyak yang dikarajoannya salain baraja se. Sibuk main game di warnet, mambuek blog, chatting jo kawan-kawan dan banyak laih karajo yang sio-sio mereka karajoan. Dimungkinkan juo alah jenuh baraja dari SD yang cukuik barek, sampai di bangku kuliah ingin santai. Pernah ambo bakunjuang ka sakolah ambo SD Fransiskus Bukittinggi, batamu jo guru-guru ambo dulu. Guru Sd ambo ko mangaluah pulo baa kok anak anak SD kini payah bana disuruah baraja apolai mambaco. Kalo dulu anak-anak pas jam istirahat masuak ka perpustakaan untuak mambaco. Kini anak-anak itu asyik main game di HP, bacarito tentang sinetron dan film. Jadi alah budaya mambaco itu kurang, kini batambah kurang pulo jo masuakno teknologi. Kecek urang kebablasan teknologi. Kalo dari SD alah payah disuruah baraja tantu waktu kuliah tambah payah. Ambo bandiangkan jo anak ambo yang sakola di siko (kelas 2 SD di Praha). Anak-anak indak buliah mambawo HP ka sakolah. Anak ambo sakola dari jam 7.45 salasai jam 12.00. Setelah itu ambo masuakkan anak-anak ka penitipan anak yang ado di sekolah itu juo sampai jam 17.00. Di penitipan ko anak-anak banyak kegiatannyo, ado olahraga, melukis, kesenian, manari, keramik , drama, komputer dan banyak yg lain. Anak-anak tingga mamiliah apo yang ka diikutinyo. Jadi anak-anak ko indak punyo waktu untuak manonton dan main game. Tapi maabiskan waktunyo jo aktifitas yang mereka sanangi dan berguna untuk perkembangan EQ mereka. Ciek lai yang ambo paratian. Di siko (Praha) ibu2 dari hamil 7 bulan sp anak baumua 3 tahun buliah tingga di rumah dan digaji oleh pemerintah tiok bulan. Anak-anak ko dibiasokan ibu nyo mambaco salagi masih bayi, samo jo yang dikarajoan gaek awak zaman dulu. Ibu-ibu kini kan wanita yang bakarajo, jadi pendidikan anak di rumah indak taparatian bana. Jadi permasalahan yang ibu hadapi kini ko adalah buah dari semua perlakuan dan didikan orang tua zaman kini ka anak-anaknyo.Tambah pulo system pendidikan awak yang indak terlalu berpihak ka anak. Anak-anak dibebani jo pelajaran yang barek dari ketek tapi indak barimbang. Iko manuruik pandapek ambo buk, moga-moga dapek manjawab tanyo Ibu. Wassalam, Melvi/p-35/ Praha visit http://www.west-sumatra.com ----- Original Message ---- From: hanifah daman <[EMAIL PROTECTED]> To: "[EMAIL PROTECTED]" <[EMAIL PROTECTED]> Cc: "rantaunet@googlegroups.com" <rantaunet@googlegroups.com> Sent: Saturday, November 22, 2008 5:53:15 Subject: [EMAIL PROTECTED] Re: MAU PINTAR ..? By : Jepe '83 Mau pintar ?? Makan karak kaliang he he he. Becanda. Pailangan kecewa. Ck ck ck antah apo isi kapalo mhs uni. Uni kahilangan bintang kelas tahun iko. Hampia 70 urang, ndak ado nan ancak nilai UTS no, baiak UTS teori maupun praktek. Anak2 kawan pulo di antarono. Lai kacapek uni jadi nenek2 nampakno, dek tapaso cerewet. Waktu ngajar calon guru mat di fkip dulu, jarang uni ngomel. Ndak pandaino n ndak pulo bausaho, kirimsen nilai E. Baalah di daerah lain? Apo tajadi juo panurunan kamampuan mhs? Huuhh baa kok mangkon go ?? Salam. Hanifah Get your preferred Email name! Now you can @ymail.com and @rocketmail.com. http://mail.promotions.yahoo.com/newdomains/aa/ --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet - Tulis Nama, Umur & Lokasi anda pada setiap posting - Dilarang mengirim email attachment! Tawarkan kepada yg berminat & kirim melalui jalur pribadi - Dilarang posting email besar dari >200KB. Jika melanggar akan dimoderasi atau dibanned - Hapus footer & bagian tdk perlu dalam melakukan reply - Jangan menggunakan reply utk topik/subjek baru =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
