Wa'alaikumussalam wa rahmatullahi wa barakatuh Dinda Junaidi dan sanak sa palanta.
Apa yang Dinda usahokan marupokan suatu usaho yang cukup baik dalam mempromosikan Ranah kepada dunia luar. Ambo doakan segala-galanya berjalan lancar. Kalau semua anak Minang di rantau bausaho persis yang Dinda lakukan, insyaAllah akan bertambah makmurlah Ranah tercinta. Itu merupakan sebagai salah satu usaho yang boleh kita (perantau) walau di mana jua kita berada. Berkat usaho dan desakan anak-anak Minang di tampek lamo ambo bakarajo, Telekom Malaysia – mambaok ratusan staffnya yang bakal pension berwisata ka Bukiktinggi dan sekitarnya saban tahun sajak 2006 lai. Alhamdulillha sudah tigo tahun, aktiviti ini bajalan dengan baik. Ambo doakan inisiatif Dinda berjaya. Wassalam. Idris Talu Untuk menikmati keindahan alam semulajadi, layari: http://www.west-sumatra.com/ Untuk menambah maklumat alam Minangkabau, layari: http://www.cimbuak.net/ --- On Tue, 25/11/08, jun aidi <[EMAIL PROTECTED]> wrote: From: jun aidi <[EMAIL PROTECTED]> Subject: [EMAIL PROTECTED] Lion City Pulang Basamo 2008, 29 Nov-4 Dec 2008 To: RantauNet@googlegroups.com, [EMAIL PROTECTED] Date: Tuesday, 25 November, 2008, 10:44 AM Assalamu'alaikum wr. wb. Disusun jadi nan sapuluah Ditakuakan kapalo nan satu Dihunjamkan lutuik nan duo Ampun jo redha ambo pinto ka bakeh ninaik mamak, alim ulama, cadiak pandai, bundo kandung, manti, malin, dubalang, urang mudo. Kok ketek indak disabuik namo kok gadang indak disabuik gala Bak kecek urang juo lambek lago lai ka manang, alhamdulillah barakaik do'a kito basamo, insya Allah tanggal 29 November 2008 atau tapekno hari Sabtu bisuak rombongan pulang basamo ka mandaraik di lapangan tabang internasional Minangkabau. Salain rombongan pulang basamo pado hari nantun akan tibo pulo rombongan pertukaran pemuda/pelajar antaro Singapur dan Sawahlunto sarato rombongan MUIS (Majelis Ugama Islam Singapura) nan ka maado-an conference di Bukittinggi. Jadi ado sekitar 100 urang masyarakaik Singapura nan ka manikmati keindahan alam, keunikan budaya dan keramahan masyarakat Minangkabau nan tanamo baik budi indah bahaso sarata berlandaskan Adat basandi syarak, syarak basandi kitabullah. Urang Minang nan haluih tutua kato, manih budi bahaso tantu alah siap mananti tamu nan ka datang ko, karano urang kito adalah msyarakaik nan sangaik mamuliakan tamu sahinggo kita manyadiokan lumbuang padi nan banamo sitinjau lauik panjamu tamu nan datang. Alangkah elok rono dan rupono kalau saandaino dimuloi dari pintu kaporo ranah Minang nan banamo Bandara International Minangkabau ko mereka disambuik jo hati nan suci muko nan janiah sarato sanyun nan taruih malakek dibibia. Bialah saketek awak baminyak aia, harimau di dalam paruik kambiang juo kaluakan. Muluik manih kucindan murah alah cukuik tu panyajuak hati tamu nan tibo indak paralu bana sirih dicarano atau tari galombang. Walaupun indak kamnukuak manambahi sakurang2 no mereka ko ka mambalanjokan dolar no di kampuang kito, tolong mambana ambo jaan lah mereka ko dipakuak-i, agiahlah mereka ko arago nan bapatuik-an. Bagi mereka nan berprofesi sabagai calo, tukang pakang, tukang pakuak, pareman pasa, tukang copet dll tolong barantilah berprofesi sakurang2 no salamo ukatu nantun, karano malu awak tacoreang biko arang dikaniang nan bak kecek urang juo bukanlan alu sa alu nangko alu tataruang nan di tabiang kok tatarung nan di lasuang bisa mancaruah galu galu bukanlah malu samalu nangko arang tacoreang nan dikaniang kok tacoreang di pungguang bisa ditutuik jo kain baju Dek karano nila satitiak rusak susu sabalango, dunia kini adolah kampuang global nan indak ado tapal bateh lai, kalau saandaino tamu awak ko kecewa yakinlah baritano akan sampai kasaluruah panjuru dunia bahkan sampai ka Timbuktu. Pasti dan pasti mareka ko ka maharamkan manjajak ranah mInang baliak dan ka maajak kawan2, kolega, sanak sudaraono untuak malakukan boikot. Tapi kalau awak bisa mambarikan pelayanan nan tabaiak, ambo yakin akan banyak tamu2 nan ka datang manikmati ranah Minangkabau. Sakali lai dengan sagalo kerendahan hati ambo maminta kapado saluruah stockholder baiak angku palo, anggota volksraad, laandrad, upeh, saradadu, sudaga, pareman, parewa, manti, dubalang, niniak mamak, alim ulam, cadiak pandai, bundo kanduang, urang mudo, rakyaik badarai marilah kito sambuik tamu2 awak ko jo sapo, senyum, layan. Banyak ma'af Wassalam Junaidi Ml. Basa (42), kandang singo Ketua rombongan Lion City Pulang Basamo 2008 New Email addresses available on Yahoo! Get the Email name you've always wanted on the new @ymail and @rocketmail. Hurry before someone else does! http://mail.promotions.yahoo.com/newdomains/aa/ --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet - Tulis Nama, Umur & Lokasi anda pada setiap posting - Dilarang mengirim email attachment! Tawarkan kepada yg berminat & kirim melalui jalur pribadi - Dilarang posting email besar dari >200KB. Jika melanggar akan dimoderasi atau dibanned - Hapus footer & bagian tdk perlu dalam melakukan reply - Jangan menggunakan reply utk topik/subjek baru =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
