Sanak Batuduang Ameh jo Herbi
Tarimo kasih ateh carito kaji lamo mandaki gunuang Singgalang ko, sabalunnyo jadi ingek lirik Lagu Elly Kasim jo Tiar Ramon (alm) dalam lagu "Dek Ulah Cinto" tu Barambuih angin gunuang Singgakang, mambaok pasan nan ka subarang Ampiang samo jo ambo, tarutamo mande ambo nan pancameh yo susah bana ambo minta izin ka beliau, tapi dek lai barombongan katiko tu kami anak2 SMA jo Mahasiswa pecinta Alam UNAND, lai juo nampak dek Mande ambo rombongan nan ka barangkek ko dari Aia Tawa ditambah anak Mahasiswa Unand ko kenal bana jo keluarga kami (tetangga) akhirnyo Mande ambo mengijinkannyo mandaki Gunuang Singgalang (Kok Gunuang Merapi ambo yo ndak pernah mandapek restu dek mande ambo, jadi manduo hati deknyo..kok jiwa Mudo dipaturuik rasonyo pai sajo tanpa ijin dan restu Mande, jadi sagalo sesuatu indak dapek restu dari Mande ko bagi ambo ya agak kuek tarikan magnetnyo, bajalanpun hati ndak sanang tapaso sampai kini ndak pernah mandaki Gunuang Merapi, walau ambo dek kawan2 sabaya dulu dikompori bana. Jaman dulu anak2 mudo umumnyo harus mah mandaki duo gunuang nan manjadi "Land Mark" Ranah Minang ko) Nan Sanak BA caritokan ko yo pas bana setingannyo, ambo ndak tahu namo2 kampuang seputar pinggang gunuang Singgalang nan jaleh pasti para pendaki yo bakumpua dulu di Relay TVRI.Sabalun mandaki dari Padang tibo di Pakan Koto Baru nan paliang lamak minum kopi angek, pisang goreng katan dikadai2 sapanjang jalan raya tu. Ado tips saketek buek sanak Herbi jo sanak2 lain nan ka berencana mandaki gunuang Singgalang ko, iko hanyo pengalaman kakak kelas ambo di Fahutan IPB (Klub pecinta Alam alumni ambo), jadi wakatu ambo mandaki Gunuang Gede tu Gunuang Walat kakak kelas ko banyak baok Timun (Antimun), jadi tujuannyo siang hari kok paneh awak auih kelelahan mako timun ko dimakan sambia taruih bajalan (hiking) nampaknyo yo banyak manfaatnyo awak maraso nyaman, segar terhindar dari dehidrasi dan ado tambahan energi. Kito tunggu kisah Sanak Herbi nantinyo nan merencanakan ka mamacahkan rekor di MURI mandaki Gunuang Singgalang di Usia 40 ka ateh dan juo poto2nyo, tarutamo poto Talago Dewi ingin bana ambo malihek kondisi terkininyo, lah 25 Tahun ndak pernah maliheknyo lai. Selamat Mendaki Gunuang Singgalang semoga lancar-lancar sajo Naik Turun dan buek sanak BA dek lai pemain cadangan, mudah2an jadi pemain inti (bisa ikuik) sekalian pulang kampuang, jaan lupo ndak pulang ka Pakan mambaok Lobak Singgalang. Wass-Jepe ________________________________ From: RantauNet@googlegroups.com [mailto:rantau...@googlegroups.com] On Behalf Of Batuduang Ameh Sent: Friday, December 26, 2008 11:44 PM To: RantauNet@googlegroups.com Subject: [...@ntau-net] Re: TAWARAN MENDAKI GUNUNG SINGGALANG Da Jepe, sakiro manambah kaji lamo sajo. Awak aslinyo rang kaki gunuang Singgalang iko da. Kampuang awak di Batagak. Jadi kalo kami ka naiak gunuang indak lalu ka Kotobaru do tapi lansuang dari Batagak, Padang Kudo tambuih ka Banda Gadang lansuang naiak ka Padang Laweh malalui Parak Lobak sudah tu baru basamo-samo jo rombongan lain barangkek dari Relay TV manjalang tangah malam. Kiro-kiro pukua 3 tibo dipasanggarahan nan tadiri dari lantai batu du da. Sudah tu manjalang sasudah matoari tabik baru naiak ka Talago Dewi. Kiro-kiro pukua 7 atau salapan baru turun baliak ka relay. Kok nan turun io saroman carito uda io agak labiah payah dari naiak dek awak lah Nampak jalan nan ka ditampuah suok kida. Pas kutiko kami turun ukatu itu ari sadang kabuik sansai jadi indak baitu tapangaruah jo pandangan sakuliliang, tapi io nan jaleh kalo lah turun itu baru kito tau kondisi jalan nan sabananyo. Sabananyo nan awak io sakali baru naiak gunuang ko da dek di amak awak ndak paranah diizinan pai naiak gunuang do apo itu Singgalang atau Marapi. Iko kajadiannyo dek amak wak paranah bacurito kalo salah surang uwan awak paranah ampia ilang digunuang ko, untuak ado urang paburu nan batamu jo inyo nan mambao baliak turun. Manuruik carito uwan awak ko baliak baliak surang kaateh dek keceknyo ado nan maimbau naiak. Tapi nan sakali du kutiko awak ka tamaik STM dek bamintak juo sudah tu urang kampuang rami pulo nan pai tamasuak anak SD bagai mako tulah sakali du awak dibari izin naiak gunuang, lah tamaik sikola awak lah lansuang pai marantau dek dibao urang sakampuang pai jo inyo sakalian sato test untuak masuak karajo ka Caltex th 88 sampai kini. Sakitu tambahan carito lamo da mudah-mudahan ado pulo carito lain dek dunsanak kito sakalian ba nostalgia. Wassalam Batuduang Ameh (40) "4 Rancak 5 Lamak Bana" ----------~----~----~----~------~----~------~--~--- --~--~---------~--~----~------------~-------~--~----~ =============================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi di setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =============================================================== Berhenti, kirim email kosong ke: rantaunet-unsubscr...@googlegroups.com Daftarkan email anda yg terdaftar disini pada Google Account di: https://www.google.com/accounts/NewAccount?hl=id Untuk melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
