Jadi, bisa paniang surang se awak beko .. mancaliak daftar namo nan ka di contreng ...
___________di guntianggggggggggg______________________ Pak Erwin M , sarato sanak sapalanta.... Masalah contReng ( iko tulisan nan batua kecek Uda Andi ) ka mancontreang ko nan di taun kiniko iyo sabana mambuek paniang. Mungkin juo iko dek karano baru partamu kali partai nan sabanyak iko. Ditambah pulo bak kato Apak tadi nan kadipiliah tu namo, bukan gambarnyo. Ancau kabirau...Namo ko banyak pulo nan ampia samo. Apolai kalo namo lah pasaran.. antahlah.. Kok diliek sapanjang jalan iyo lai banyak nan malatak an kodak nyo disitu. Nan sabagian gadang, (ambo taba an tulisan nyo stek Pak ) antah dari maa kolah asa urang nyo? Baa track record nyo salamoko ? Kadang kadang mangaku katua dari kalompok iko, panguruih dari kalompok iten, aktivis dari peduli ... macam macamlah. Antah diawak mato nan kurang tarang , talingo nan kurang nyariang, kok jalan nan kurang jauah, atau antene tu bana nan randah, nan salaruik salamoko alun ado babaun asok jurami kodak kodang urang nan sabagaian gadang ko lai.. Kini lah tingga duo bulan kurang saminggu lai kamancucuak di TPS , nan pilihan ambo koa Pak, alun juo mangarucuik lai. Jangankan urangnyo sia, partai nyo sajo alun jaleh lai. Jadi kapado dunsanak nan lai punyo tokoh tokoh nan bisa diharok an ( tantu di daerah dapil ambo, Batam, Sei Beduk ) , tolonglah agiah kaba . Kok indak baminang minang, kirim sajo ka Japri. Kok dapek bak istilah Uda Elthaf ASURA , asa urang awak. Tapi jan sampai mangecewa kan penonton pulo isuak kok lah jadi. Sakitu dulu dari ambo Pak Erwin, Salam, Tamudo, Btm.34. --~--~---------~--~----~------------~-------~--~----~ =============================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi di setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =============================================================== Berhenti, kirim email kosong ke: rantaunet-unsubscr...@googlegroups.com Daftarkan email anda yg terdaftar disini pada Google Account di: https://www.google.com/accounts/NewAccount?hl=id Untuk melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
