Bialah sakali komen sajo dek ambo soal bulau jo Aru dan Ganiah ko...
"Hantu Bulau" Mungkin aktualisasi untuak hantu/makhluk menakutkan dan punya power luar biasa yang merupakan kasta tertinggi. "Kok hantu bulau sekalipun nan datang, tatap den tampin disiko" Jadi inyo lah mahajan tuah. Sabana PEDE. Indak takuik jo siapo pun nan tibo "Haru biru". Mungkin menyatakan kegalauan perasaaan ? " Haru biru perasaannya setelah membaca surat dari kampung itu" Kalau Simpang Haru mungkin disitu dulu tumbuah batang Aru, nan daunnyo acok dipakai untuak manurunkan paneh, kalau kito terutamo anak-anak sadang damam paneh Bahkan daun Aru juo dipakai untuak malacuik urang nan bailmu tinggi. Rantiang + daun aru agak sadapo, dirandam kadalam aia. Dilacuik pelan sajo indak paralu kareh ka urang nan diperkirakan manyimpan ilmu dan sadang manunggu sakratal maut ( bahaso kami namonyo naiak-pasang). Insyaallah kalau inyo memang lah tibo ajalnyo, akan langsuang wafat. Bahkan untuak yang kelas tinggi ado juo atok jo loteng rumah tapaso dibukak dulu saketek. Mukasuiknyo sacaro simbolis indak ado lai yang menghalang arwahnyo untuak kalua dari jasadnyo. Kalau indak bisa juo inyo sehat baliak sasudah itu. Ambo maliek praktek iko... untuak urang nan alah babarapo hari indak sadar, menunggu sakratal maut . Nan punyo ilmu iko.... untuak menyiapkan daun aru itu adolah bakeh Romusha nan ambo tamui di pinggiran kota Pekanbaru. Tapi nan malacuiknyo bisa urang lain indak paralu baliau itu. Walau wakatu itu alah akhir tahun 80an. Tapi baliau masih tampak sangat segar macam berusia sekitar ampek puluahan. Jadi cukup awet untuk ex. Romusha yang mungkin sudah berumur 60-70 tahun. Cukup banyak pasiennya termasuk petinggi dan pengusaha yang datang ke pondok didekat jembatan kayu Perhentian Marpoyan menuju komplek Pandau ... Saat itu komplek perumahan ini belum jadi... daerah itu masih hutan semak belukar. Kapatang ko...lamo ambo mamparatikannyo...indak kenal daerah tu lai karano lah rami....namo baliau pun ambo indak tau... Ambo indak tau praktek perdukunan iko lah masuak "Musyrik" pulo, tapi nan jaleh itu merupakan usaho secara tradisionil untuak "malapeh" arwah seseorang yang sulit keluar dari Jasadnya. Jadi tanpa melalui ICU atau ICCU di Rumah Sakit biasa yang kadang masyarakat kita belum mampu membiayainya. Pada banyak tempat, terutama dipinggir sungai atau didalam kebun. Pohon aru dengan daunnya yang rimbun sering menimbulkan suasana magis yang sukar untuk diucapkan.. yang taraso bulu kuduak acok maramang kalau dakek tampek itu yang kadang rada gelap walau disiang bolong. Batang Aru yang penuh duri, juga menjadi tempat orang kalau dilarikan hantu aru-aru. Tanpa sadar dengan mudah sajo inyolah mamanjek dan sampai dakek pucuak batang aru itu. Beko kok dikajuikkan urang atau lah sadar inyo... habih tangan kaki jo badannyo tacucuak duri nan ado dibatang aru itu katiko ka turun.... Tapuang kanji walau samo barasa dari kapelo batang/ ubi kayu, agak beda jo tapuang ubi biaso. Tapuang Kanji barasa dari ubi segar nan di rudan/ parut. Sasudah itu hasil parutan diperas. Kemudia cairan yang keluar diendapkan. Endapan dipisah dari cairan...ini yang dijemur nanti menjadi tapuang nan haluih.. Jadi asanyo semacam dari saripati ubi itu. Disabuik juo tapuang Tapioka. Sering untuk ekspor dan bahan tambahan industri makanan yang agak berkelas. Ampasnya bisa jadi makanan ternak, tapi kalau limbah ini tidak ditangani dengan baik. Di Lampung yang jadi sentra penanaman ubi kayu dulu pernah menimbulkan aroma yang tidak sedap. Sedang kalau mambuek tapuang ubi . Ubi dicancang, dijamua. Kalau lah kariang ditumbuak dilasuang. Biar hasilnyo mantap jadi halus semua di RAGAI/ ayak dulu. Yang kasar ditumbuk lagi sampai haluih kasadonyo Jadi disiko tapakai kasadonyo, indak ado siso/ampas. Tapuangnyo bisa untuak berbagai karupuak, kue ranjau atau onde-onde/ klepon. Sabab rang Jawa manyabuik onde-onde untuak kue bulek macam itu nan diluanyo dilumuri wijen dan digoreng. Urang kampuang ambo manyabuik iko kue bijan. Bahkan dimaso susah mandapekkan tarigu, tapuang ubi dipakai pengganti/campuran terigu. Kalau tapuang kanji dipakai untuak kue kurang empuk hasianyo Soal baju ganiah indak samo juo gamis. Baju ganiah ukurannyo samo jo koko, indak panjang sampai kabawah lutuik. Bahkan dulu disabuik juo baju guntiang Cino. Antah baa ko lah nan pakai krah dan sambungan bahu bisa disabuik baju KOKO. Padahal KOKO itu panggilan ka rang Cino juo. Tampaknyo Gamis iko populer dinagari kito sajak banyaknyo penganut Tablig/Salafi yang berkiblat ke Pakistan. Apolai pada waktu tertentu mereka harus keluar untuak berdakwah mamakai pakaian ala Pakistan/Urdu itu. Dulu inyiak ambo hari Jumat atau pai baralek, tatap pakai sorban yang dililit rapi manggambuang sekeliliang kupiah haji yang putiah itu. Kupiahnyo standar kupiah haji putiah bukan yang sudah dimodify ala Pakistan itu. Apolai topi Taliban...alun dipakai uarang awak ado maso daulu.. Kadang sesekali ado juo baliau pakai REGAL macam Yasser Arafat. Kini acok nampak nan pakai sorban yang langsung dililit tipis tanpa kopiah didalamnyo. Termasuk nan dipakai para FPI member atau anak buah Abu Bakar Baasyir. Jadinyo tampak ala Rambo atau nan sering dipakai TNI kalau lagi tugas dimedan perang/latihan Wass TR 53+ --~--~---------~--~----~------------~-------~--~----~ =============================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi di setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =============================================================== Berhenti, kirim email kosong ke: rantaunet-unsubscr...@googlegroups.com Daftarkan email anda yg terdaftar disini pada Google Account di: https://www.google.com/accounts/NewAccount?hl=id Untuk melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
