MakNgah biasonyo kamumu nan ka ubek batuak itu Di lalap sajo. Caronyo batang kamumu itu dikubak kulik arinyo, sa sudah itu diirih tipih-tipih..ditambah bawang nan lah diirih tipih pulo. Diracik kan limau sundai dan ditaburi garam secukupnyo.
Mungkin dek pengaruh asam itu. Sabana segar rasonyo. Makanan lain nan cukuik mengundang salero adolah kacang paga atau timbaba/ putiak cubadak sagadang tinju. Diabuih tumbuak macam pasta tambahi limau jo bawang. Ado juo dibuek dari cikarau nan banyak tumbuah ditabek...ambo suko juo aroma cikarau iko... Tapi kalau samba lado+ kincuang agak kurang pas dek ambo... Kok cangkuak ambacang dikami di Pnompen indak begitu popular labiah popular cangkuak tulang atau teri. Tapi dikampuang urang rumah ambo di Galuang Sungai Pua...samba iko acok tasadio. Ado juo nan namonyo maco pado...Mungkin itu maco nan kecek JEPE agak lain aromanyo itu. Dulu banyak dijua baonggok dibulakang pasa Kiktenggi, macam pantau agak kehitaman. Ambo babarapo kali mancubo maco pado iko...Walau dilidah dan aromanyo lai lumayan pas... antah dek talalu padeh (Stylenyo memang labiah padeh dari samba cingkuak/tanak lado) atau agak alergi, akibatnyo ambo sakik paruik taruih dek inyo... Tanak lado sabana cukuik popular dek kami...Kalau jaman nenek ambo dulu memang ladonyo nan banyak sarato bermacam daun lengkap jo maco dan patai...Sahinggo inyo babantuak pasta. Hari pertama sabana padeh dek masih angek angek, bisa tabik aia mato dek inyo ....tapi dihari kaduo dan seterusnyo lah sabana menyatu raso berbagai daun jo aroma patai sarato maco itu... Itulah keunggulan masakan Padang samo jo randang, pangek sampai gulai cubadak ba angekkan.. Kalau kuliner lain kan umumnyo dihidangkan panas atau fresh from the oven Cuma kini kakak ambo kok mambuek tanak lado iko lah ditambah pulo jo talua puyuah, santannyo jo kuahnyo pun labiah banyak... Jadinyo kurang tahan lamo macam masakan nenek dulu... Tapi tanak lado iko acok juo distock di freezer kami..Ciek lai samba lado mudo di Lubuak Bangku acok ambo pasan, dibungkuih dibao pulang. Disimpan pulo di freezer macam kurenah makNgah. Bilo takana dikinyam saketek... Ciek lai nan khas dan praktis dulu dikampuang ambo teri digoreng jo kantang ketek yang bulek, ladonyo dibubuhi karambia . Lado karambia iko kok digalimangkan ka nasi angek....rasonyo sabana kaja-bakaja ...antah nama nan kadipiliah kok ado randang jo ayam goreng bagai.. Iko juo acok jadi makanan anak kos...sadang kawan ambo nan di Sicincin acok pulo mambao goreng sapek lado mudo pakai asam durian... cukup tahan babarapo hari dan rasonyo lumayan juo.. Itu bedanyo kito sikola dulu nan tapaso acok mamasak sandiri, karano alun banyak katering macam kini...kok ka mambayia makan ditampek manyio rumah... acok dilarang urang tuo-tuo... Tasangkuik beko jo anak gadihnyo kecek baliau.. Kok curito soal pucuak ubi batumbuak....dek karano dapek itulah baru ambo sadar lah ta makan "SAKSANG" di Malioboro. Kalau pucuak ubi tumbuak + arsik lumayan sero rasonyo.. Dek kini JEPE lai acok di Sibuhulan tantu lah acok mancubo ARSIK itu yo.. Untuak nan alun tau ARSIK adolah pangek ikan AMEH tanpa santan/dama...jadi dihabuih sajo jo berbagai daun bumbu khas Tapanuli diantaronyo kucai jo tombak bawang. Arsik iko tamasuak makanan adat mereka, supayo indak takicuah makannyo di Tap Sel sajo...Kok di Tap Teng apolai di Tapanuli Utara takuik awak mamasaknyo lah dakek jo SAKSANG itu --~--~---------~--~----~------------~-------~--~----~ =============================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi di setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =============================================================== Berhenti, kirim email kosong ke: rantaunet-unsubscr...@googlegroups.com Daftarkan email anda yg terdaftar disini pada Google Account di: https://www.google.com/accounts/NewAccount?hl=id Untuk melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
