Sajak maso sikola saisuak ambo suko malala....Camping di Singkarak...Naiak gunuang Marapi.. Bahkan ka Lubuak Minturun atau Lubuak Paraku kami rami-rami naiak sapeda... Maso itu sepeda motor alun banyak dipakai anak sikola..
Uang cuti partamo ambo CPI habih untuak raun sabalik salamo sabulan. Padohal sabalun itu lah ado nan manawarkan tanah dan pitih itu cukuik untuak mambali sahektar tanah didakek Mall SKA kini... Mungkin alun ratak tangan lai untuak jadi juragan tanah...karano ukatu itu mambali tanah aratinyo jadi petani...kok ka jadi petani juo manga marantau... di Kiktenggi laweh sawah awak... tapi kini nan ma nan sempat mambali tanah maso itu sabana mantap ekonominyo.. Sajak lah bakaluarga pai raun-raun mulai dari baduo jo induak bareh, batigo sampai ba limo baranak..... Kalau seputaran Sumatra acok raun-raun mambao oto surang.... Terakhir anam bulan yang lewat ambo masih mambao oto dari PKU ka JKT untuak anak bunsu ambo nan kuliah di JKT. Kajadian iko ukatu anak bungsu ambo masih bayi dan ambo ingin maliek kondisi terkini kalau ka raun sabalik Jawa-Bali untuak maso kiro-kiro tigo-ampek minggu. Dari Jakarta ambo naiak KA lintas utara via Semarang- Surabaya taruih ka Bali..ditiok kota itu turun agak sahari duo. Lah labiah saminggu raun-raun di Bali. Dari Bali dibali kuricih KA untuak lintas Selatan via Jogja dan berakhir di Bandung. Jadi walau awak naik oto jo kapa lai satu paket jo tiket kureta api itu.. Kok di Bali ukatu itu ado pekan kesenian Bali, di Jogja ado Sekaten di Alun-Alun... Tangah malam salasai mancaliak acara kesenian dalam SEKATEN itu ambo baliak ka Hotel nan talatak disabalah kanan Jln. Malioboro kalau dari arah Kraton. Hari hujan rinai...paruik lapa.... lesehan burung dara nan rami ukatu sanjo lah bubar... Disuatu pojok nampak dek ambo lumayan rami nan sadang maisi kampuang tangah... walau itu ado tendanyo banyak juo nan duduak makan diateh honda. Antrian ka masuak pun lumayan banyak juo... Mungkin dek maliek ambo agak ba-umua dari pado para remaja nan rami itu...waiternyo manyiapkan ciek bangku untuak ambo... Semua waiter bapakaian mirip rang Madura.... Baju itam nan indak dipasang kancingnyo karano didalam ado kaos merah -putih, langkok jo sarawa galembong itam dan batarompa macam datuak-datuak.... Sasudah ikua tahanyak ka bangku plastic itu...datanglah nasi hangek jo asok nan bagabun.... sabana pas untuak ma usia dingin jo paruik nan litak.. Untuak kawannyo ado dagiang goreng diirih tipih...macam ikan asin nan acok awak goreng... Sasudah itu datang pulo gulai cancang sapiriang.... Dek paruik sabana litak dan antrian lumayan banyak, capek ambo santuang hidangan itu. Sabalun batambuah.... baru datang pucuak ubi batumbuak,ambo kiro itu tamasuak bagian menu Madura. Sasudah dikicok, dan maraso pasti itu masakan Batak. Ambo batanyo ka waiternyo... "Ini masakan Madura atau Batak ?" "Batak... Om" Kecek waiternyo... Eee yayaii... "Jadi ini Saksang ?" "Iya" jawabnyo mantap..... Apolai pulo tabaso dihantikan makan itu lai.... Dek mancaliak pakaian waiternyo ambo sangko mereka rang Madura nan manjua makanan Madura.... Ruponyo ado makanan nan ganjia kalau lah tangah malam di Malioboro itu. Takanai ambo ditanah Jawa...padohal ambo di Bali kalau indak masuak RMP ambo makan masakan Madura iko.. Indak masakan Jawa atau Sunda...karano kok menu Jawa agak ragu jo dagiang atau ayam di masakan urang nantun.... kalau ikan bakar masakan Sunda kadang haragonyo agak mancakiak pulo... maklum awak kan cuma back-packers...dan masih akan lamo dijalan .... Wass St. R. Ameh 53+ --~--~---------~--~----~------------~-------~--~----~ =============================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi di setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =============================================================== Berhenti, kirim email kosong ke: rantaunet-unsubscr...@googlegroups.com Daftarkan email anda yg terdaftar disini pada Google Account di: https://www.google.com/accounts/NewAccount?hl=id Untuk melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
