Assalamu'alaikum ambo tujukan kapado sanak sakalian, indak disabuikkan penghulu, urang tuo kami, maupun handai tolan. Tarimo kasih ambo sampaikan atas perhatian sarato doa, mudah-mudahan Allah mengabulkan dan membalaskan kapado sanak sekalian. Iyo memang taraso gadang raso awak badunsanak di milis iko. Kalau ado nan salah dan kurang patuik ambo minta maaf. MakNgah, alah ambo tanyokan ka Umi ambo. Baliau dulu dari Diniyyah Puteri Padang Panjang, lalu melanjutkan ka PGAA dan SGA di Pakanbaru, masuak tahun 1959. Lalu melanjutkan ka IAIN Yogya tahun 1961. Satalah di Yogya, kemudian tahun 1966 pindah ka Medan. Baru tigo tahun lalu pensiun di IAIN-SU, dan kini alah mulai banyak manatap di Jakarta. Jadi ambo lahia di Yogya dan gadang di Medan; indak marasokan lai kahidupan bakampuang di ranah. Kok MakNgah ambo raso sapangkek jo Buya ambo almarhum, yaitu paetek dari Dt. Marabangso. Kalau rantau keluarga Umi banyak ka Pakanbaru, dan rantau keluarga Buya banyak ka Bengkulu. Ado surang sanak padusi Buya nan dulu lamo tinggal di Washington, namonyo Lisma (Etek Nona) alm, dan surang sanak adik di USA namonyo Ismet, anak dari H. Zainal Abidin Ahmad alm. Kok buliah tahu baanyo MakNgah mangiro ambo di Malaysia? Memang lai ado runcano bulan depan bajalan sabanta ka negeri jiran itu. Jadi baitu MakNgah, gambaran dari keluarga kami, mudah-mudahan dunia ko lai taraso ketek. Talabiah takurang sangan itu. Wassalam, -datuk endang
--- On Thu, 4/9/09, Hambo <hamboc...@yahoo.com> wrote: Assalamualaikum,wr,wb. Dari Jauah Salamat Ulang Tahun pulo dari ambo. Ambo sangko Angku Datuak Endah Pahlawan ado di Malaysia atau di Sulik Aia. Di Jakarta malah kironyo. Ambo sangat impres jo Tulisan-tulisan Angku Datuak nan kabanyakannyo indak sadang untuak dilulua dibaco sapinteh lalu sajo; banyak nan tasirek nan paralu dipikiakan panjang untuak maso datang dan mudah-mudahan dapek diinok dimanuangkan dek generasi kini dan nan ka datang. Mancaliak postiang Angku HM Dt.Marah Bangso, tasabuik pulo namo Nurhayati. Takana di ambo ado kawan kami (Bundo Nismah jo ambo) sasisuak, Nurhayati dari Sulik Aia, saangkatan SGA-Negeri Payokumbuah angkatan partamu 1952-55. Kami indak panah basuo atau dapek kaba sasudah kami tammat sikola tahun 1855. Kawan baliau sarumah wakatu itu Siti Aisjah di Tanjuang Pinang lai basuo jo ambo, ambo tamui di Tanjuang Pinang tahun 2004. Aaisjah pun batanyo-tanyo tantang Nurhayati. Kok lai tadanga namo tu atau lai bakatahuan, kok dapek kami batanyo ingin kamia tahu dimaa lah baliau kini. Tatumpang salam. Sakadar tambahan catatan, dari 70 urang ankatan kami (duo klas (1952-55) di SGA-Negeri Payokumbuah, kami etong-etong lah 38 persen nan lah mandahului kami... Salam, --MakNgah Sjamsir Sjarif http://www.santacruzsentinel.com/localnews/ci_12030675 --~--~---------~--~----~------------~-------~--~----~ =============================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi di setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =============================================================== Berhenti, kirim email kosong ke: rantaunet-unsubscr...@googlegroups.com Daftarkan email anda yg terdaftar disini pada Google Account di: https://www.google.com/accounts/NewAccount?hl=id Untuk melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---