Ambo satuju bana jo gagasan Fitr supayo ado koalisi jangka panjang antaro apo nan kito asumsikan sabagai 'partai-partai Islam' tu. Malalui koalisi jangka panjang itulah bisa disusun visi, missi, kebijakan, sistem, strategi, program, taktik, teknik, jo kaderisasi jangka panjang, baiak untuk internal partai maupun dalam rangka kahidupan kito babangso jo banegara. Jan lupo bahaso ado 1.072 etnik di Indonesia (Sensus tahun 2000) dan ado anam agama gadang nan dianuik dek rakyat kito. Jadi salain kuiaik sumangaik Islamnyo,juo kuaik sumangaik kabangsaannya, dan harus mampu mancaliak suok kida,sasuai jo dasar-dasar toleransi nan tadapek dalam Piagam Madinah di zaman Nabi. Untuak iko iyo paralu tokoh-tokoh pimpinan 'partai Islam' nan salain bawawasan laweh dan tanpo pamrih, juo punyo dedikasi nan indak tabateh. Sia contohnyo? Saroman Buya Mohammad Natsir.Hanyo itu bana nan alun ado tando-tandonyo samo sakali. 'Partai-partai Islam' kito -- maso kini -- jo tokoh-tokohnyo, indak banyak bana bedanyo jo partai-partai nan indak Islam.. Wacananyo kurisi, kurisi, kurisi, kurisi. Sasudah tu: pitih, pitih, pitih.. Sakik paruik ambo mancaliak kulikaik tokoh-tokoh 'partai Islam' ko, apolagi kulikaik tokoh-tokoh NU dan PKB samaso Gus Dur. [ Ulama NU nan ambo hormati karano bana-bana bajiwa ulama adolah Kiyai Langitan jo Kiyai Mustofa Bisri.Nan lain nampak sabana kancang saleronyo ka kakuasaan jo pitih] Mungkin karano itu para pamiliah maaliahkan kapicayoannyo ka partai-partai nasionalis. Sabananyo kalau dipikia-pikia, mungkin hal iko ado hikmahnyo juo, yaitu supayo 'partai-partai Islam'-nyo mawas diri. Wassalam, Saafroedin Bahar(L, masuk 72 th, Jakarta; Tanjuang, Soetan Madjolelo; Lagan, Kampuang Dalam, Pariaman.)"Basuku ka Ibu; banasab ka Bapak; basako ka Mamak" Alternate e-mail address: saaf10...@gmail.com;saafroedin.ba...@rantaunet.org
--- On Sat, 4/18/09, Fitr Tanjuang <fitr.tanju...@gmail.com> wrote: From: Fitr Tanjuang <fitr.tanju...@gmail.com> Subject: [...@ntau-net] Re: Cawapres SBY Bukan Ketua Umum Golkar ---> KISAH CINTA BERTEPUK SEBELAH TANGAN To: RantauNet@googlegroups.com Date: Saturday, April 18, 2009, 4:41 AM Ambo pun bisa paham kalau Mak Saaf mamiliah SBY baliak. Mintuo ambo nan urang Betawipun katuju SBY tapiliah baliak. Alasannyo, ibo awak, acok bana presiden batuka2..:) Kok lai indak nampak bana nan aneh2 kalakuannyo, bialah salasai sampai 10 tahun. Rakyat iyo lah makin pragmatis, sahinggo GD pun lah hilang pangaruahnyo. Kalau soal GD, ambo raso susah manyabuikkan inyo representatif Islam... Di NU pun lah indak didanga urang. Buktinyo PKB masiah dapek suaro, walaupun digembos dek GD. Baliak ka partai Islam, definisinyo sederhana sajo lah. Sasuai kan sajo jo kecek partai tu masiang2 (asas atau basis massa). Kalau diabsen, adoh PKS, PAN, PPP jo PKB nan lai masiah dapek kursi di DPR. Selain itu adoh PBB, PKNU, PMB, PBR nan sadang sasak angoknyo. Cukuiklah itu nan baiyo batido mambuek koalisi jangka panjang. Ambo indak baharok banyak pulo doh. Indak usah lah di level nasional, tapi cukuiklah di level lokal (Sumbar sajo misalnya). Indak usahlah salamo2nyo, tapi cukuiklah salamo 15-20 tahun. Wassalam fitr tanjuang lk/34/Albany NY On 4/17/09, Dr.Saafroedin BAHAR <saaf10...@yahoo.com> wrote: Waalaikumsalam w.w. Fitr, Ambo mangarati niaik Fitr untuak jadi golput, apalagi mamiliah memang indak wajib saroman di Australia. Nan labiah susah lai, para pamiliah kini sabana mato duitan, sahinggo babarapo konco palangkin ambo nan hebat-hebat, tapi indak bapitih, indak dipiliah urang. Nan labiah hebat pulo, para caleg nan alah malapeh pitih jo sumbangan sagalo macam, tapi indak tapiliah, indak malu-malu mamintak baliak pitih jo sumbangannyo tu. Itu masih lumayan, ado pulo nan langsuang gilo. Para tokoh parpol di lua Partai Demokrat, nan kabanyakan manurun dukungan suaronyo, alah mulai basiarak satu samo lain, tuduah manuduah, atau asyik hiruak pikuak 'bakoalisi' untuk sato duduak di pamarentahan. Sabagai urang nan panah baraja ilmu politik, ambo iyo tacangang-cangang mancaliak pakambangan baru ko. Kok rasonyo bangso kito basihanyuik sajo, indak ado arah, baranti dima tasakek sajo.. Tantang Partai Islam ? Apo tu ? Aponyo nan Islam ? Apo Islam indak dijadikannyo sekedar jadi kenderaan sajo ? [Lai takana Gus Dur, Pendiri dan Ketua Dewan Syuro PKB ? Sawakatu jadi presiden tiok sabanta ziarah kubur ka Jawa Timur. Sasudah lengser, dilengongnyo pun indak. Kito alah habih kanai kicuah sajo !]. Baliak ka papataah kito: 'sakalai lancuang ka ujian saumua hiduik urang indak picayo. Namun walau baa juo, ambo indak ka golput doh. Ambo akan mamiliah, mungkin SBY, walau baliau indak samporono. Tapi dibandiang jo capres-capres nan lain, baliau juo nan nampak agak tacelak. Nan jaleh, baliau indak atau alun korupsi. Wakatu bisannyo diduga sato korupsi, tibo di paruik indak baliau kampihkan, tibo di mato indak baliau piciangkan.. Baa urang sumando kito JK ? Golkar nampaknyo alah sapakaik indak ka mausuang capres sendiri. Kini tagantuang ka SBY apo amuah manarimo 'rujuak' jo JK atau indak. Wassalam, Saafroedin Bahar (L, masuk 72 th, Jakarta; Tanjuang, Soetan Madjolelo; Lagan, Kampuang Dalam, Pariaman.) "Basuku ka Ibu; banasab ka Bapak; basako ka Mamak" Alternate e-mail address: saaf10...@gmail.com; saafroedin.ba...@rantaunet.org --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain harap mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =========================================================== Berhenti, kirim email kosong ke: rantaunet-unsubscr...@googlegroups.com Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---