Dear JePe, Sabagian alah ambo tulih pulo dlm reply utk Rangkayo Dewi.
Sanang rasonyo tahu bhasonyo lai angku simpan juo cingkahak ambo,....kok .berang lansuang-langsuang, kok sayang mandok-mandok. Cingkahak tu lai ado juo kini, ...dan ambo pakai ka kawan2 mudo,....paniang mereka dibueknyo. Biasonyo,....sa sudah 2-3 thn lapeh.....baru taraso dek mereka sayang yg ba andok-kan itu.....dan inyo mintak lo baliak berang yg baru. Pas bana kaji "lalok" tu jo kato "simpai", ....alah masuak namonyo tu mah....agiah den rahasionyo beko yo. Salam, r.a Powered by Telkomsel BlackBerry® -----Original Message----- From: andi jepe <andi.j...@gmail.com> Date: Sun, 26 Apr 2009 21:13:38 To: <RantauNet@googlegroups.com> Subject: Re: Bls: [...@ntau-net] Re: Gurindam Pusako Dear Ricky Yo sabananyo...tarimo kasih Ky..iko sabana "beyond expectation" dek ambo, dulu ndak pernah angku bakato-kato sarupo iko ka ambo.. kok berang angku..iyo lansuang-lansuang sajo ka ambo kok sayang angku..baru indak banampakan..ka ambo baa raso sayang angku tu ka ambo tapi ambo dapek marasokannyo Iyo lah samo lalok awak kok samo lalok awak lah samo rabah lo mah itu dulu.. Kok kini..antah lah ambo lalok nan masih rabah juo..tapi nampaknyo angku lalok jo badan nan tagak..ambo caliak tapaso kalua ilmu silek tuo ambo ambo cido angku dari balakang jo simpai randah baru bisa awak lalok samo rabah saruman dulu Tarimo kasih Ricky Sayang Wass-Jepe Pada tanggal 26/04/09, avenzor...@yahoo.com <avenzor...@yahoo.com> menulis: > Dear JePe, > > Angku yo bana nyo yoh, ...ado-ado sen yang angku tanyo. Kok tanyo tajawek > indak ba jawek, iyo salah pulo nan ndak manjawek. Kok tanyo angku taruih se > den jawek, panek jo seso jadinyo, ,.....iyo ka mari sen-song ko mah. > > Hahaha...antah ba-a pulo kalua tu si kato SENSONG. .....lai magarati dek > kamu tuh JePe? > > Kok angku buliahkan den ma "ngunyah lalok", ....nyampang lai ta sumbua ko ah > hati nan sadang sanang di tapian parigi banamo Danau Singkarak sambia > manunggu sanjo,....mako tolong jaan ba galak-an pulo den beko yo. > > LALOK. > > Lalok takulai ta tilantang jo ta tilungkuik. Rabah ka suwok jo ta sungkua ka > kida. Takulai harus dek sandaran tilantang nan ndak manjurai, Rabah ta > sungkua dek batang nan ndak barisi. . > > Lalok baduo dek ndak namuah sorang. Ndak namuah dek takuik basamo kuduak yg > mandingin. Kuduak mandingin ma mintak angok, angok mato hati dari rusuak nan > kida. > > Lalok sorang dek suratan tangan, tangan talipek manjadi banta. Langan di > dado talapak di kapalo, kapalo mereang mancari mimpi. Mimpi datang siku ka > putuih, putuih dek mimpi nyao ta sakek. > > Lalok jo jago bakawan lamo, ba salisiah jalan jo wakatu. Wakatu lalok jago > manunggu, manungu tampek nan harus juo dituju. Tujuan sampai badan ma > latiah, litak jo hauih ikuik basamo. Basamo kanyang mato ta kantuak, kantuak > manjadi lalokpun manang. > > Alah tu mah JePe,....lalok lah lai. > > Salam, > r.a. > > > Powered by Telkomsel BlackBerry® > > -----Original Message----- > From: jupardi andi <jupardi...@yahoo.com> > > Date: Sun, 26 Apr 2009 17:11:41 > To: <RantauNet@googlegroups.com> > Subject: Bls: [...@ntau-net] Re: Gurindam Pusako > > > Taruihlah sanak Yanto Jambak..ba GURINDAM di palanta RN ko > batambah2 juo pengetahuan ambo jo sastra pusako Ranah Minang kito tacinto > lah ambo co-pas..nan Pasan Mamak I..ditunggu lanjutannyo > > yo padek bana nye ye..panutuik kato sanak Ricky ko > ado2 sajo nan basuo kato2 dek inyo > "Nan tagak samo randah, nan duduak samo tinggi" > > Kok lalok ..samo apo ,,Ky.....jawek lah.. > > Wass-Jepe > > > >________________________________ > Dari: "avenzor...@yahoo.com" <avenzor...@yahoo.com> > Kepada: RantauNet@googlegroups.com > Terkirim: Minggu, 26 April, 2009 15:49:34 > Topik: [...@ntau-net] Re: Gurindam Pusako > > Gurindam bajalan jo pusako, > Bajalan luruih pusoko nyo tinggi. > Salam batarimo jo fikia ba hati, Hati ba fikia mancari arti. > > Gurindam ta tulih alah dibaco, > Nan sadang tagak samo randahnyo, nan sadang duduak samo tingginyo. Kok ado > salam nan kami ba baleh, ka angku Yanto lah alamaik kami ka sadonyo. > > > Keren habis Pasan Mamak nya. > Salam, > r.a > L, 45, Jkt. > > Powered by Telkomsel BlackBerry® > > -----Original Message----- > From: yanto jambak <yantojam...@gmail.com> > > Date: Sun, 26 Apr 2009 00:08:42 > To: RantauNet<RantauNet@googlegroups.com> > Subject: [...@ntau-net] Gurindam Pusako > > > > Ass,sanak palanta salam kenal dari ambo yanto jambak alias yan majoba. > Dek partamo kali naiak mohon maaf sabalunnyo kok ado salah, sumbang > jo gawa. Salanjuiknyo,dek cinto dan kasiah ka seni budaya minang > izinkan ambo disiko sato sakaki untuak ikut malestarikan salah satu > seni budaya minang nan kito kenal dengan namo GURINDAM. Mudah2an > dunsanak sadonyo bisa manarimonyo, dan namuah mambari masukan demi > labiah baiaknyo ambo kamuko.Wss > > PASAN MAMAK I > > Nan kanduang kamanakan mamak > Buah hati ayah jo bundo > Dek kamanakan cubolah simak > Dangakan mamak bacurito > > Kok indak salah mamak mahituang > Di agak agak sampai kini > Takalo kamanakan ka dibaduang > Mamak maliek partamo sakali > > Ditanggal samo bulan nan samo > Sakian tahun maso dulu > Dihituang sampai kiniko > Indak taraso wakatu balalu > > Dihari baiak bulan nan baiakko > Tanggal kalahiran kamanakan > Mamak tulih gurindam ka ganti kado > Pitih tak mungkin mamak kirimkan > > Mamak bukanlah urang kayo > Cadiak indak pandaipun bukan > Hanyo sabagai tandonyo cinto > Apo nan ado nan mamak barikan > > Sapanjang sara’ nan mangato > Di adapt ka mamak pakaikan > Kok senteang bilai di bundo > Kok kurang ayah ka mancukuikkan > > Diri mamak kok dipandangi > Bukan maratok manyasa untuang > Banang sahalai umpamo tali > Putuih kamanakan nan ka manyambuang > > Walaupun mamak tanaman joloang > Didalam suku tanaman tuo > Tapi umpamo karambie condoang > Ka parak urang jatuah buahnyo > > Lah kariang tanah manggadangkan > Lah latieh manyiram pagi patang > Hutang pupuak alun talansaikan > Buah lah dulu di ansua urang > > Nan labieh cameh dalam hati > Tantu kamanakan lah tau juo > Mamak indak baranak padusi > Baranak jantan surang pulo > > Si upiak si buyuang sinan > Nan gadang nan ketek iyo > Kok etek ka ditanyokan > Panghulu indak ba datuak tido > > Tapi samantangpun ba itu > Bialah mamak jo untuangnyo > Tigo bulan dikanduang ibu > Suratanlah sudah jo garih nyo > > Indak doh mamak bimbang jo ragu > Sakarek indak ba hati sumbiang > Kok barek bana baban di pangku > Nan kamanakan ka mamak bimbiang > > Mamak jambokan sapanjang tangan > Mamak uluakan sapanjang tali > Ba itu adat ma ajakan > Walau lah banyak nan lupo kini > > Katukuak tambah dari mamak > Indak malabihi dari ayah > Dek kamanakan cubolah simak > Mamak ka muloi basajarah > > Takalo maso dahulunyo > Sabalun barabalun > Alun baputiek jo babungo > Alun babatang jo badaun > > Niat tasimpan dalam hati > Dirunggo dado ayah jo bundo > Taruko baru ka jadi > Baru sajo mangaka bijo > > Ayah badoa pado nan Kuaso > Mandeh bakandak pado Illahi > Kok layie anak nan dicito > Kapangganti badan diri > > Diwarih nan ka bajawek > Dipusako nan ka batoloang > Indak dibilang jarieh jo panek > Lamo jomaso indak dihetoang > > Kok layie anak laki laki > Umpamo ameh jo parmato > Ibarat cincin di jari > Ka panyonsoang tamu kok tibo > > Ka tungkek pamanih jalan > Ka karih pamaga adat > Panjago warih katurunan > Ka pambela dunie akhirat > > Kok nyampang layie anak padusi > Ibarat bungo di halaman > Hiasan dalam nagari > Sumarak anjuang paranginan > > Barakat doa jo pintak > Masonyo Allah ka mambari > Balaku juo kironyo pintak > Sambilan bulan sapuluah hari > > Layielah anak parampuan > Sahari layie sahari banamo > Namo indak ka mamak sabuikkan > Tapi baa manggadangkannyo > > Sajak muloi turun mandi > Sampai pandai jalan surang > Anak pamenan patang pagi > Bak cando intan bakarang > > Dijujuang bagai makuto > Hiasan dalam kampuang > Ditanai bagai gumalo > Ka jadi sumarak anjuang > > Di asuah sikola jo mangaji > Di aja adat sopan santun > Dari sahari ka sahari > Sampai babilang tahun > > Dibalikan subang jo galang > Dipakaikan ameh balampih > Dari ketek dinanti gadang > Sampai manjadi anak gadih > > Kok dipandang kapado umua > Kinilah masuak tujuah baleh > Dari dapua sumua jo kasua > Kamanakan lah patuik tau jo kameh > > Kamanakan mamak gadih nan jombang > Sumarak anjuang paranginan > Limpapeh rumah nan gadang > Baitu di Minang rang himbaukan > > Manuruik adat di Minangkabau > Sara’ mangato adat mamakai > Sajak tamat mangaji di surau > Umua cukuik bilangan lah sampai > > Lah pandai batanak jo manggulai > Lah tau jo padeh asin garam > Lah kameh manyapu lantai > Dari lua sampai ka dalam > > Umpamo tanaman dalam parak > Batang gadang daunlah rimbun > Buah lah mangka saparo masak > Mangarang bungo bak antimun > > Siriehlah patuik naiak junjuang > Hutang di mandeh ayah jo bundo > Disiko carito mamak kuduang > Isuak disambuang ka tukuaknyo > > Banyak contoh ka mamak sabuikkan > Ka jadi suri gadih Minang > Adat jo sara’ ma ajakan > Minggu di muko ka mamak kambang. > > Sampaikan salam ka ayah jo bundo > Doakan mamak talakik pulang > Bakumpua kito di hari rayo > Karik jo kabiah samo di jalang.. (bersambuang) > > 01032004 Yan Majo Basa > > Dunsanak saPalanta sakitu dulu Gurindam Pasan Mamak ko, lain wakatu > disambuang baliak. Untuak labiah langkoknyo dunsanak bisa bukak blog > ambo di www.gurindampusako.blogspot.com, sakian tarimokasih.Wss > > > > > > > > Berselancar lebih cepat. Internet Explorer 8 yang dioptimalkan untuk > Yahoo! otomatis membuka 2 halaman favorit Anda setiap kali Anda membuka > browser. Dapatkan IE8 di sini! > http://downloads.yahoo.com/id/internetexplorer > > > > > > --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain harap mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =========================================================== Berhenti, kirim email kosong ke: rantaunet-unsubscr...@googlegroups.com Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
