TAGURAJAI Bulan ampek duo ribu anam Bulan apo iko namonyo Langik di jujuang taraso kalam Bumi bak raso di guncang gampo
Manggigie tulang lapan karek Lamah sagalo pasandian Indak sapatah kato talompek Indak tantu ka disabuikkan Kaba sahiah nan batarimo Dari urang nan den picayoi Taraso manusuak talingo Mangguncang batin jo nurani Kok di agak dipikia bana Kok dicaliek kabalakang Ibarat antai jo misa Badan ko umpamo kumbang Kok tabang tak usah diragukan Indak ado kayu nan tinggi Masuak awan ka lua awan Lah pamainan patang pagi Pueh malayang jo malayok Panek manyisi awan biru Kok taragak nak kahinggok Kayu gadang nan batuju Indak ado bungo nan gadang Bara bana kalawehnyo kampuang As alai banamo kambang Di putiaknyo badan bagantuang Ma isok madu di tampuak sari Walau sadang paruik kanyang Hauih lapeh isok baranti Ken an lain bapindah tabang Tapi itu maso dahulu Katiko sayok sadang leba Hiduik bak kato hawa nafasu Bukan hiduik bak kato aka Katiko umua batambah juo Kuku indak lai mancakam Takuik datang gantapun tibo Pandangan baransua kalam Di saat timbua kasadaran Apo karajo salamoko Di rubah arah jo tujuan Di pa eloki baliak cito cito Tanyato indak doh gampang Marubah nan tabiaso Lah di lumbuang mambuek sarang Ado sajo godaan tibo Badan nan sadang di tangkok binguang Sadang tabang kian kamari Hinggok di bungo limbayuang Nan sadang kambang tangah hari Kambang indak kucuik pun indak Putiak manjujai nak di hinggoki Di kalupak sadang basibak Disinan cubo cacahkan kaki Mancaliek putiek bungo sari Basangketo lahie jo batin Madu bak raso tangguli Putiah bak cando ayie tajin Disasok ba abih hari Nan hauih tak kunjuang lapeh Rela rasonyo badanko mati Santano putiak sampai lapeh Lah lupo badan jo lumbuang Sarang di dalam tonggak tuo Lah acok lalok bagantuang Ulah kalupak nan mandayo Sakancang kancang duto balari Kabanaran tibo dahulu Baitu bana nan tajadi Katiko dapek kaba barito Manuruik carito kaba kaba Walau agak balabiahan Bungo banamo raflesia Bungo bangkai rang imbaukan Tamanuang kumbang kabingungan Mandanga namo raflesia Kok bana nan urang sampaikan Tantu disiko ka sampai aja Kok disabuik ka bungo bangkai Tiok nan hinggok tiok tapakiak Asa lai tacacah tungkai Di ubun ubun darah manitiak Bak cando di tangkok lawah Bakujuik kaki jo kapalo Sahabih dagiang jo darah Ingga kulik karabangnyo sajo Tapi dek iko kaba buruang Mungkin carito balabihan Insyaallah nanti disambuang Baa sabananyo kanyataan……………………. 10042006 Yanto Jambak. (Kisah terjebak dengan perempuan ga benar) --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain harap mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =========================================================== Berhenti, kirim email kosong ke: rantaunet-unsubscr...@googlegroups.com Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
