Waalaikumsallam Wr Wb
Rina dan dunsanak palanta RN Mmmmm..Ibu muda nan santiang mamapeh ko..seru juo carito maso keteknyo ka Rimbo, lah bajalan-jalannyo ka "habitat" ambo, kok lah carito masuak rimbo ko yo banyak suka dukanyo, tapi selagi dinikmati awak laruik alam rimbo dengan segalo flora dan faunanyo tu memang sebuah petualangan yang mengasikan, kadang2 awak harus survive dengan keterbatasan logistic nan awak baok. Nan masuak rimbo ko memang ndak asiang lai dek ambo dek latar belakang pendidikan ambo kehutanan, katiko mamiliah Fakultas Kehutanan IPB, sarupo judul grup musik Rock ternama Gun and Roses...lah tapajang spanduk manyambuik ambo di kampus, WELCOME TO THE JUNGLE ...JEPE, , samanjak tu apolai salasai tamat kuliah nan rimbo yo lah manjadi "makanan" ambo sahari-hari dalam bakarajo mancari iduik di rantau urang sampai kini. Carito si Rina wakatu ketek ko nan tertarik ambo mangomentari adolah katiko Ibu Mudo nan santiang mamapeh ko basuo jo tanaman nan bantuak sipadeh nan banamo KINCUANG, iyo bana mah kincuang ko banyak tumbuah lia dihutan-hutan tarutamo tapi-tapi aia disamak-samak. Kalau di Sunda atau Jawa namo Kincuang ko kalau ndak salah ambo adolah HONJE..(kok salah tolong dipeloi apo namo di Jawa khusunya di tanah pasundan) kok namo latinnyo atau botanical name nyo bisa awak batanyo ka Pak Ramadhanil Pitopang nan sadang di Dublin, mungkin lai ado herbariumnyo Kincuang ko. Apo nan menarik dek ambo satantang Kincuang ko, ndak labiah ndak kurang kuntum bungonyo nan alun mekar nan dijadikan si Rina ketek-ketek main alek-alek kok kini si Rina tantu alah baralek lai indak dapek urang gaek nan lah batungkek..hek..hek..he..he..he.. Kincuang ko banyak dijua dipasa-pasa tradisional iko tamasuak juo sebagai salah satu bahan kuliner daerah nan khas. Warna kuncup Kincuag ko merah tarang agak pink, baunnyo unik dan eksotis. Kok lah mengecek-ngecek satantang Kincuang tapaso ambo mambaok namo etek ambo (adiak bungsu mande ambo) nan samo marantau jo ambo di Pakanbaru, ambo panggia baliau jo panggilan tersayang Etek Tian. Inyo yo santiang bana mambuek atau mangolah kincuang ko manjadi masakan nan lamak, khas dan berselera. Kok lah mambuek samba lado kincuangnyo, ndak do lai badariang sakali hape ambo inyo maajak makan karumahnyo nan hanyo bajarak 800 meter dari rumah ambo,..jaan kan ka manginyam samba lado kincuang etek ambo, baru sajo ambo manarimo hape maajak makan jo samba lado kincuang ondehhh lah babaun kincuang nan eksotios tu dihape nan manempe ditalingo ambo he..he..he bajadi bana ota ambo, itu gaya manulih ambo sanak arati e..indak ka manulak ambo ajakan ko. Lansuang tancap gas ambo ka rumah Tek Tian. Sampai di ruang makan rumahnyo..sato dibukak tuduang saji ko, baun samba lado kincuang ko lansuang manampa hiduang ambo tu bareakasi spontan ka parauik ambo manggigia jo mangaranyam paruik ko co gurindam sanak Yanto raso balipek pungguang jo paruik Nan samba lado kincuang ko yo rancak juo untuak paubek salero nan sadang patah, tapi kok hati nan sadang patah yo ndak bisa kadijadikan ubek samba lado kincuang ko, cubolah tanyo ka urang sungai tanag tu nan manulih puisi Ketika Patah Hati, lai tamakan deknyo samba lado lakek tangan mamanyo nan lamak katiko patah hati ? Tapi bisa juo mah samba lado ko disampiang paubek salero nan patah, bisa juo manjadi ubek patah hati,,opss baa caronyo tu kok bisa lo samba lado ka jadi ubek patah hati, bantuak iko sanak kok ado pacar, istri, atau suami sanak baa kecek urang kini berselingkuh yo bantuak2 kasus nan sadang manimpo AA jo caddy nan rancak tu lah kiro-kiro. Ambiak sajo samba lado agak saganggam lalu ampokan kamuko nan berselingkuh ko sanak..he,..he lumayan kan taubek juo patah hati dek ulah cinto tu. Samba Lado Kincuang etek ambo ko sederhana sajo mambueknyo sarupo rato2 awak mambuek samba lado uok nan bumbu standarnyo lado karitiang, bawang merah jo garam diuokan samo2 jo kuntum bungo kincuang tadi lalu digiliang lado bawang garam nan kincuang diirih2 sesukanyo lalu digalimangkan lado ko jo kincuang, nan mambuek khas dek etek ambo tu raso harum samba lado kincuang ko diagiah sasendok atau duo sendok minyak tanak atau minyak karambia asli. Mmmmm yo harum gurih..rasonyo unik dan eksotis bungo kincuang jo padeh lado yo complicated lah raso samba lado ko tabuka selero nan sadang patah, kok hati sadang patah bisa juo ambiak saganggam ampokan ka muko pasangan nan berselingkuh tu. Tapi baa takaran caro mambuek samba lado kincuang etek ambo ko, bia lah Minggu bisuak ambo tanyokan kok lah dapek ambo katangahkan pulo lah kuliner pusako awak ko nan bajudul SAMBA LADO KINCUANG. Lalu etek ambo ko kadang-kadang manggulai lauak sarupo lauk suaso (kembung..indak anak kembung do Rin he,,he), tongkol atau sisiak digulai padehnyo balado ketek/kutu tu dirancah jo daun kincuang..ondehh makkk..mangaranyam paruik ambo barusan manjalang Jumatan ko mangana gulai ikan padeh kincuang etek ambo..ola..la..la..barusan spontan ubun-ubun ambo mangaranyam lo mambayangkannyo... Alah tu..cubo sajo lah yo sanak2 nan sanang jo seni kuliner berkreasi jo KINCUANG Terakhir kok lai buliah sato lo ambo mausulkan criteria Gubernur Sumbar, ceik poin sajo dari ambonyo criteria tu yaitu Cagub Sumbar ko harus santiang/pandai mambuek samba lado pusako ranah minang Artinyo Kok pandai Cagub ko tantu kok tapiliah inyo nanti saketek banyak inyo pasti akan memperhatikan kekayaan dan keanekaragaman kuliner pusako ranah tacinto nan alah manjadi asset Parawisata Ranah Minang (Wisata Kuliner)..iyo apo indak. Tapi jampang kok ado Gubernur Kuliner Sumbar..bialah sato ambo ciek maju manjadi calonnyo..minimal suaro lah dapek ambo mah dari si Rina ko he,..he Itu sajo dulu talabiah takurang mooh sajo dipabanyak yo sanak Wass-Jepe (44, Pku suku Chaniago) ------------------------- Banyak batang kayu nan nampak, ndak tantu apo namonyo doh..tapi nan ambo ingek ado batang kayu gadang nan daun no laweh laweh cando daun jati..nan iko ko namonyo jilatang. Takanai daunno mati kagataran kato Papa manarangan. Ado lo mode rumpun langkueh tapi dek suburnyo mungkin, batangnyo tinggi-tinggi ado kuncup bungonyo kalua dari dalam tanah nan kudian ambo tau itu adolah bumbu masak yang lezat banamo kincuang. Ambo ambiak lo untuak baalek-alek. Tapi... to be continued.(Ditunggu sambuangannyo Rina) Wassalam Rina, 32, batam --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain harap mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =========================================================== Berhenti, kirim email kosong ke: rantaunet-unsubscr...@googlegroups.com Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
