Ambo caliak di Kamus M. Thaib St.Pamentjak, 1935, baliau tulihkan "barebeh", sabangso biruang, tapi nan ambo danga saroman banyak kito mandanga, iyo "baribeh".
Mancaliak kato "barebeh" dalam kamus tu takana pulo ungkapan "bagarebeh-tebeh", tapi ambo caliak M. Thaib indak mandaftarkan kato "rebeh". Nah, dek ota awak sadang bagarebeh-tebeh antaro "baribeh" jo "barebeh", takana lo buruang "barabah". Sudah tu tabayang-bayang pulo Tarian "Barabah Mandi" jo lagunyo nan MakNgah caliak dalam satu pertunjukan FKIP Unand Cabang Bukittinggi di Gedung Nasional tahun 1964-65. Adokoh nan tahu atau takana jo lagu dan tari "Barabah Mandi" tu? Sia penciptanyo? Salam, --MakNgah --- In rantau...@yahoogroups.com, Rita Desfitri Lukman <desfi...@...> wrote: > > Assalamu 'alaikum Wr. Wb. > > Walaupun kato si Z "CMIIW Uni Rita", tapi ambo ndak mangoreksi doh, hanyo > sakadar manambahkan sajo. > > Memang ado nan mangatokan baribeh adolah baruak gadang, ado pulo nan > mangatokan beruang(biruang). Tapi kato urang tuo-tuo saisuak, baribeh > tu masuak keluarga beruang. Manuruik beliau-beliau tu ado 3 alasan yang > mendukung: > Alasan Pertamo dari bentuk fisik: Manuruik urang tuo-tuo badan baribeh memang > badan beruang, baitu juo kapalo jo muluiknyo. > Alasan Kaduo: Dari segi makanan. Kalau baruak(monyet) makanannyo buah-buahan, > mako baribeh makanannyo daun-daunan. Pucuak-pucuak daun, pucuak karambia, dll. > Katigo dari tanagonyo: Konon kabanyo tanago baribeh mampu mancabuik batang > karambia bagai, persis tanago beruang. > > Itulah sababnyo baribeh labiah disabuik urang tuo saisuak sebagai beruang, > khususnyo biruang nan hiduik dipohon, karano memang karajonyo bagayuik-gayuik > di batang kayu mancari makan. > Wallahu 'alam, > Nan ambo pribadi Alhamdulillah alun pernah tasarobok langsung jo baribeh tu > lai katiko manunggu durian :-) Atau katiko mancabuik ubi kayu pambuek > tapai... :-) :-) > > Salam > > Rita D. > > > ________________________________ > From: Z Chaniago <z.chani...@...> > To: RantauNet@googlegroups.com > Sent: Wednesday, May 27, 2009 10:39:50 PM > Subject: [...@ntau-net] Re: BARIBEH > > Assalamu'alaikum Ww > ....... dikarek takuik panjang amek... :-) > Nan pertamo : kok di ambo, baribeh iko bukan Beruang (bear)... tetapi big > monkey alias baruak gadang....karano baribeh itu adonyo di dahan tinggi.... > (CMIIW Uni Rita D L ) ... acok di kanakan rang tuo-tuo kok sadang awak ka > lalok di ladang, hati-hati jo baribeh..... khususnyo wakatu manunggu > durian....:-) > > Wassalam > > Z Chaniago - Palai Rinuak > > > Pada 28 Mei 2009 11:43, rinapermadi <rinaperm...@...> menulis: > > Assalamu’ilaikum warahmatullahi wabarakaatuh, > > > Nan jadi tanyo ambo adolah : > 1. Apokoh ado carito lain mengenai baribeh ko di nagari lain di ranah > awak? > 2. Apokoh memang ado gala nan diagiah untuak laki2 minang Sutan > Baribeh…………??? > > > Wassalam > Rina, 32, batam --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain harap mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =========================================================== Berhenti, kirim email kosong ke: rantaunet-unsubscr...@googlegroups.com Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
