Iyo Rina, mancaliak Kak Kancia bacinggoleng di BBQ (dibaka sangai) tu, iyo taibo hati MakNgah. Takana maso ketek katu Makngah diizinkan main-main salamo saminggu jo kambiang nan rancak nan MakNgah sayangi. Dengan indak dibari tahu, kambiang ko ruponyo ka dibantai untuak katam tadaruih di surau. Di muko mato MakNgah sandiri kambiang tu didabiah urang, inyo marararau-rarau badarahan. MakNgh nan umua 3-4 tahun wakatu itu mamakiak labiah parau dari tangih kambiang kasayangannyo tu. Trauma lah namonyo.
Malamnyo urang batadaruih makan gulai kambiang bakucipak-kacipok. Anak ketek ko masih baibo hati, mungkin basumpah dalam hati, indak namuah ka makan kambiang. Sajak itulah kabanyo, Makngah indak namuah makan gulai kambiang. Baru-baru ko sajo lah gadang atau lah gaek baru namuah makan gulai kambiang. Apo lai di Calipornia banyak restoranPakistan/India nan gulai kambiangnyo lamak. Takaqnaq Gulai Kambiang Rang kaliang dahulu di Bukittinggi nan manjojoan Gulai kambiangnyo di Pasa Ateh. Urng Kaliang tu bajojo mayorakankareh-kareh "Kambiiiiiang!" Anak-anak mantiko maimakkan lo kareh-kareh dari jauah "Kaliiiiiiang!" Kok mantirah pun alun tahu MakNgah, alun pulo tabaun. Ungkapan nan biaso di Kampuang Awak, "babaun kantuik taligu..." Indak tahu pulo aa tu macam binatangnyo taligu tu. Di Kalifornia ado baun Kantuik Skunk (bacoannyo skank). Busuaknyo sabana malakek kabaju awak. Kalau awak baoto, malintehi kantuk skank tu, lah 3 mil bajalan maninggkan daerah tu, kantuik sskunk ko masih jo awak di dalamoto walaupun jandela tadinyo batutuik. Salam, --MakNgah --- In rantau...@yahoogroups.com, "rinapermadi" <rinaperm...@...> wrote: > > > Mak Ngah nan Janiah, > > > Kak Kancia tu dek dipanggang kan dek inyo basalah mah > Dek Pak Tani di tangkok Kak Kancia ko karano mancilok antimun > > Kalau Kak Kancia halal, apo salahnyo kito jadikan santapan.. > Tapi itupun jikok populasi Kak kancia balimpah cando ayam hehe.. > > Papa rina saisuak kala juo suko baburu, tarutamo baburu kijang > Di rumah ado diawetkan tanduak kijang 3 buah, nan duo masih ketek > tanduaknyo, nan ciek alah baringkak banyak. Masih ado sampai kini, konon > kabarnyo bisa untuak ubek sakik gigi, tapi alun pernah nyubo lai doh. > > O iyo Mak Ngah, pernah ndak Mak Ngah mambaunan Mantirah nan buang angin? > Ambo pernah sisuak ukatu kaciak2 kutiko tu ado mantirah nan tatangkok dek > makan jambu bol (lupo namo minangnyo) di parak dibalakang rumah. Sabalun > malarikan diri nyo agiah arun arunan nan pakak baunno sampai sakaliliang > rumah baunno.. > > Wassalam > Rina, 32, batam --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain harap mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =========================================================== Berhenti, kirim email kosong ke: rantaunet-unsubscr...@googlegroups.com Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
