Waalaikumsalam w.w. Sanak Nizhamul Latif dan para sanak sa palanta,
Ambo setuju panuah jo nan Sanak tulih. Kito paralu pertimbangan nan matang
untuak maambiak kaputusan ka calon ma suaro akan kito agiahkan, karano siapo
pun nan tapiliah nanti, kaputusan nan akan baliau ambiak jaleh akan
mampangaruhi hiduik kito dalam bidang politik jo ekonomi, paliang indak untuak
limo tahun ka muko. Mungkin juo labiah, karano undang-undang nan baliau sahkan
dan macam-mabam kabijakan nan baliau ambiak punyo pangaruah gadang ka urang
banyak juo sasudah baliau indak menjabat lai.
Tantu sabagai warganegara kito urang Minang, khususnyo para netters RN, paralu
maagiah paratian ka masalah pilpres ko. Hanyo kalau diparatikan baiak-baiak,
iyo alun banyak bana paratian kito tacurah ka masalah ko.
Baa mako baitu ? Sasuai jo peraturan tata tertib RN, kito mambatasi wacana
dalam RN ko pado masalah-masalah sahari-hari, nan biaso kito hadoki, dulu
maupun kini, di kampuang kito surang-surang.
Tantu timbua pertanyaan, dima urang awak mandapek masukan dan sato bawacana
dalam masalah-masalah nasional nan labiah? Tantu malalui media massa dan dalam
baitu banyak forum dan limbago dima kito jadi anggota, dan saparati bisa
ditakok, sikap politik urang awak bamacam-macam, bahkan bisa barubah sangat
dinamis.
Sumatera Barat nan dahulu adolah daerah pengaruh Golkar, kini dipangaruhi dek
Demokrat.Hal nan sarupo juo tampak di daerah-daerah lain.
Karano indak ado capres `dan cawapres urang awak, mako tokoh-tokoh urang awak
malakok ka pasangan nan ado, yaitu ka pasangan SBY-Boediono, pasangan JK-W, dan
pasangan Mega-Pro. Hal itu adolah wajar sajo, karano rambuik nan samo hitam,
pandapek balain-lain. Baa dinamika imbangan pandapek umum taradok para
capres/cawapres ko bisa kito baco di media massa.
Sia koh nan ka manang ?
Sabana manarik untuak diparatikan bahaso sajak tahun 2004 -- wakatu partamo
kalinyo dipraktekkan sistem pemilihan langsuang -- dunia politik nasional
sabana barubah banyak. Peranan partai manyusuik. dan peranan citra pribadi
tokoh mangamuko. Labiah dari itu, tokoh-tokoh itu juo bisa pindah-pindah
partai, sahinggo nan dahulu kito kenal sabagai tokoh partai A, tanang sajo
baliau pindah 'kenderaan' jadi tokoh partai B.
Ado nan labiah hebat, yaitu peranan pitih. Karano banyak calon nan dahulu main
pitih, kini salero urang banyak ka pitih ko batambah tajam, sahinggo ado
kamungkinan bahaso nan tapiliah nanti adolah urang-urang kayo, dan demokrasi
nan baarti 'pemerintahan oleh rakyat' lambek laun akan barubah jadi
'plutokrasi' atau pamarentahan oleh urang-urang kayo. Gejala tu alah nampak
jaleh, sajak dari pilkades, pilkada, sampai pilpres kini. Tantu bisa
dipersoalkan dari ma para caleg, cabul/cawalkot, cagub, dan capres ko dapek
pitih. Salain dari kantong surang, tantu dari simpatisan.
Baliak kito ka 'laptop': sia pasangan capres `dan cawapres nan akan kito piliah
?
Baru-baru ko tokoh-tokoh masyarakat Minang di Jakarta -- dipelopori dek BK3AM
-- alah mangaluakan pernyataan mandukuang panuah pasangan capres`dan cawapres
JK-W, karano JK adolah 'urang sumando'. [ Dalam kesempatan tu ambo diminta dek
panitia supayo basadio mawakili urang-urang tuo Minang, untuak disamekkan
paniti kampanye JK-W, dan ambo satuju.]
Walaupun baitu, jaleh sakali bahaso perjuangan pasangan JK-W untuak bisa manang
akan cukuik barek, karano kampanye pasangan SBY-Boediono bagaikan 'mangayuah
biduak hilia', sabab baliau sadang jadi presiden ('incumbent'). Lagi pulo, kan
JK agak talambek turun ka galanggang. Baliau cukuik lamo manyatokan ingin tatap
bapasangan jo SBY.
Sia nan ka manang nanti tagantuang ka pesona pribadi sarato kapado tapek
indaknyo strategi, taktik, dan teknik kampanye; kapado kelihayan para tim
sukses para capres/cawapres; dan tantu sajo akhirnya kapado jumlah suaro nan
baliau dapek.
Bola politik Indonesia kini sabana-bana bagaikan bola liar nan susah ditakok
kama ka bergulirnyo. Wakatu ampek puluah hari mandatang ko sabana asyik untuak
mamparatikan usaho para capres/ cawapres untuk maambiak hati para pamiliah
saroman kito-kito ko.
Wassalam,
Saafroedin Bahar
(L, masuk 72 th, Jakarta)
--- On Fri, 5/29/09, NIZHAMUL LATIF <nizhamul2...@yahoo.com> wrote:
From: NIZHAMUL LATIF <nizhamul2...@yahoo.com>
Subject: [...@ntau-net] Menghadapi Pemilihan Presiden kedepan
To: RantauNet@googlegroups.com
Date: Friday, May 29,2009
--~--~---------~--~----~------------~-------~--~----~
.
Posting yg berasal dari Palanta RantauNet ini, jika dipublikasikan ditempat
lain harap mencantumkan sumbernya: ~dari Palanta r...@ntaunet
http://groups.google.com/group/RantauNet/~
===========================================================
UNTUK DIPERHATIKAN, melanggar akan dimoderasi/dibanned:
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi pada setiap posting
- Hapus footer & seluruh bagian tdk perlu dalam melakukan reply
- Untuk topik/subjek baru buat email baru, tidak dengan mereply email lama
- DILARANG: 1. Email attachment, tawarkan disini & kirim melalui jalur pribadi;
2. Posting email besar dari 200KB; 3. One Liner
===========================================================
Berhenti, kirim email kosong ke: rantaunet-unsubscr...@googlegroups.com
Untuk melakukan konfigurasi keanggotaan di:
http://groups.google.com/group/RantauNet/subscribe
-~----------~----~----~----~------~----~------~--~---
