Pak Emi nan budiman,
Di mama ambo di kampuang pak, rutiang ko jadi favorite. Tarutamo kalo ado nan sakik mako dibueklah dek mama rutiang ko bagulai putiah kadang kuniang dan indak padeh tapi hanyo ditaburi lado kutu sajo. Ambo ingek katiko Inyiak kami ka karumah mako mama pai ka pasa sabanta khusus untuak mambali rutiang ko untuak dipangek, dek Inyiak kami sangaik suko jo pangek rutiang. Ukatu Inyiak sakik-sakik sahari sabalun bapulang, mama manyuruah abang maantakan rutiang ko ka rumah Inyiak nan bajarak 8 km dari rumah, dek mandanga kaba Inyiak lah bisa makan bubua ukatu tu, namun alun sampai Abang di rumah Inyiak baru satangah jalan, Inyiak lah mandaulu. Ambo danga sasudah tu mama mamberangan abang baa ndak lakeh2 pai lah daulu Inyiak, banyak nan manyadaran mama ukatu supayo tabah. Bagi mama Inyiak tu adolah Mintuo sekaligus Mamak nan paliang dakek. Dan Inyiakpun mode itu pulo, sahinggo rutin Inyiak karumah tiok bulan satiok sudah mambiak pensiun Liau. Dan cucu kasayangan Liau adolah Dr Dedi nan kakak ambo paliang tuo. Inyiak punyo banyak cucu sebab istri Inyiak ado ampek urang dan sadonyo rukun. Alhamdulillah Selalunyo ambo sanang jo tulisan Pak Emi terutamo yang ado kaitan jo hewan paliharoan, kato mama kami ko keluarga paiduik an taranak dek pusa2 nan mode kami punyo hehe.. antahlah.. Banyak maaf Wassalam Rina, 32, batam --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain harap mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =========================================================== Berhenti, kirim email kosong ke: rantaunet-unsubscr...@googlegroups.com Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---