Mak Ngah, Bundo Isna (salam kenal) dan Dunsanak Rantau Net yang Mulia Sambia santai2 di rumah jo anak, kok bacarito LASUANG ko tantu ingek juo kenangan ambo wakatu ketek sakiro tangah 70 an, kok lah libur sakolah ambo paliang suko pulang kampuang..nah dikampuang ambo di dakek halaman balakang rumah gadang kaum ibu ambo ado lasuang untuak manumbuak bareh, Ado duo lasuang nan agak gadang nan partamo lasuang dari batang kayu nan cieklai lasuang dari batu sungai nan gadang.
Lasuang Kayu digunokan untuak manumbuak padi manjadi bareh dek mande2 etek2 ambo di kampuang wakatu tu memang lah ado heler (Rice milling) tapi acok ndak bafungsi diperbaiki senin rabaa lah rusak..dipeloi Kamis..Kamis muko masih taduduak dek spare partnyo indak ado tapaso di Pasan ka Padang..lah iduik lo hari Jumat..Minggu..lah taduduak lo lai he..he..jadi Heler ko..iduik matinyo dari Senen ka kamis sajo mah. Nah kalau ambo baliak ka Padang liak mambaok bareh baru agak sa sumpik (40 Kg an) nan ditumbuakan etek ambo di lasuang tu, Bareh baru nan ditumbuak lasuang ko yo masih banyak kotoran kulik2 padi atau malukuik kecek rang awak, tapi baa kecek Bundo Isna ko disinan lah kayo sagalo vitamin B1 nan sangai bermanfaat mencegah beri2 (yo tu Pak Dokter Emi)..Bareh baru ko yo ditampi dulu untuak mambuang malukuik jo kulik2 padi nan tatingga (serpihan) biasonyo kok lah manampi bareh mode ko Ibu ambo dimukonyo lah bakumpua induak ayam jo anaknyo barabuik mamakan malukuik bareh ko..yo sabana sehat2 ayam dulu tu tahan panyakik indak saroman jo ayam kini mabuak dek akuak jo flu buruang sajo. Lalu Ibu2 kito dulu mananak Nasi ko lansuang jo pariuk nan lah diagak aianyo bia pas (kalau urang jawa mangecek mananak mode ko NASI LIWET yo), tantu ndak ilang vitamin B1 di bareh ko, jampang agak balabiah aianyo manjalang nasi ko kariang diambiak namonyo aia tajin/bareh diagiah gulo senek yo lamak bukan main juo mah kandungan Vitamin dan Proteinnyo aia tajin ko...di jaman susah tahun 65 an wakatu ambo lahia dek maha atau indak ado susu dipasaran kecek Ibu ambo panambah2 gizi ambo dari Asi..basendok2 sendokan juoaia bareh ko kamuluik ambo katiko baumua 8 bulanan ka ateh. Jadi ambo picayo bana baa kecek Bundo Isna ko Bone Density atau kerapatan/kepadatan tulangnyo diusia 63 cukuik tinggi mungkin dek bareh nan ditumbuak lasuang ko mah dengan segala manfaat vitamin, mineral dan protein yang dikandungnyo. Lalu lasuang dari batu digunokan untuak manumbuak bareh manjadi tapuang bareh untuak mambuek kue2 kampuang nan babahan dasar tapuang bareh, kok lah bulan puaso manjalang rayo..yo ndak hanti2nyo dari pagi sampai sore kaum ibu ambo manumbuak bareh manjadi tapuang bareh Ambo sangai suko bakumpua2 jo mande2 dan etek ambo ko..ibaraiknyo bakulik-kulik di dapua sajo ambo mancaliak apolah samba nan dibuek etek2 ambo ko, tiok dapua ambo sigi dulu dima nan lamak disinan ambo makan..ha..ha..jo bareh baru nan ditumbuak lasuang penuh gizi..jadi ambo lah mancubo juo manumbuak Padi manjadi bareh jo lasuang kayu nan kaduo manumbuak bareh manjadi tapuang jo lasuang batu..ahaa..yo raso katanggak pangka langan maantakan alu dari kayu tu indak imbang jo badan ambo nan masih ketek wakatu tu..tapi lah lapeh keingin tahuan ambo walau 2 atau tigo kali tumbuak jo Alu lah jadi mah...Bam..Bam..Bam (tigo kali sajo) sudah tu ambo pai ka dapua lai..manyigi samba lado joriang..potai..lauk tukai ba asam sundai minyak tanak Mak Tuo ambo..nan yo sabana lamak bin kamek rasonyo...walah..tabiak aia liua ambo jadinyo mangana maso ketek dikampuang tu Wass-Jepe --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, kirim email kosong ke: rantaunet-unsubscr...@googlegroups.com Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
