Curito soal lasuang jo ubi kayu
Ditampek ambo ado duo proses mambuek karupuak nan mampagunokan lasuang
iko.
Nan partamo.
Ubi sasudah dikubak, dicuci kemudian diirih/rauik tipih. Ado juo nan
dicancang seukuran ampu jari.
Kemudian dijamua ,sampai kariang baru ditumbuak dilasuang iko.
Dalam proses manumbuak itu dilakukan dek duo urang nan surang
mangggonjak-an lasuang, nan surang lai mangampuang-an ( mukasuiknyo
supayo semua yang akan ditumbuak selalu takumpua ditangah lasuang,
karano setiap ditumbuah inyo pasti menyebar. Bahkan ado nan sampai kalua
lasuang, kalau lasuangnyo talalu panuah atau gonjak/goyangnyo kurang
pas.
Dalam proses iko untuak manggonjak butuh tanago kaki untuak manakan
sarato tangan untuak mambantu marangkuah tuas lasuang itu.
Sadang tukang kampuangan wajah, rambuik bahkan bulu hiduangnyo bisa
putiah dek tapuang haluih nan mulai tabantuak.
Kalau tapuang alah tabantuak mulai diragai/ayak. Bagian yang kasa
masuak lasuang baliak untuak ditumbuak sampai haluih jadi tapuang
kasadonyo.
Dari tapuang ubi iko bisa dibuek karupuak ,onde-onde (iko indak
onde-onde caro rang Jawa- onde-onde Jawa dek awak godok Bijan ) sarato
berbagai makanan lain.
Untuak mambuek karupuak ubi, tapuang diaduak jo aia angek. Di amia/
diaduk dengan baik, sasudah itu dibantuak macam lamang dan dikukus
sampai masak..
Sewaktu diaduk tadi dapat dibubuhi bahan tambahan untuk penyedap ado nan
pakai daun bawang, sedikit udang jo lado dll
Kemudian lamang ini diirih tipih dan dijamua sampai kariang untuak jadi
karupuak nan siap untuak digoreng
Nan kaduo
Ubi sasudah dikubak jo dicuci, langsuang diabuih satangah matang. Kalau
talalu masak katiko ditumbuak inyo jadi gacua/lembek.
Sasudah diabuih ditumbuak dilasuang, iko agak payah karajonyo. Untuak
nan manggonjak lasuang taraso barek karano kadang ubi lambok itu lakek
di alu lasuang. Nan tukang kampuang tapaso agak sibuk karajo untuak
malapehkan ubi dari alu dan mengatur semua rata ditumbuk. Resikonyo
kadang kok talambek mangaluakan tangan. Tangan sato pulo tatumbuak dek
alu itu.
Kalau ubi lah rato tatumbuak namonyo tumbang. Siap untuak diolah jadi
karupuak.
Tumbang digiliang tipih kemudian dicetak dengan ukuran yang diinginkan
ado yang bulatan nyo sagadang galeh ado juo nan salaweh piriang ketek.
Sasudah dicetak dan dijamua kariang karupuak siap digoreng. Tapi ado juo
nan proses pengeringannyo agak talambek mungkin dek karano hujan
sahinggo ado sedikit raso asam dan terbentuk jamur tipis.
Ini akan menimbulkan aroma yang khas, cukup banyak peminat yang tau rasa
memilih kerupuk yang performance nya tidak mulus ini.
Baitu juo ado karupuak nan digoreng itu masih alun masiak/ kariang agak
sedikit lambok. Akibatnyo sewaktu menggoreng, dalam garumbuak/gelambung
akan mengandung minyak. Sewaktu menggorengnya masih menggunakan minyak
masak Pikumbuah, kerupuk model ini terasa gurih sekali. Kini dek lah
manggunokan minyak sawit atau kopra yang terasa tawar sajo.
Versi lain memproses kerupuk dari ubi iko adolah di rudan/parut. Parutan
bisa dikukus setelah diberi tambahan rasa lado jo bawang atau udang dan
ditempelkan pada bagian bawah piring makan. Jadilah inyo karupuak
pinggan nan laweh itu. Bahkan makannyo dibubuhi saus lado atau kuah
lontong bagai.
Tapi nan takato kini kan karupuak lado Christine Hakim apolai lah
dipacking dengan cukup menarik
Kalau karupuak itu dulu cuma diatua jo tali pisang. Kini paliang masuak
plastik asoy
Wass
St. RA ( 54+)
--~--~---------~--~----~------------~-------~--~----~
.
Posting yg berasal dari Palanta RantauNet ini, jika dipublikasikan ditempat
lain wajib mencantumkan sumbernya: ~dari Palanta r...@ntaunet
http://groups.google.com/group/RantauNet/~
===========================================================
UNTUK DIPERHATIKAN, melanggar akan dimoderasi:
- DILARANG:
1. Email besar dari 200KB;
2. Email attachment, tawarkan disini & kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi pada setiap posting
- Hapus footer & seluruh bagian tdk perlu dalam melakukan reply
- Untuk topik/subjek baru buat email baru, tidak dengan mereply email lama
===========================================================
Berhenti, kirim email kosong ke: rantaunet-unsubscr...@googlegroups.com
Untuk melakukan konfigurasi keanggotaan di:
http://groups.google.com/group/RantauNet/subscribe
-~----------~----~----~----~------~----~------~--~---
