Carito ringan sajo sebagai selingan akhir pekan nan panjang Mat baca sanak ****
RAPEK MANCIK By : Jepe Ambo acok juo mandanga istilah nan cukuik popular ko di ranah minang “Rapek Mancik” apo nan dimukasui rapek mancik, jadi tadi siang dijaleh dek kawan ambo nan ambo baru lo tahu apo itu rapek mancik (iko versi kawan ambo manjalehkannyo) Bantuak iko caritonyo tantulah ambo tambahi bumbu nan agak padek setek, Jadi nan mancik ko sadang rapek gadang di ateh loteng,nan hadir ketek gadang, masalah iyo agak barek nan ka dibahas dek kuciang sadang basumangaik mangancam mancik jo terror-teror, pokoknyo kuciang ko ndak ado ampunnyo kok basuo mancik tembak ditempat sampai tewas, kuciang ko ndak tahan lai maliek kalakuan mancik nan acok mancilok makanan kuciang, pantang talengah kuciang ko lansuang tandeh makanan kuciang nan disimpannyo Rapek ka rapek mancik ko..bla..bla..bla..bla..bla. Hebohhhh..... Sudah ngalor..ngidul lo..bolak baliak mancari solusi baa mangatasi kuciang nan sadang mangamuak, baa maningkekan waspada kalau kuciang datang, lah banyak jatuah korban mancik tewas dek kuciang nan sadang sakik hati ko Satiok mancik sibuk bapandapek jo badebat maagiah jalan kalua caro mengatasi kuciang mangamuak ko, mancik2 nan badebat ko banyak maagiah solusi nan boneh2, tapi mabuak bawacana sajo tindakan nan dilakukan salakeh mungkin gerak cepat dilapangan mangatasi kuciang yo ndak ado do, mabuak ogoh ka ogoh sajo Sarupo katiko ado mancik nan satiang punyo usul (mancik ko sakolah e tinggi nampaknyo) "Ndak baitu do pren iko ado usul ambo bia awak labiah waspada dan siaga mengantisipasi kuciang nan sadang berang ko, kito agiah giriang2 dilihianyo jadi sabalunnyo masuak sarang awak lah bisa awak tandoi dari jauh kalau kuciang ko ka datang, tantu giriang-giriang ko babunyi sairiang inyo bajalan jo maloncek ka maintai awak " kecek kuciang nan sagalo santiang ko "Ondee bato pren..yo padek mah pandapek angku pren, den sangko waang manyuduik tadi wakatu rapek sadang tenggen..tapi manyimak waang ruponyo yo pren" kecek kuciang preman nan sadang bakucatak diateh meja rapek "Baa pren pren lah bone ko mah ide kawan kito nan satiang ko, kito tutuik lai rapek ko kito bungkuih pandapek kawan awak ko, ..setuju kan jo solusi kawan awak tu maagiah giriang-giriang ka kuciang nan sadang mangamuak" mancik gudang manyolo "Setujuuuuuuuuu" kecek sarentak mancik-mancik nan sadang rapek "Lah-lah tekenlah berita acara rapek awak tu, bia ado senek kekuatan formal hasil keputusan nan lah bulek ko" kecek mancik kasua balagak bijaksana "Tunggu lu, ado nan takana dek ambo" kecek mancik nan lah gaek tapi nan disagani dek para mancik nan sadang rapek diateh loteng "Apo lai Katua..lah padek mah pandapek mancik nan santiang tu, diagiah giriang2 kuciang tu" mancik aia mamprotes Katua Katua mancik manjalehkannyo ka sadohalahe mancik nan hadir rapek "Kok ide si mancik nan santiang tu yo lah bone mah waden sabagai katua mancikpun lah setuju lo, buktinyo den teken notulen rapek jo hasil keputusan kito nan lah bulek dan sapakaik, tapi nan jadi masalah kini sia diantaro awak ka mangaluangkan giriang-giriang ka Kuciang nan ganas tu, ado nan barani diantaro kito" Yo tadiam mancik2 nan sadang rapek ko, caliak kiri kanan saliang manatap kawan di sabalah jo dimuko, sadoalahe mancik mancibia sambia maangkek bahu tando ndak ado surang juo nan sanggup jo barani mangaluangkan giriang-giriang ka lihia kuciang "Haa baa tadiam sadohale, tadi rapek bakucatak badebat, rasonyo sadoalahe mancik nan hadir ko ambo caliak ko bawacana mangaluakan pandapek yo santiang2 putuih kaji dek kito2 apopun masalah nan kito hadapi kini raso ka ringan sajo awak mangatasi, tapi iyo diateh karate sajonyo alias tingga dirapek sajo, tibo actionnyo tadiam sadonyo" Katua mancik mulai agak berang2 tangguang ka mancik2 nan rapek (maklumlah katua ko mangecek lah sarupo "manapuak aia didulang pulo" padohalnyo sendiri gilo rapek ka rapek, badisku sajo badebat sajo No Action Talking Only atau bisa juo Talk More, Do Less (malahan indak ado action nan dilakukan samo sakali) Dek mandanga katua mancik ko berang2 tangguang bangkik rabo, nan mancik sadang rapek ko ciek-ciek malucuik maninggakan galanggang rapek, tingga katua sajo surang lai duduak dimeja rapek diateh loteng rumah "Baa lai co itulah kaum waden kok rapek, mabuak bawacana sajo ndak ado action nan nyato dilapangan, tingga dikarate sajo ide nan bone tu, nan kuciang waden caliak kok mancik rapek inyo galak2 ketek sajonyo, dek kuciang tahu baa bana kok mancik nan rapek, pernah den danga kuciang gaul mangecek cimeeh "ahhh mancik rapek???...nggak ngaruh lagi..RAPEK MANCIK GITU LO" katua mancik mambathin mangecek surang Katiko Katua mancik ko mangamehkan notulen rapek nan lah diteken sacaro bulek, datang kuciang garong nan ganas duo kali loncek tapek bana cengkraman kukunyo ka kuduak ketua mancik ko, ndak do lai katua mancik ko maragang nyawo di cakar kuku kuciang ko sambia mamacik notulan rapek nan bajudul "RAPEK MANCIK" Pekanbaru, 17 Desember 2009 Jadi kecek kawan ambo ko kok ado kito rapek badiskusi, badebat bawacana tanpa action atau ndak ado tindakan nyato dilapangan. Walau keputusan rapek ko hasilnyo ide2 brilian dan solusi nan jitu istilahnyo di minang yo RAPEK MANCIK Ado versi lain tentang hal iko ? Sent from my BlackBerry® smartphone from Sinyal Bagus XL, Nyambung Teruuusss...! -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, kirim email kosong ke: rantaunet-unsubscr...@googlegroups.com Untuk melakukan konfigurasi keanggotaan di: http://groups.google.com/group/RantauNet/subscribe