Angku Aslim sarato Pak Abraham yang ambo muliakan.
Sato saketek untuak nan didiskusikan. Dulu pernah ambo sampaikan bahwa ado
perubahan sosiokultural yang mendasar sajak Adityawarman masuak ka wilayah
Minangkabau. Jadi memang ado pola dasar nan alah dipunyo urang Minang sabalun
datangnyo nilai-nilai dari luar. Itu nan ambo sabuik sabagai sistem
persemendaan, nan tabantang dalam masyarakat sapanjang Bukit Barisan.
Bantuaknyo adolah hubungan kekeluargaan nan tabantuak karono perkawinan,
kepemilikan komunal, sarato pembagian suku. Susunan kemasyarakatan adolah
sasuai jo posisi surang-surang dalam keluarga dan suku. Karono itu satiok acaro
perkawinan selalu diadokan sacaro khidmat dan meriah, karono pado saat itu
disusun dan ditegaskan kembali posisi masiang-masiang dalam susunan adat. Hal
iko berlaku pado umumnyo dalam adat masyarakat Bukit Barisan, nan disabuik
sistem persemendaan (ipar-bisan). Di suatu saat inyo menjadi sumando, di lain
acaro inyo menjadi mamak, dan ado lo menjadi bapak. Pertukaran peran
ini nan mambuek hubungan kemasyarakat menjadi arek, saliang mampicayoi, namun
ado bateh-bateh sasuai perannyo. Jadi indak ado peran nan tetap, walaupun inyo
alah sepuh atau bapangkek, nan acok disindia jo basutan di mato barajo di hati.
Terkecuali peran kapalo kaum, tapi kalaupun ado acaro di rumah istri, nan
kapalo kaum itupun indak bapakaian kebesaran, atau menjadi sumando niniak
mamak. Karono itulah muncul jiwa egaliter di dalam masyarakat Minangkabau,
saroto urang Sumatera pado umumnyo.
Sajak kadatangan Adityawarman, dek penghulu-penghulu maso itu wilayat
kedaulatannyo dibatasi, dipaga jo Basa Ampek Balai, alah ambo curitokan
sabalunnyo. Namun memang ado perubahan dalam lambang-lambang adat, namun indak
sucaro struktur. Contoh, istilah rajo alah masuak kosakata, namun tidak
berwujud, hanyo menjadi lambang bahaso sajo, sasuai jo pituah nan disabuikkan
angku Aslim. Kemudian struktur limbago dalam satiok nagari juo tabantuak,
sahinggo ado jurai, monti, hulubalang, dll. Namun siapopun nan manjadi pucuak
di nagari hanyo lambang bahaso sajo, jadi batua indak ado surang nan memiliki
kedaulatan penuh. Nan bakuaso tatap musyawarah mufakat sasuai alua jo patuik.
Baitu kiro-kiro urang dahulu membangun kemasyarakatan dan melakukan adaptasi.
Baato kini, dengan alah bacampuanyo sistem pemerintahan nagari memang paralu
ado penataan kembali susunan organisasi adat. Jadi perubahan sabananyo adolah
pado limbago KAN, bukan suprastruktur adatnyo. Seperti peran urang ampek jinih,
kini alah baganti jo peran perangkat organisasi nan mungkin lebih modern dan
lebih spesifik. Peran penghulu pucuk sudah berganti dengan ketua KAN, dst.
Baitu talabiah takurang disampaikan.
Wassalam,
-datuk endang
--- On Thu, 12/17/09, Aslim Nurhasan <aslim1...@ymail.com> wrote:
Tks Banyak Bapak Ambraham Ilyas, Bapak2 Datuak, Para Ahli Budaya dan atau
Sejarah, sarato AdiDunsanak Sapalanta;
Mudah2an Ambo ndak salah tangkok;
Sabananyo di Minangkabau indak ado RAJO nan marupokan Ketua /Presiden /Pemimpin
Tertinggi dalam wujud manusia...........? dan indak ado KERAJAAN ...........?
Memahami:
Kamanakan barajo ka Mamak,
Mamak barajo ka Pangulu,
Pangulu barajo ka Alua jo Patuik,
Alua jo Patuik barjo ka Nan Bana,
Nan Bana tagak surang (ALLAH SWT).
mako nan disabuik RAJO adolah budi pekerti luhur dalam tuntunan kabanaran nan
basumber dari ALLAH SWT dan mekanisme pemerintahannyo ditata dalam pola
musyawarah untuak mencapai kemufakatan Niniak Mamak (Pangulu, berfungsi
koordinator), Cadiak Pandai jo Ulama.................?
Aratinyo, indak ado satupun Anak Nagari Minangkabau nan:
maanggap randah (meremehkan) Anak Nagari Minangkabau nan
lain...................?
mampadiakan Anak Nagari Minangkabau nan lain dalam kebodohan.................?
mampadiakan Anak Nagari Minangkabau nan lain dalam kesengsaraan............?
mampadiakan Anak Nagari Minangkabau nan lain dalam keduka-nestapaan............?
....................................?
Toleransi,
saliang memahami,
saliang menghargai,
saliang aktif bersinergi positif-produktif-konstruktif
untuak saliang memajukan
atas dasar kejujuran nan tulus-ikhlas
bertatanan Ajaran Rasulullah dan Wahyu ALLAH SWT................?
seharusnyo Anak Nagari Minangkabau adolah manusia-manusia nan SALIANG
PICAYO..............?
Mohon pencerahan;
Salam ta'zim;
ASLIM NURHASAN
+62811918886 |+62811103234
Powered by |Berbuat Nyata |Positif |Produktif |Konstruktif |Sinergis |®
From: Abraham Ilyas <abrahamil...@gmail.com>
To: rantaunet@googlegroups.com
Sent: Thu, December 17, 2009 3:08:07 PM
Subject: Re: [...@ntau-net] Luhak Bapangulu, Rantau Barajo
Angku Aslim Nurhasan nan ambo hormati
Manuruik pemahamnan ambo, hal iko merupokan pembedaan antaro sistim
pemerintahan masyarakatnyo.
Di luhak (dulunyo disebut Luhak nan Tigo) pemerintahannya dalam nagari-nagari
tidak tunduk/diatur kepada suatu kerajaan.
Sekali lagi menurut pemahaman ambo, Minang Kabau itu adalah nagari-nagari, di
mana ada nagari di situlah daerah yang disebut Minang Kabau. Pemerintahan
nagari berdasarkan "kamanakan barajo kapado mamak, mamak barajo ka pangulu,
pangulu barajo ka mufakat, mufakat manuruik alua nan patuik".
--
.
Posting yg berasal dari Palanta RantauNet ini, jika dipublikasikan ditempat
lain wajib mencantumkan sumbernya: ~dari Palanta r...@ntaunet
http://groups.google.com/group/RantauNet/~
===========================================================
UNTUK DIPERHATIKAN, melanggar akan dimoderasi:
- DILARANG:
1. Email besar dari 200KB;
2. Email attachment, tawarkan disini & kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi pada setiap posting
- Hapus footer & seluruh bagian tdk perlu dalam melakukan reply
- Untuk topik/subjek baru buat email baru, tidak dengan mereply email lama
===========================================================
Berhenti, kirim email kosong ke: rantaunet-unsubscr...@googlegroups.com
Untuk melakukan konfigurasi keanggotaan di:
http://groups.google.com/group/RantauNet/subscribe
