Mak St. Rumah Panjang.
Ado ambo baco di http://barulak.multiply.com/journal Ampek Parakaro tentang anak Gadih, salah satunyo “Gadih Layang-Layang” Sajak sajangka dari tanah, tabang mambubuang kaudaro, badan balenggok-lenggokkan, kok ikua babalun-balunan, lonjak bak labu dibanam, geleang bak sipatuang ayuik, angan nak mancapai awan biru, tak tahu diharago diri, tenggi karano dek kulindan, kok ribuik nan kancang, dipusieng dek angin jo limbubu, putuih tali digumpalan, hilang sia kamancari, anyuik sia mamintasi, kok alamat dek nan punyo, lape ditangan tak diharok, elok dicari kagantinyo, sabab lah tahu parangainyo. Ikolah gadih tinggi hati, suko mangapik daun kunik baa nak labieh dari urang, angan-angan panjang, sayok enteng tabang nak tinggi, dima kamungkin nan bak itu. Tapi dipetatah petitih arsip ambo, iyo alun basuo lai, tapi ungkapan2 diberita2 koran di ranah, atau beberapa tulisan lai banyak juo basuo Dan artinyo memang apo nan banyak disampaikan di palanta ko. Wassalam Nofend/34M From: rantaunet@googlegroups.com [mailto:rantau...@googlegroups.com] On Behalf Of Adyan Sent: Tuesday, February 16, 2010 11:36 AM Sanak Malin dan mamak-mamak di palanta, Tampak-tampak iyo balain-lain pandapek tantang makna "mangapik daun kunik ko" nan muncul di palanta. Ambo sendiri juo ndak PD untuka manggunokannyo dalam percakapan, sebab indak tau persis artinyo tu.. Kalau kawan-kawan nan menggunokannyo dengan yakin, tampaknyo nan dimaksudakan dengan "mangapik daun kunik" adolah memuji diri sendiri, atau memanggakan diri, dengan sedikit "maksain" sahinggo hasilnyo tambah mariangik. Analoginyo: tampek mangapik tu, katiak, umumnyo indak harum baunnyo do.Untuk mengharumkan nan indak harum tu, disalekkanlah daun kunik nan harum, tapi tambah kalincuangan baunnyo. Seperti kecek Malin, memang banyak lai ungkapan bukan pepatah, nan indak jaleh bana di awak generasi kini arti persis dan penggunaannyo nan tapek... Tapi tantu bukan disangajo saroman hiegrolip tu... wassalam -adyan -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe