Mambunuah urang (kapia atau indak) iyo takuik MakNgah mandanganyo. Sadangkan mandabiah ayam untuak digulai sajo alun panah MakNgah lakukan lai saumua hiduik. Katu di Kampuang sisuak, karano indak ado urang laki-laki di rumah, MakNgh dimintak tolong mandabiah ayam; MakNgah manulak indak namuah doh.
Carito Mandabiah Kambiang. Katu ketek-ketek umua ampek tahun, MakNgah punyo Kambiang piaraan salamo sapakan. MakNgah sabana sayang jo kambiang tu, main-main, agiah makan, gubaloan tiok ari. Tapi, apo nan tajadi? Sasusah sapakan, urang rami datang maambiak kambiang Makngah, diiriknyo ka tampek mandabiah dakek surau, ditonton basamo-samo. Kambiang mambebek mananggih maraauang-rauang mintak ampun, MakNgah mamakiak marantak-rantak malantuangi tukang dabiah tu... Ruponyo, kambiang piaraan MakNgah saminggu tu punyo urang surau nan ka digunokan untuak katamkaji tadaruih bulan puaso. Malamnyo urang mandoa katam kaji, makan gulai kambiang lamak-lamak. MakNgah indak namuah makan, mancucuik ampujari tangan sambia balinang-linang aia mato di suduik urang banyak. Sajak itu MakNgah indak namuah makan gulai kambiang, jauah sampai dewasa. Baitu juo barangkali MakNgah indak suko makan gulai Ayam. Cuma baru-baru ko lah jauah dewasa tabawo rendong gaek namauah makan gulai kambiang jo gulai ayam tu, mungkin sudah dipertimbangkan dengan logika dewasa, itu sabagai makanan. Namun, pangalaman-pangalam urang mandabiah ayam, ataupun Carito Pribadi tantang urang mandabiah kambiang MaknNgah di surau tu itu indak panah lupo dari kenangan ... Salam, --MakNgah Sjamsir Sjarif --- In rantau...@yahoogroups.com, taufiqras...@... wrote: > > Kalau mambunuah urang kapia baa tu mak Ngah... > > Ado anjuran Ustad baitu...tapi awak indak ditangkok polisi doh.... -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe