Alaikum salam warahmatullahi wabarakatuhu, Maa Angku Havid A. Dt. Rangkayo Mulia sqarato Rang Lapau nan Basamo,
Sanang kami mancaliak Angku Datuak lah masuak ka Lapau (namo julukan kito untuak Rantaunet ko). Lah batambah juo anggota awak dari Guguak Tabek Sarojo. Mungkin angku alun tahu di siko lai duo-tigo Rang Guguak antaro lain Rina Sembiring di Balikpapan(?) dan Buya Mas'ud Abidin (Sumando Rang Guguak, antah dima lah baliau kin kabano patang ko di Malaysia). Sanang hati kami mandanga angku adolah salah satu Penghulu di Tabek Sarojo nan kapatang ko dilewalan dalam Baralek Gadang Batagak Penghulu. Kok buliah ambo mangucapkan Salamat ka Angku Datuak nan lah manampuah malalui rite de passage upacara adat tu basamo saangkatan Niniak Mamak Penghulu nan basamo di Tabek Sarojo. Dahulu (tahun 1963-66) ambo acok ka Guguak sabagai salah saurang Research Assistant dari saurang anthorpolosit dari Amerika banamo Nancy Tanner nan dikenal dan diimbauan Rang Guguak sabagai "Bu Nansi". Kami acok pulo maota-ota jo Rang Guguak di Jalan Kumidi di Gaduang. Namo ambo Sjamsir Sjarif, mungkin masih ado angkatan tuo nan masih takana jo ambo. Banyak nan ambo kenal di Guguak wakatu itu. Buliah dikatokan hampi tiok rumah di Tabk Saorjo lah sampai kami naiki. Nan acok kami tapeki wakatu itu antaro lain-lain Angku Ismail baradiak bakakakak di Sikumbang sabagai tapatan sarato Etek Riyannah. Ado baduo Sjamsir sabagai assiatants waktu itu, samo-samo banamo Sjamsir pulo. Nan surang lain Angku Sjamsir Alam, di Lapau ko duduak di suduik tu ha dikanal jo imbauan Mak Sati. Kok angku lah duduak settled di Lapau ko nanti, ado nan ka ambo caritokan ka angku dan kok buliah ingin ambo sampaikan ka Rang Guguak kasadono. Samantaro itu, salam dari ambo kok ado urang Guguak nan masih takana jo ambo. Nan kini ko ambo nan Jauah di Rantau -- kok buliah pulo manyaratokan ateh namo Rang Lapau nan Basamo -- mangucapkan Salamat ka Angku Datuak untuak maota basamo-samo di Lapau ko. Salam, --MakNgah Sjamsir Sjarif Di Tapi Riak nan Badabua Santa Cruz, California, USA http://www.santacruzsentinel.com/localnews/ci_12030675 --- In rantau...@yahoogroups.com, "Havid A." <dediguci...@...> wrote: > > Assalamualaikum Wr. Wb. > Sabalunyo tarimo kasih kapado admin RantauNet nan alah maizinkan ambo > masuak dalam group rang minang. Kapado dunsanak kasadonyo ketek nan > indak basabuikkan namo gadang nan indak basabuikkan gala nan alah > malang melintang di palanta RantauNet, ambo perkenalkan lah diri nanko > karena iko baru email ambo pertamo. > > Ambo di urang tuo diagiah namo Havid Ardi, lahia di Guguak Tinggi > nagari Guguak Tabek Sarojo, Suku Guci nan baru sajo dilewakan gala > menjadi Datuak Rangkayo Mulia dalam alek pado tanggal 27 Februari > patang. Kok umua yo baru satampuak jaguang, 31 tahun dan itu pun > banyak habih di rantau di Muara Aman Bengkulu dan di Padang. Kini ambo > sadang marantau lo baliak ka Solo dalam rangka dinas tugas belajar. > Sajak 2003 jadi dosen di Universitas Negeri Padang, di jurusan B. > Inggris. > > Ambo masuak ka group ko yo dek jo niaik baraja ka dun sanak nan lah > banyak makan asam garam salamo di group iko. Ambo caliak-caliak yo > banyak tampek baraja jo batanyo di siko. Kok ado nan dapeklo ambo > maagiah pandapek dalam diskusi insya Allah dicubo pulo. > > Selain itu ambo minta izin kok ado beberapa tulisan nan bisa > dimasuakkan ka blog Guguak Tabek Sarojo (http:// > guguaktabeksarojo.wordpress.com/), dengan tetap mencantumkan bahwa > sumber diperoleh dari rantauNet.iko. > > Demikianlah salam dan perkenalan iko ambo sampaikan, kok ado kato nan > kurang pado tampaiknyo yo ampun jo maaf ambo puhunkan. > > > Havid A. Rangkayo Mulia > Solo, Jateng Indonesia > Salam -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
