Assalamu'alaikum Wr. Wb. Salamaik bagabuang Sanak Havid, Samalaik datang di balerong ko...
Sanak Havid S3 di UNS Yo? Mendengar Solo, Ambo jadi ingek 'taru jurug'nyo. Sarato indahnyo Bengawan Solo Nan diabadikan lewat lagu Pak Gesang punyo Dulu... di sinan ambo sempat punyo urang tuo Sayang kini beliau lah menghadap nan Kuaso Libur semester, wakatu kuliah di Bandung maso mudo Ambo kadang pai ka Solo Baranang di anak Bengawan Solo nan tanamo Dakek dapua rang tuo angkek ambo Nan anak padusinyo kuliah samo... Karano dulu nasehat urang tuo, Kama pai cubolah manambah saudaro, Bersyukur memang, jika urang mau manarimo kito jadi dunsanaknyo 'Tuna sathak-bathi sanak' kato mamak Datuak Marah Bangso Alhamdulillah, punyolah ambo saudaro dari jao Apolah lai dari Solo Nan terkenal jo sopan santunnyo Sungguah indah, seandainyo kama pai dunsanak bisa punyo Apolai kalau dunsanak tu taseba dimano-mano.... Tuhan memang maha kayo.... wassalam, Rita Lukman ---------- Pada 17 Maret 2010 17:39, Havid A. <dediguci...@gmail.com> menulis: > Assalamualaikum Wr. Wb. > Sabalunyo tarimo kasih kapado admin RantauNet nan alah maizinkan ambo > masuak dalam group rang minang. Kapado dunsanak kasadonyo ketek nan > indak basabuikkan namo gadang nan indak basabuikkan gala nan alah > malang melintang di palanta RantauNet, ambo perkenalkan lah diri nanko > karena iko baru email ambo pertamo. > > Ambo di urang tuo diagiah namo Havid Ardi, lahia di Guguak Tinggi > nagari Guguak Tabek Sarojo, Suku Guci nan baru sajo dilewakan gala > menjadi Datuak Rangkayo Mulia dalam alek pado tanggal 27 Februari > patang. Kok umua yo baru satampuak jaguang, 31 tahun dan itu pun > banyak habih di rantau di Muara Aman Bengkulu dan di Padang. Kini ambo > sadang marantau lo baliak ka Solo dalam rangka dinas tugas belajar. > Sajak 2003 jadi dosen di Universitas Negeri Padang, di jurusan B. > Inggris. > > Ambo masuak ka group ko yo dek jo niaik baraja ka dun sanak nan lah > banyak makan asam garam salamo di group iko. Ambo caliak-caliak yo > banyak tampek baraja jo batanyo di siko. Kok ado nan dapeklo ambo > maagiah pandapek dalam diskusi insya Allah dicubo pulo. > > Selain itu ambo minta izin kok ado beberapa tulisan nan bisa > dimasuakkan ka blog Guguak Tabek Sarojo (http:// > guguaktabeksarojo.wordpress.com/), dengan tetap mencantumkan bahwa > sumber diperoleh dari rantauNet.iko. > > Demikianlah salam dan perkenalan iko ambo sampaikan, kok ado kato nan > kurang pado tampaiknyo yo ampun jo maaf ambo puhunkan. > > > Havid A. Rangkayo Mulia > Solo, Jateng Indonesia > Salam > > -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
