Ita, MakNgah pun alun panah mancubo ataupun mancaliak "Kalamai Jaguang" tu. Kamungkinan iko fiktif sajo di dalam lagu (nan sabananyo barisi Kode). "Taktontong Kalamai Jaguang" diselingi dengan macam-macam barih pantun supayo urang nan indak tahu/arih (musuah/urang lua) indak marasokan.
Dari macam-macam sambuangan pantun tu, nan sabana isinyo tasimpua di dalam satu bait sajo: Taktontong Kalamai Jaguang Tagunda-gunda Kacambuang Basi Ingek-ingek Urang di Kampuang Angku Palo di Kantua bisi Nah manuruik rasohati MakNgah, Angku Palo ko sabananyo dicurigai Urang Kampuang sabagai kaki tangan Bulando/Pamarentah dan Urang Kampuang misti hati-hati, awas-awas apo nan ka dikatokan jan , supayo mainda indak banyak kecek. Jadi hati-hati, jan sampai tadanga dek Angku Palo apo rasio sabananyo di Urang Kampuang nan indak disukoi Bulando/Pamarentah. Untuak variasinyo sambia manggua talempang dalam lagu "Taktontong" tu diagiah variasi-variasi bait pantun pambungkuih saroman umpamonyo: Dahulu balaki Ajuang Kini balaki Tukang Padati Tapi, ... nan Inti, adolah Kode, supayo Rang Kampuang hati-hati jo Angku Palo. Raso-rasonyo, kacurigaan ka Angku Palo ko indak sajak muloi diadokannyo Maso Bulando sajo doh, tapi taruih ka Maso Japang, Mardeka, bahkan ... sampai kini... Karano, Angku-angku Palo ko marupokan Cultural Brokers nan paliang bawah nan tadakek ka Rang Kampuang. Sudah tu para Cultural Brokers di atehnyo manggunokan kesempatan ko dima dapek manggunokan Angku-angku Palo ko, sampai kini ... Taktontong Kalamai Jaguang Tagunda-gunda Kacambuang Basi Ingek-ingek Urang di Kampuang ..., Angku Palo di Kantua bisi ...! Aaa, Ita, mungkin di sinan lamaknyo "Kalamai Jaguang"... Salam, --MakNgah Sjamsir Sjarif --- In rantau...@yahoogroups.com, Rita Desfitri Lukman <rita.desfi...@...> wrote: > > Gara-gara 'eh' ko pulo lah ambo acok digadelekan apak/ibuk senior di > kantua... > > Tiok kami mamasan 'JUS' (juice), nan ambo cuma dipasankan 'JU', sabab > nan untuak ambo JUS nyo ndak pernah pakai '*S*'..., :) > > Wah... hari ko menu di lapau sabana 'lamak', ado dodol durian, kalamai > jagung, martabak, soto, es tebak, .... :) > Dari nan sabanyak tu, cuma 'kalamai jagung' nan alun pernah ambo cubo lai > baa rasonyo... > Kalau 'lamang jagung' lai acok.... :) > > Salam, > ---- Murai > > ---------------------------------------------- > > Pada 21 Juni 2010 21:15, sjamsir_sjarif <hamboc...@...> menulis: > > > Kalau "Es" lai tadaftar, mungkin karano wakatu itu lah ado pabirik es dakek > > Jambu Aia di Bukittinggi. Tapi "Tebak" indak tadaftar doh dalam Inyiak Thaib > > Kamus Minang 1935 tu. Mungkin istilah baru sasudahmaso baliau tu. > > > > Tapi ingin tahu juo awak, karano Es tu kadang-kadang disabuik-patelekan juo > > manjadi "Eh" nan dalam Gaghah Piaman disabuik "aia Bakaghehan". Awak mintak > > "eh" diagieh-e aia bakaghehan, mangaghanyam gaghaman awak dibuek-e ... :) > > > > Salam, > > --MakNgah -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.