Mak Ngah... Dahulu.... katiko ketek-ketek baraja mambantu ibu mamasak di dapua, pernah ambo maajak ibu mamasak 'kalamai jagung',... Tapi wakatu tu ibu tagalak... kato beliau: Nan dibuek urang salamo ko satahu ibu lamang jagung nyoh nak, nan kalamai jagung ndak ado doh. Sabab kalamai dari sipuluik, bukan dari jagung. Itu mungkin cuma sampiran....
Itulah sababnyo sampai kini ambo ndak tahu raso kalamai jagung, karano ibu pun ndak pernah maajakan baa caro mamasaknyo... :) Mungkin iyo batua kato mak ngah tu, cuma fiktif. Tapi untuak urang dari daerah Payakumbuah, mungkin juo ado nan mambuek kalamai jagung....? Kalau istilah 'Angku Palo' ko iyo lah jarang digunokan di kampung yo mak ngah. Urang lah acok manyabuik 'Apak' daripado 'Angku', dan 'Palo' juo nampaknyo lah disabuik lengkap 'Kapalo', sahinggo kini nan acok disabuik urang: 'Apak Kapalo' ini atau 'Apak Kepala' itu... :) Tapi kini istilahnyo juo lah sambuah... Apak direktur ini, apak direktur itu... Apak manager ini, apak manager itu... haha... lah kama pulo pai nyo ko... :) Tapi ado ciek tanyo ambo ka mak ngah... Baa kok dulu untuak 'jorong' kadang-kadang dipakai istilah 'Kapalo Jorong' atau 'Wali Jorong', samantaro untuak 'nagari' hanyo dipakai 'Wali Nagari'... jarang atau ndak pernah ambo danga urang manyabuik 'Pak Kapalo Nagari' doh, tapi hanyo 'Pak Wali Nagari' atau cukuik 'Wali Nagari'... Salam, Rita Lukman ------------------------ Pada 21 Juni 2010 22:33, sjamsir_sjarif <hamboc...@yahoo.com> menulis: > Ita, MakNgah pun alun panah mancubo ataupun mancaliak "Kalamai Jaguang" tu. > Kamungkinan iko fiktif sajo di dalam lagu (nan sabananyo barisi Kode). > "Taktontong Kalamai Jaguang" diselingi dengan macam-macam barih pantun > supayo urang nan indak tahu/arih (musuah/urang lua) indak marasokan. > > Dari macam-macam sambuangan pantun tu, nan sabana isinyo tasimpua di dalam > satu bait sajo: > > Taktontong Kalamai Jaguang > Tagunda-gunda Kacambuang Basi > Ingek-ingek Urang di Kampuang > Angku Palo di Kantua bisi > > Nah manuruik rasohati MakNgah, Angku Palo ko sabananyo dicurigai Urang > Kampuang sabagai kaki tangan Bulando/Pamarentah dan Urang Kampuang misti > hati-hati, awas-awas apo nan ka dikatokan jan , supayo mainda indak banyak > kecek. Jadi hati-hati, jan sampai tadanga dek Angku Palo apo rasio sabananyo > di Urang Kampuang nan indak disukoi Bulando/Pamarentah. > > Untuak variasinyo sambia manggua talempang dalam lagu "Taktontong" tu > diagiah variasi-variasi bait pantun pambungkuih saroman umpamonyo: > > Dahulu balaki Ajuang > Kini balaki Tukang Padati > > Tapi, ... nan Inti, adolah Kode, supayo Rang Kampuang hati-hati jo Angku > Palo. Raso-rasonyo, kacurigaan ka Angku Palo ko indak sajak muloi > diadokannyo Maso Bulando sajo doh, tapi taruih ka Maso Japang, Mardeka, > bahkan ... sampai kini... > > Karano, Angku-angku Palo ko marupokan Cultural Brokers nan paliang bawah > nan tadakek ka Rang Kampuang. Sudah tu para Cultural Brokers di atehnyo > manggunokan kesempatan ko dima dapek manggunokan Angku-angku Palo ko, sampai > kini ... > > Taktontong Kalamai Jaguang > Tagunda-gunda Kacambuang Basi > Ingek-ingek Urang di Kampuang ..., > Angku Palo di Kantua bisi ...! > > Aaa, Ita, mungkin di sinan lamaknyo "Kalamai Jaguang"... > > Salam, > --MakNgah > Sjamsir Sjarif > > -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.
