Ni Medi jo adidunsanak lapau,
Kalo Rina nan saisuak nan bisa Rina caritoan nyoh Tapi sampai kini masih saroman tun juo diadokan urang di kampuang noh Nan ka bakatam ko iyo harus alah fasieh bacoan no tarutamo tajwid Katu Rina sisuak, kok nak kakatam tun harus alah bisa pakai irama Lupo Rina namo irama no tu.. bayati rangan duah Rina ukatu katam sisuak tun ba-arak-arak dari Musajik sampai ka jam gadang Sudah tu mangelok ka hotel jogja taruih ka pasa bawah taruih ka arah rumah potong, simpang tembok baliak ka Luak Anyia. Salatiah a juo bajalan baarak-arak sari tun Ni. Takana dek rina arakan baranti di kampuang cino dek rina manangih. Indak nampak Ama (Mama) di sampiang barisan sadangkan samek tikuluak lapeh dek angin, tabang-tabang salendang, dicaliak kawan salendangnyo basamek banyak-banyak di ateh kapalo. Sahinggo panitia maantikan arak-arak mampelok-I salendang. Takana dek rina Ustadz mangecek sasudah tu; baa dek manangih lo Piak? Iyo salendang wak tabang-tabang Ustadz ndak cando si anu do. Ndak tau Upiak do yo? Diantaro anak murik Ustadz, Upiak nan paliang rancak," kecek Ustadz Maa lo Ustadz, banyak nan langkok paragaik mukonyo dari awak, nan balepong sitik bagai, pakai bungo2 perak tambahan bagai di ateh mahkota,' jawek ambo. "Dek Upiak indak babagai-bagai ko malah sanang mato Ustadz mancaliak;" kecek Ustadz tu Ni. Hadiah kami lumayan sambuah, nan kalah bagaipun masih dapek manenteang hadiah pulang. Upiak Juara 1 katiko tu, alamak..kok lah ka carito si Upiak lo goh..hahaha Upiak..Upiak..... Rato-rato khatam Qur'an di tampek rina dipaalekkan sahari tu juo, sahinggo urang nan indak baralek ukatu tu alah kasangiahan dek sadonyo rumah harus dituruik hari tu juo. Mereka cukuik mambaok bareh untuak urang nan baralek, kalo apak2 atau dunsanak kontan biasono mambaok amplop. Nan ndak lupo rina kalo dunsanak dari kampuang nenek datang, biasono di bawah katiak Amai-Amai tu ado ayam batino nan lah ampia ka batalua. Sahinggonyo kalo kami khatam Qur'an kandang ayam jadi sasak dek patambahan ayam nan dadakan tun. Tapi ado nan manyadiahkan ciek Ni, ukatu baralek tu rang gaek basitegang jo kapalo kambiang untuak kapalo jamba. Mak tuo nan iko mangecek baso kapalo dikubak, nan surang laih dibaka sen taruih dikukuik. Sahinggonyo salah surang naiak darahnyo sampai harus diistirahatkan. Jadi kambiang ko indak babahayo sacaro lansuang ka darah urang awak send oh. Dari jauah pun bisa lo hehehe.. Tapi nan jaleh bakhatam AlQur'an tu happy banget.... Banyak maaf Wassalam Rina, 33, batam -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.