Dinda Nofend,Sanak Suryadi dan dunsanak palanta RN Ambo pambaco setia artikel Minang Saisuak nan ditulis sanak Suryadi kini lah masuak ka seri no 11, yo mambuncah kenangan ambo wakatu ketek nan pernah marasokan naik Padati dari Padang ka Piaman (ndak paralu ambo ulang lai kisahnyo lah pasai ambo caritokan di lapau ko) kalau ndak salah menanggapi tulisan Suryadi tentang kota Padang saisuak nan ado gambar kantua walikota Padang kini dan sosok padati nan sadang barado di jalan)
Apo nan sanak tulis tu yo maingekan ambo jo Abak, baitu panggilan kawan sabaya ambo nan Abaknyo punyo padati ko dulu (sabananyo jalan kakek dek kawan ambo ko, tapi yo populer di panggia Abak dek kolega2nyo nan punyo padati) Padati Abak ko yo persis bantuak di foto saisuak tu, barumah karangko kayu nan baatok rumbio, tapi nan difoto saisuak agak randah nampaknyo rumah2nyo, nan punyo Abak agak tinggi saketek Kabau Nan kabau yo jantan gadang badago, kulik abu2 kehitaman, gak mangkilek barasiah sarupo di foto saisuak tu, iko tantu manandokan kabau nan sehat bana, maklum ka digunokan bajalan jauh mairik padati nan sarek jo barang. Kaki kabau ko diagiah sapatu oppss salah namonyo "Tarampo kabau" nan dibuek khusus dari ban bekas oto prah/truk. Batali diikekan ka kaki kabau tu Kok lah mulai manampuah jalan tu sanak dari Padang ka Piaman dan sebaliknyo yo lain pulo syahdu dan magisnyo dalam perjalanan wakatu ambo ketek diajak abak jo kawan ambo tu, tarutamo jo bunyi ganto dilihia kabau tu nan sairiang sajalan babunyi jo langkah kabau nan "barek sarek" salangkah-salangkah maantak bumi kaki kabau, pelan tapi pasti kabau ko jo langkah bantuaknyo yo agak kepayahan kabau tapi nan padati jo roda kayu ko tatap jalan jo bunyi dariak badariak nan unik bunyi yo sebuah simponi harmonisasi bunyi nan magis jalan padati kabau ko ditambah juo jo languah kabau ko sambia bajalan muluiknyo babusa sambia mamah biak makanannyo, sakali-kali balambim co bom japang bendera tagak diikua kabau..kotoran kabau tu he he he Nan paliang "magis" perjalanan katiko tu yo malam hari, buliah dikatokan jalan langang ndak ado oto lai kok lah diateh jam 8 an ilia mudiak saroman oto2 tambang, nan oto pribadi bisa diituang ciek duonyo dulu tu, lampu atau telong padati ko cahayonyo sayuik2 sampai, ambo menikmati bana katiko ketek (SD) tu jo Abak dan kawan ambo nan cucu abak ko bajalan malam jo pedati dengan segala kesyahduannya, ke "magis"annya, kehenginangannya, kegelapannya, temaram sayup2 sampainya cahaya lampu telong pedati dan bunyi ganto kabau, dariak rumah2 padati jo rodanyo nan sadang bajalan, sakali-kali ditingkahi dek bunyi languah kabau, lalu kesunyian ko pacah dek pupuik mak Itam nan lewat mamakiak tapi dalam sebuah irama pupuik nan unik, khas serta meninggal kesan tiada duanya bunyi pupuik atau terompet mak itam ko ( iyo laruik bana ambo deknyo) Abak Batua apo nan sanak caritokan, abak ko yo baulemu "barisi" pandai basilek dan rato2 memang mereka2 nan mambaok padati kabau nan jarak jauh mambaok barang dan galeh yo "barisi" urangnyo. Diantaro mereka saliang sagan manyagani dan saliang hormat, kompak dan panuah tenggang raso saliang bantu mambantu kok dapek masalah di jalan, biasonyo mereka konvoi baik dari Padang ka Pariaman atau sebaliknyo 3 sampai 4 Padati Nah nan paliang ambo suko tantu tampek pasinggahan untuak makan dan mangopi, biasonyo di lapau2 tertentu rato2 dakek jembatan gadang, kabau dilapehkan dari pasangannyo, dikabekan di tanah lapang barumpuik atau samak di balakang lapau sambia diagiah makanan rumpuik agak sakaruang duo karuang nan alah disadiokan, biasonyo dikabekan di balakang padati, tampek rumpuik ko mungkin sanak tahu, bukan karuang do tapi anyaman daun karambia sedemikian rupa mambulek dan padek dek rumpuik (tabayang bantuak e dek sanbak tu) Nan paliang asyik juo kooeeehhh (ingek herr muljadi) kalau kabau ko buang aia ketek, ahaiii yo ndak tangguang aia moncoroh do..amuah gak saembe ketek pulo banyaknyo, bisa lo raso e kabau ko kajamban raso2 ka lasuah dicuci muko ha ha ha dek sakiang mancoronyo aia tu Kabau malapeh panek jo maisi "bensin" kami jo Abak jo itu juo dilapau, minum the manih, ado pinukuik, kue sangko, lapek, kue talam, pisang goreng katan dll makanan khas lainnyo..yo sabana mambuek kulek ambo badendang dulu tu kalau lah di lapau khas urang awak ko sanak jo makanan atau jajanan tradisionalnyo nan lamak2 Samantaro Abak jo koleganyo mangopi jo maisok rokok daun nipah nan dipulunkan daun timbakau, mati apinyo di suluik juo jo catuih basumbu kapeh tu Makonyo ambo takana bana garah Abak jo koleganyo ko satantang rokok nipah ko "Rokok Amsterdam, kok ndak diisok api padam, kok diisok pipi pulo nan cukam " :-) Hebatlah rasonyo, pengalaman ketek nan sangaik sulik ambo lupokan raun-raun jo padati kabau Abak,m salero lapeh pangalaman batambah jo rakyaik kebanyakan dengan sagalo lagak, tingkah dan ragam kehidupannya disepanjang kalan dan ketika sampai di tujuan. Nah kini kalau taragak awak punyo padati kabau ko bara yo modalnyo sanak di kampuang Kabau Jantan badago sekitar 10 jutaan, lalu rumah2, pasangan, roda kayu jo kayu berkualitas sarato asesorisnyo mungkin kito pakirokan agak 10 juta pulo, jadi 20 juta awak lah dapek padati kabau, lah bisa pulo kito bakuliliang disekitar kampuang Kalau dikampuang ambo pai ka sangka sekitar 15 Km lah bisa pai ka pakan kamih sangka mah, sambia babalanjo, diparkir agak jauh stek padati manjalang kota batu sangka, isi balanjo awak masuakan ka dalam padati, barangkek lapeh subuah dari kampuang ka pasa sangka, pulang diagak sajo sampai malakik magrib di kampuang, ondee raso ka sero mambayangkannyo, diateh padati sato lo si sutan mancayo naik, ..mantabbb Itu dulu sanak carito padati kabau untuak pandingin-dingin suasana manjalang KKM ko Maa nyo Pak TR kok lai ado pulo pengalamannyo jo padati kabau ko, baitu juo datuak2 mamak2 ambo nan dipalanta ko kok lai juo ka dibagi carito saisuaknyo lewakan lah Wass-Jepe Sent from my AXIS Worry Free BlackBerry® smartphone -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.