Pak Saaf yth. Satalah ambo amati sabanta, mausul ambo ciek, baa kiro-kiro kalau KKM itu diarahkan pado pertemuan aliansi strategis, nan malibatkan eksponen masyarakat pado tampeknyo. Contoh untuak ABSSBK disarahkan sapanuahnyo pado LKAAM, MUI, MTKAM, LAKM, dll untuak mambicarokan aa nan jadi masalah nan paralu dihadoi sugiro. Kudian masalah kenagarian disarahkan pado para walinagari dan Pemda. Masalah maritim disarahkan pado masyarakat nelayan, investor, dan pemerintah. Sarato kebencanaan disarahkan pado kelompok pemuda dsb. Bahan dasar nan ado dapek digunokan, namun kasimpulan dan kaputusan disarahkan pado floor. SC paralu dirombak saketek untuak mangakomodasi segenap kepentingan. Mudah-mudahan dapek jadi pertimbangan. Wassalam, -datuk endang
--- On Mon, 8/16/10, Dr.Saafroedin BAHAR <saaf10...@yahoo.com> wrote: Datuak Endang yth, Ambo sambuik baik pandapek Angku Datuak. Ambo memang heran juo mancaliak kenyataan bahaso konsep pengamalan ABS SBK, pembangunan nagari, pembangunan maritim, sarato kebencanaan nan diusuang Gebu Minang ka dalam KKM sebagai sumbangan terakhir dari kepengurusan nan kini, tanyato dihadoki baitu riuh rendah dek LKAAM, sampai mambuek lampiran surek ka Presiden bagai. Alasan nan dikamukokan baulang-ulang tu nampaknyo indak pulo basifaik substantif manganai materi tema KKM, tapi labiah tantang dugaan limbago nan menuruik baliau-baliau akan dibuek KKM untuak mengurangi peranan LKAAM. Padohal itu samo sakali indak ado. Alah ambo jalehkan, kudian ko ambo jamin bahaso igtu indak ado, tapi itu-itu juo nan baulang taruih. Nan labiah manyakikkan hati, babarapo penantang malah curiga taradok niaiak kami panitia KKM, apo ado udang di baliak batu, dan sebagaimyo. Kami jaleh indak ado niaiak lain salain ikuik membangun kampuang halaman dari segi ekonomi sarato budaya, sesuai jo missi Gebu Minang, karano itu kagiatan ko kami taruihkan. Iko pun dicameehkan seakan-akan kami manganuik 'tabujua lalu tabalintang patah.' Kalau sabateh surek sabananyo indak baa, tapi kalau alah sampai maajak urang suok kida untuak manggagalkan KKM ambo raso itu alah bakalabiahan bana. Kami masih tetap tabuka untuak bakarajo samo dalam mambangun kampuang halaman kito. Kok ado konsep kami nan kurang, kami tampuang parubahannyo. Itu nan kami karajokan salamo ko. Babeda pandapek itu kan wajar-wajar sajo. Di antaro perbedaan tantu masih ado persamaan. Wassalam, Saafroedin Bahar (Laki-laki, Tanjung, masuk 74 th, Jakarta) Taqdir di tangan Allah, nasib di tangan kita. -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.