Mamak2 ambo di lapau,
Ikan memang alah jadi usaho kecil2an sampingan bagi keluarga kami di Rantau ko Selain Ikan kami juo manyadiokan berjenis kerang dan juo cipuik lauik (gonggong) Udang, sotong dan lain-lainnyo, nak nio ikan pari salaweh pintupun bisa dicarian kok cinan hehe. Awalnyo usaho ko dek hobi kami nan indak namuah ditagah pai mamapeh ka tangah lauik Sekitar tahun 2003 s/d 2007 sangaiklah kami acok turun ka lauik So nak baa bana ari ko nak satu (baco : sabtu) Jumaaik sanjo kami turun belo lah minggu pagi kadang baru pulang Jadi lumayanlah pangatahuan satantangan ikan, lauik jo pulau2 ketek ndak bapahuni di seputaran kepulauan nan taseba disiko ko. Rayu punyo rayu si nelayan tukang tekong ko, akhirnyo kami balian masin kapa untuaknyo malauik, tapi bukan untuak manjalo atau manjariang. Dimanfaatkan untuak manjapuik ikan-ikan di pulau-pulau ketek nan banyak nelayan miskin di daerah ko. Mereka ado toke Cino nan mamacik mariah mereka ko, dek alah talanjur bautang, sahinggo indak dapek pitih untuak kasaharian doh sahinggo tatap sajo malaraik. Nah si tekong ko dek lai kenal mangenal dek mrk sesamo melayu, lai bisa mamintehi sahinggo dapeklah ikan-ikan segar untuak ka dibaok ka pakan di batam ko, kok indak urang lua nagari juo nan barasaki. Ado judul carito ambo daulu Mamapeh di Selat Mie topiknyo, di daerah tu, ikan sabana sambuah dek itu pulau terluar manjalang lauik lapeh arah pulau Moro. Tapi nelayan disinan hanyo kebanyakan maambiak ikan jo caro manombak, adolo nan bubu udang. Sederhana bana, perahunyo kebanyakan hanyo badayuang sajo indak bamasin. Tapi kalolah sampai ikan-ikan dari daerah tu ka rumah, managia mancaliaknyo. Belanak sabana gadang-gadang 2 kiloan rato-rato, tapi luko2 kapalonyo dek manangkoknyo ditombak. Udangnyo udang putiah atau udang jenis untuak export tu alun laih sotongnyo nan masih transparan2 tu dek masih segar bana. Ambo agak tacandu mamanggang sotong nan laweh-laweh tu. Taba jo lambuik dagingnyo katiko dikambangan trus dibaka salayang, paliang cocok jo bumbu kecap potongan bawang jo lado kutu. Maknyus hehe. Baliak ka Kitang-kitang Kitang sajo itu ikannyo mirip nila atau mujaia di darat tapi di dakek siripnyo ado sauleh warna merah tarang sagaris. Cocok untuak dibaka jo bumbu santan pakek balado balangkok2. Atau di masak kuniang mode Pangek Masin bagoreng dulu salayang. Jikok Kitang-kitang iko namonyo disiko Dibam kato urg pulau, Lebam kecek urang di pasa siko. Sangaik banyak digunokan untuak ikan baka di pujasera2 di pinggia jalan seputaran batam ko. Dek bantuak sabana semok manakah bana, tapi harago miriang di tampek toke pengepul. Bantuaknyo mirip bana jo baronang mungkin masih keluarga baronang juo, tapi labiah semok juo kuliknyo alot agak taba tapi dagiang barasiah lambuik. Cuman di raso masih kalah dari yang jenisnyo nan banamo Dingkis, yang sangaik cocok untuak di steam, dek kuliknyo nan labiah tipih makonyo Dingkis lakeh pacah paruik, beda jo Kitang-kitang atau Lebam ko nan bakulik agak taba, indak gampang pacah paruik, mangkonyo cocok bana untuak disimpan di coolbox urang manggaleh (pujasera jalanan) di batam ko. Promosi saketek khusus untuak nan di Batam, kok nak ka BBQ party antah kok di rumah, di kantua atau di Perusahaan ataupun acara 17-an di RT RW, jan lupo untuak ma-order ka ambo hehe. Di jamin fresh from the ocean.. jo harago nan manenggang..hehe Wassalam Rina, 33, batam -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta r...@ntaunet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/subscribe.
