Asssalamu'alaikum. w.w.
Dunsanak MM, Arman, Basa batuah, pak Saaf, Taufiq sarato dunsanak nan ado di
balerong ko nan indak tasabuik-an namo ciek-ciek, nan bi santiang-santiang
kasadonyo,
nan mudah-mudah2an lai cinto ka satu-satunyo ad-diin nan diturunkan dek Allah
swt.
kapado kito, dan diberkati Allah handaknyo dek lai namuah manuruik-kan apo yang
ditinggakan Rasulullah saw. dan mamatuhinyo.
Ingek lah, bahaso nan taetong sebagai urang kapia tu, bukan hanyo urang nan
indak
picayo ka Tuhan Allah, tapi juo tamasuak urang kapia tu, adolah urang nan indak
picayo
dan indak namuah mengikuti Rasulullah saw.
Kito taruihkan diskusi kito, jo kapalo dingin, kok takanai atau tasingguang,
ambo
pulangkan ka Allah swt. sado nyo.
Sarak mangato,
Dan berpegang teguhlah kamu semuanya kepada tali (agama) Allah, dan janganlah
kamu
berpecah belah, dan ingatlah akan ni'mat Allah kepadamu ketika kamu dahulu (masa
Jahiliyah) bermusuh-musuhan, maka Allah mempersatukan hatimu, lalu menjadilah
kamu karena ni'mat Allah, orang-orang yang bersaudara; dan kamu telah berada di
tepi jurang neraka, lalu Allah menyelamatkan kamu dari padanya. Demikianlah
Allah
menerangkan ayat-ayat-Nya kepadamu, agar kamu mendapat petunjuk. (QS:3:103).
Garis bawahi, berpegang teguh kepada tali Allah, jangan berpecah belah, dan
kamu
telah berada di tepi jurang neraka.
Gambaran di atas menunjukkan kalau berpecah belah, tidak mau memegang satu tali,
akan berada di tepi jurang neraka.
Adaik ?,... lai mamakai ?...
Nan di awak, perpecahan ko memang acok bana tajadi, ndak usah di sabuik
perpecahan
gadang Muhamaddiyah vs NU, soal tanah pusako sajo lah bacarai-carai dalam kaum.
Kamanakan mambunuah mamak, mamak mambunuah kamanakan dek karano setan
lah babisiak,
"Inyo ndak awak do tu, nyo anak Sutan ..... , ari samalam baharago, kok ndak di
awak
di urang".
Haa... itu nan acok tajadi. Dan sangat disayangkan sampai kini, lembaga adat
yang kuat
untuak menenangkan suasana, melerai cakak banyak nan tajadi iyo alun ado lai do.
Sabuik se lah nan namonyo lembaga niniak mamak nagari, KAN bahkan LKAAM.
Nan pernah ambo tamui adolah katiko urusan tu di baok kan KAN, bahunjun-hunjun,
ujuang-ujuangnyo di putuskan dek pengadilan negeri. Kalau lah tibo di
pengadilan
negeri aaa lai.... sia banyak pitih, sia banyak dekingan sia manang. Indak
berlaku
keadilan.
Eh,... carito kito alun urusan keadilan KAN atau lembaga yang kuat lai do, jan
heboh
pulo urusan ko,
carito kito urusan "berpegang teguhlah pada satu tali dan jangan berpecah
belah".
Anggap sajo nan tadi tu gambaran nan pernah ditamui.
Urusan berpecah belah ko memang rentan di awak.
Urusan "langguai" nan tatingga ciek dalam carano, eh, pinangan bisa ditulak,
ndak bisa mintak ancik, anak daro lah manangih ko aa, nan marapulai lah
mangaretek,
karih lai dipinggang, tapi paluah dingin kalua. hahaha.
Rentan urusan pacah balah ko, bamacam, balain suku sajo amuah baamuak.
Dan kini nan payah, di perumahan kota Padang pun, alah "siapa lu siapa gua"
pulo.
dan "emang nye gue pikirin".
Alun lai disabuik generasi muda jo tua, urang rantau jo urang kampuang.
Nan payah nyo indak namuah duduak basamo, padahal ado pameo
"duduak basamo balapang-lapang".
Digagas ciek urusan,... aiii lah ado pulo nan menentang, antah lai ditungkuik
ditilantangan antah indak. Kok lai ditungkuik di tilantangan baa kok ndak namuah
diajak duduak basamo ?, lalu yang fatal nyo dengan kecurigaan, suudzon yang
berlebihan.
Kan memang mancari perpecahan namonyo tu.
Indak ko dikana, urang di lua awak, musuah-musuah sarak ko (baca musuh-musuh
Islam), batapuak tangannyo mancaliak kito sarupo itu. Bahkan diadu domba malah.
Nan gadang cubo.... cingek sabanta, urusan Indonesia Malaysia.
Urang kapia batapuak tangannyo jikok berhasil mamparantuak-rantuakkan dua
negara
yang nota bene berpunduduk Islam. Gadang bana ati nyo tu, bahkan mungkin ado
dalam
agenda mereka. Dan ado pulo negara nan tasalek ciek nan pro kufar ko diantaro
tu.
Kalau ndak awas-awas, taniayo kito urang Islam.
Malaysia, memang patuik diacungi jempol dalam urusan ko. Sebab Malaysia berhasil
menuliskan dalam Perlembagaan nyo (UUD di awak) bahaso agama resmi adalah agama
Islam.
Di awak dulu di delete dek Soekarno 7 kato tu. Sahinggo di Malaysia, siaran TV
nyo
iyo santiang, penuh nuansa Islami dan nasehat-nasehat yang mengikuti ajaran
Rasulullah,
walaupun Cino India ado di sinan. (Kok ado dunsanak nan punyo TV kabel Astro
tau tu
mah). Film-film melayu nan ditayangkan, kecek bini ambo,
di Indonesia mungkin ndak laku do. Sabab Indonesia mengakui 5 agama, dan satiok
hari
besar salah satu agama, ado ditayangkan dalam TV, di malaysia indak. Yang besar-
besaran di TV hanyo katiko ari rayo Islam. Dan Mahathir Muhammad babarapo kali
dengan lantang mangatokan ka dunia, Malaysia adalah negara Islam, dan mamintak
mata uang
Dinar untuak negara-negara Islam di dunia supayo spekulasi dolar indak dapek
marusak.
Antah dek iko mungkin musuah-musuah Islam galigaman, gregetan, sakik ati dan
mulai
mamparantuak-rantuakkan awak. Mulai dari nan gadang urusan soal batas wilayah,
Sipadan, Ambalat (Iko kan kepentingan perusahan2 minyak barat nan ka manggali di
sinan tu eh ?). sampai ka urusan pencurian budaya, sampai pulo ka perkataan
Indon.
Soal budaya ko, urang malaysia tu memang sadonyo pendatang kecuali urang asli
(sarupo suku Kubu dan Sakai di awak), tapi iko pun masih diragukan karano bisa
jadi
pelarian dari kerajaan Minangkabau daulu.
Tiok urang nan datang tantu mambaok budaya inyo. Di Johor mayoritas Jawa,
sahinggo
katiko reog Ponorogo ditampilkan mereka, urang Ponorogo naik pitam. Urang
Melayu nan
ado di Malaysia ko, ambo buliah kecekkan sadonyo barasa dari Sumatera dan
kepulauan
riau. Kato "pitih" jo "kecek" tu adolah bahaso Kelantan, rajo Perak dahulu
diambiakkan
dari Pagaruyuang baitu juo rajo Negeri Sembilan. Kalau carito niniak rang rumah
ambo,
"Dari sialang balantak basi ..... sampai ka samananjuang ka Patani, itu ranah
bundo
juo". Kok ditelaah bana iko, aratinyo kerajaan Minangkabau dahulu, sampai ka
Patani
(Thailand selatan), cuma nan tasabuik Melayu, buliah jadi dek Datuak nan baduo
manyuruah Aditiawarman mambukak Kerajaan Melayu.
Kok dibaokkannyo tari Piriang, haa.... apo nan ka di klem itu milik Indonesia
?.
Mereka urang Minang juo.
Soal kato "Indon", urang Malaysia tu suko mampasingkek, Pasar raya ditulih
Pasaraya. hilang "r" ciek. Kepemimpinan disabuik Kepimpinan.
Sampai ka namo, Abdurrahman jadi Deraman. Urang Bangladesh disabuik Bangla.
Nah urang Indonesia disabuik Indon. Bukan mukasuik marandahkan atau maino.
Cuma tibo diawak, tabik berang. Lah parang bakucatak pulo di internet, sahinggo
disabuik lah Malaysia ko Malingsia, Malon dan sebagainya. Urang di Malaysia
hanyo
terheran-heran.
Nah dari soal nan ketek-ketek ko musuah-musuah Sarak ko bakarajo mamparantuak-
rantuakkan. Kini ko soal sepak bola,.... kalau ndak awas buliah jadi Bukik
Jalil tu
beko jadi ajang perang penonton dan suporter, buliah sampai cakak banyak.
Ingek iko agenda kufar untuak maparantuak-rantuak kan menumbuhkan bibit
kebencian
diantaro duo negara Islam. Kalau kito ndak awas, sansai kito.
(mudah-mudahan indak tajadi... Aaamiinn).
Lupo jo ayat ndan di ateh tadi...
alamaik tambah tapuruak kito. Tibo kito di jurang neraka kecek Allah swt.
Alhamdulillah, Najib Tun Razak, cukuik arih jo agenda musuah Islam ko, sahinggo
bausao jan sampai tajadi parang di duo nagari Islam ko dan sarumpun pulo.
Mudah-mudahan pemimpin Indonesia lai "melek" jo agenda kufar ko. kito do'akan
sajo.
Alaaah...Urang takuik jo Indonesia ko sabananyo, kalau 240 juta rakyat
Indonesia ta'at,
shaleh, mangarati bana jo agamo nan dipaciknyo, tantu militan ?. Militansi nan
indak
dapek dikalahkan dek pesawat hantu, atau nuclear weapon Amerika tu tu do,
ataupun
perang bintang nan bisa manembakkan Laser waeapon dari ruang angkasa langsuang
ka
tapi ombak nan badabua di Puruih, indak ka talok tu do.
Tu sababnyo nagari Indonesia dikacaukan perekonomiannyo. Sabab kalau makmur,
aaa takah Malaysia beko. Sabananyo apo lo susah-susahnyo Obama datang ka
Indonesia, pikia-pikia selah tu.
Kito baliak baliak, memang perpecahan tu rentan, tapi ingek, iko ujian,....
ujian ka kito baa caronyo bapacik ditali nan sa-alai tu dan indak bapacah balah.
Baa mangko ujian kecek ambo, sabab,.....
nan bunyi ayat takah itu, tapi dulu, katiko Nabi saw bado'a, dari tigo isi do'a
nan ado,
ciek indak takabua, ...aaa nan indak takabua tu, "persatukan ummat ku yaa
Allah".
Iko bana nan indak takabua,tapi bunyi suruhan ayat sarupo itu.
Aratinyo iko adolah ujian bagi urang-urang di belakang Nabi saw. Dan mambuek
pasang
surut kejayaan Islam. Kini tingga di kito, kok lai diingek ayat ko taruih,
Insya Allah
kejayaan datang, kok lai sarak mangato adaik mamakai, Insya Allah rahmat Allah
akan
tibo, lapang jalan ka sarugo, terhindar dari sambaran api narako. Insya Allah.
Aaamiin.
Aii... ciek ayat lah panjang.... banyak maaf.
Kito sambuang bisuak.
Wassalam
St. Sinaro
--
.
* Posting yg berasal dari Palanta RantauNet, dipublikasikan di tempat lain
wajib mencantumkan sumber: ~dari Palanta r...@ntaunet
http://groups.google.com/group/RantauNet/~
* Isi email, menjadi tanggung jawab pengirim email.
===========================================================
UNTUK DIPERHATIKAN, melanggar akan dimoderasi:
- DILARANG:
1. E-mail besar dari 200KB;
2. E-mail attachment, tawarkan di sini & kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi disetiap posting
- Hapus footer & seluruh bagian tdk perlu dlm melakukan reply
- Untuk topik/subjek baru buat email baru, tdk mereply email lama & mengganti
subjeknya.
===========================================================
Berhenti, bergabung kembali, mengubah konfigurasi/setting keanggotaan di:
http://groups.google.com/group/RantauNet/subscribe.
