Alhamdulillahirrabbil'alamin... Mudah-mudahan Mak Ngah baumua panjang dan sehat salalu dek Mak Ngah sabana manjago silaturahim. Rina manyangko Mak Ngah pai raun surang atau ado acara keluarga baa dek lah haniang sajo Mak Ngah indak ado SMS masuak sajak Mak Ngah kabakan baso Mak Ngah sadang fatigue butuah rest sajenak. Kok lah pai surang se Mak Ngah ka dalam Rimbo, sarupo acok Mak Ngah caritoan sari tu. Ruponyo indak, sampai Rina ditalepon dek Bundo nan ado urusan ka kampuang sabanta. Dan Bundo indak bisa manyilau Mak Ngah dek urusan tadi tu. Rina lansuang manalepon Papa, kebetulan Papa sadang balanjo di pasa Aua Kuniang. Dek Papa biaso bahonda surang makonyo Liau nan balanjo. Mama kurang talok bana bajalan dinan rami tun.
Rina kecek ka Papa, untuak manyilau Mak Ngah ka Biaro. Aa.. kadibaok tanyo Papa, Aa nan taragak di Liau. Rina kecek Mak Ngah suko dadiah, patai jo lapek jaguanglah, dek dulu Rina pernah maangekkan Mak Ngah jo Lapek (limpiang) jaguang ko. Taleponlah Mama di rumah, suruah mambuek lapek tun kecek Papa lansuang. Rina talepon Mama, kecek Mama bahan no bacari duluh, mungkin bisuak dibuek kecek ka Papa rancak bisuak dibaok an njek Mak Ngah, buliah angek-angek. Lah bisuak no Papa manalepon, nak ka ka pai ka tampek Mak Ngah, tapi masih hujan. Ijan baujan-ujan lo lih kecek Rina, dek Papa ado penurunan fungsi paru liau, cameh Rina. Indak bagai gai doh kecek Liau (khas Urang Gaek mah :)) Kainginan bana mambaok an limpiang angek njek Mak Ngah. Kecek Papa, sumangaik Mak Ngah sangaik tabudua untuak masuak rimbo sudah dari Kumpulan nan angek nagarinyo babae lo bakacimpuang di Pusako. Tantulah salatiah halah badan Mak Ngah duh. Mano pulo cuaca kurang rancak lo ari kadang paneh, kadang hujan baunyai-unyai. Kecek Mama, sanang bana Mama basobok dan bacarito jo Mak Ngah, cando basobok Mama baliak jo Mamak liau nan alah maningga saisuak. Mamak liau ko adolah ayah Papa nan biaso kami panggia Inyiak Aji (Haji) urang nan dituokan di kampuang mereka di Tilkam. Indak banyak nan tasuo lih nan mangecek basilambek cando urang-urang tuo saisuak. Alhamdulillah sajo nan rina sabuik tunyoh Mak Ngah. Rina sangaik sanang Mak Ngah bisa basobok dan bacarito jo Mama dan Papa walaupun rina alun basobok lansuang jo Mak Ngah. RN memang Te O Pe dah.... Wassalam Rina -----Original Message----- From: rantaunet@googlegroups.com [mailto:rantaunet@googlegroups.com] On Behalf Of Hambo Sent: Monday, February 14, 2011 3:25 PM To: RantauNet Subject: [R@ntau-Net] Re: Dari Belanda cari keluarga ke Kurai Taji Persahabatan dengan papa Rina marupokan suasana nan manarik bagi MakNgah. Perkenalan pertama manyababkan Papa heran dan takajuik karano MakNgah sasudah bacarai jo Buya Masoed di Tanjuangalam (Reuni Alumni SMP Tanjuangalam, 19 Desember 2010) Makangah taruih naiak angkot ka pasa turun di simpang Lambau, bajalan kaki taruih ka bawah Jam Gadang, Jalan Luruih. Diadikan Hotel Hill manuju Jalan Luruih, urang oto nan macet jalan maimbau MakNgah: "Ka baoto Pak?" Jawab MakNgah: "Indak, Ambo njiak lakeh!" sambia galak Nabi mampaulahan supir tu. Bajalan di Jalan Luruih Makngah tibo labiah dahaulu daari oto tu di Simpang Tembok kadak Martabak Si Kaka, Kampuang Cino, Jirek taruih ka Simpang Luak Anyia. Di sinan Langsuang batanyo ka urang lapau di di Simpang tu Jalan tu dima Rumah Pak H. Djasril. Samantaro inyo ka tagak manunjuakan rumah tu ka MakAngah, eh Mama Rina bajalan di subarang labuah. Ah, itu urang rumah baliau keceknyo dan ambo diperkenalkan ka mancari Papa Rina. Baitulah kami akhirnyo bakanalan di rumah sapatang hari tu dengan penuh keharuan dan kekaguman di antaro kami batigo nan masih taruih punyo tando tanyo salanjuiknyo. Aktivitas kami salamo saminggu tu dilanjutkan dengan perjalanan bersejarah untuak kami nan indak di sangko-sangko. Itu akan marupokan carito panjang nanti bukan kini. Nan labiah manakjubkan lai, sasudah babarapo waktu kami indak basuo, wakatu bliau lah mangatahui MakNgah kurang sehat dan lah takuruang sajo di rumah istirahat, tibo-tibo di hampia sanjo bahujan-hujan, tibo baliah maojok-ojok di pimatang sawah. Makngah sadang di lua, manikmati wsuasana hujan keliliang pegunungan Agam Auo, eh kironyo Papa Rina mambawo dadiah dan lamang jaguang nan dimasak Mama Rina masih angek. Ondeh, barakatnyo, taraso baubek panyakik MakAngah disilau kawan nan bak nantun. Baitulah MakNgah katokan ka patang ka kawan MakNgah Pak Sjoufjan Awal mangecekkan filsafah pangalaman Makngah. Pak Sjoufjan datang ka LA dari Jakarta karano boss baliau Pak Bustanil Arifin sadang sakeik kareh tabariang di rumah sakik di Los Angeles. Ka Ibu Bus baliau bapasan supayo baliau dapek mandanga suaro Sjoufjan. Ambo bakomunikasi di kamouang wakatu Pak Sjoufjan manalipon ambo dari Jakarta, nan bahaso baliau ka barangkek ka L.A. (bukan Luak Anyia :), untuak tujuan nan ditarangkan tadi. Ambo kecekkan ka baliau, filsafah nan ambo parajai dalam hiduik nan singkek ko: "Pak Sjoufjan, mangunjuangi urang sakik, apo lai dengan pasan nan sadang marindukan awak, itu bukan sajo marupokan amal dan pahalo untuak awak, tapi marupokan ubek nan indak ado di dotor. Kadaangan Pak Sjoufjan ka LA akan marupokan pahalo untuak Pak Sjoufjan dan Ubek untuak Pak Bus, Ambo satuju sakali Pak Sjoufjan pai lah lakeh." Pak Sjoufjan manalipon ambo bukan sajo mananyokanbaa kaba Sjamsir di Kampuang, tapi manyatokan kabarangkatan baliau nan tibo-tibo tu, karano rencana ambo ka Jakarta babarapo hari dijadwalkan akan manamui kawan-kawan dan istimewa Pak Sjoufjan nan kami alah kami lah samo manganggap dan menadapt sabagai dunsanak kanduang. Ambo tarangkan kadatangan Papa Rina dan kawan-kawan awak di Lapau manyilau ambo, tahu atau indak tahu ambo damam, sabana-bana manjadi Ubek nan indak dapek ambo lupokan. Yah Pak Bus maningga tadi malam nan alah ambo ambauan di Rantaunet. Dan Pak Sjoufjan sempat malapeh baliau bersama keluarga di RS dan tadi wakatu ambo talipon ijazah almarhum sedang akan diselenggarakan di Islamic Center Los Angeles. Sakitulah dahulu babagi pangalaman filasafat ketek tu. MakNgah bukan ulama dan ahli hadis, antah dima pulo dapek aka atau pangana nan mangatokan "manyilau urang sakik tu marupokan pahalo amal utntuak dan ubek untuak nan di silau" antahlah, cuma datang dari pangana nan kurang ilimu agamo ko. Mudah-mudahan allah Subhanahua Ta'ala dapek meredhai MakNgah mangecekkan kalimat singkek nan baitu. Satibo MakNgah di Santra Cruz, MakNgah lah kirim nomor hp baru ka relasi di Indonesia, tamasuak Papa Rina. Tapi MakNgah alun dapek konnformasi kalau baliau alah manarimo pasan MakNgah. Nanti MakNgah pareso baliak. Samantarol itu salam MakNgah ka Papa dan Mama Rina, istimewa jo Limpiang jJaguang nan MakNgah ulang-ulang mancigoknyo makan tiok pagi salamo tigo hari kemudian. Sabana barakaik. Salam, --MakNgah Sjamsir Sjarif On Feb 13, 11:02 pm, "rinapermadi" <rinaperm...@gmail.com> wrote: > Mak Ngah, > > Salam dari Papa, mudah2an Mak Ngah lakeh cegak baliak cando taralah atau > labiah cegak dari nan taralah. Kecek Papa waktu di kampuang, Mak Ngah > talampau mamforsir tanago. Mudah2an alah baliak Ka Santa Cruz ko lakeh > puliah baliak. Dari minggu patang Papa batanyo-tanyo ka rina, lah sampai Mak > Ngah di Santa Cruz? > > Wassalam > Rina -- . -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
