Sutan Mancayo, iko saketek ingatan ambo tentang kampanye pemilu 1955. Mungkin tahun 1953 atau 1954 kutiko itu ambo baumua 8 tahun. Ambo dibao urang gaek padusi menghadiri kampanye partai masyumi di muko rumah dinas bupati Tanah Datar. Kutiko itu kami bajalan kaki lk. 8 km ka Batusangka untuak menghadiri pidato tokoh masyumi yang datang dari Bandung, namonyo Isa Ansari. Pidatonyo berapi api, nan dek ambo indak mangarati apo nan dipidatokannyo. Kami bataduah di bawah batang asam gadang kutiko mandangakan pidato tersebut. Panuah sasak urang datang ka Batusangka bajalan kaki, maklum olun ado bus ka kampuang kampuang kutiko itu. Kami mambao nasi bungkuih dari rumah untuak makan siang di Batusangka.
Mungkin dek pernah dibao bakampanye rapek umum di Batusangka, mako tahun 1955 kutiko tingga Jakarta ambo jadi ketagihan ikuik maramikan kampanye di lapangan lapangan terbuka di Jakarta. Katiko itu barulah ambo tahu, bahwa ado bamacam macam partai, terutamo PKI, Masyumi, PSI, PNI, NU, Murba dll. Maklum di kampuang ambo hanyo tahu partai Masyumi jo PKI sajo. Tapi PKI indak pernah mangadokan rapek umum di kampuang. Saingek ambo nan maadokan kampanye dengan hiburan yaitu NU, orkes gambus, nan lain hanya pidato pidato sajo. Dalam pandangan ambo kutiko itu partai nan anti PKI iolah masyumi. Sedangkan NU dan Perti tidak menentang PKI. PKI mengkampanyekan sama rata, sama rasa.untuk seluruh rakyat dan orang orang Cina ketika itu bebas meagung agungkan Moa Tse Tung presiden RRT. Indak ado bentrokan atau perselisihan sesudah pemilu saat itu Salam AI -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/