Pak dokter rahyus salim, luar biasa kisahnyo, ambo sanang mambaconyo, ambo asimpan. Tkaasih banyak, amg lancar2 sajo d japangn aamiin Salam Elthaf Sent from my BlackBerry® powered by Sinyal Kuat INDOSAT
-----Original Message----- From: Rahyus Salim <rahyussalim2...@yahoo.co.id> Sender: rantaunet@googlegroups.com Date: Mon, 14 Mar 2011 06:37:29 To: <rantaunet@googlegroups.com> Reply-To: rantaunet@googlegroups.com Subject: [R@ntau-Net] Gampo di yokohama (1) Assalamualaikum warahmatullahi wabaraakatuh, Tetuo rantaunet nan ambo hormati dan dunsanak sadonyo.... Iko saketek carito perjalanan ambo nan indak disangko ditarimo gampo di Yokohama. Kamis tanggal sapuluh adolah hari nan cukuik barek dan padek bagi ambo. Karano dihari itu ambo ka manampuh perjalanan Jakarta-Padang-Jakarta-Tokyo-Yokohama. Jadwal iko subananyo alah cukuik lamo diatur dek bagian orthopaedi FKUI/RSCM. Pukua 4 pagi barangkek lah ambo dari jakarta ka padang. Tujuan ambo adolah ka maoperasi duo pasien tulang balakang di RS Siti Rahmah. Operasi di RS Siti Rahmah adolah nan ka sekian kali (alah labih 10 kali) ambo lakukan untuk mansupersvisi dokter Roni Eka nan juo ahli orthopaedi tapi alun mendalami panyakik tulang belakang sarupo nan ambo alah lewati. Pukua sapuluah pagi ambo sampai di RS Siti Rahmah. Dan langsuang ambo siapkan sagalo sesuatu tamasuak alat nan ambo baok dari Jakarta. Agak badabok darah ambo karano dokter Roni alah mempersiapkan duo operasi siang itu sabalun ambo barangkek ka Japang malamnyo, takuik indak takaja kapa tabang garuda nan ka mambaok . Duo kasus kok ambo pakiroan salasai jam 4 sore dan sasudah itu ambo langsuang barangkek ka Jakarta jo Garuda pukua 6 sore untuk salanjuiknyo barangkek ka Narita puku 23.30 juo jo Garuda. Alhamdulillah sasuai prediksi. Operasi tulang belakang di RS Siti Rahmah salasai cukuik memuaskan, kemudian ambo barangkek ka jakarta untuk basiap ka Tokyo. Sampai di Jakarta masih ambo sampaik an manalepon dr Roni Eka mananyoan baa kaba pasien nan baru saja salasai dioperasi. Pertanyaan ambo partamo adolah apokoh ado perubahan perbaikan nan dirasoan pasien sasudah operasi dan sasudah pengaruh ubek bius hilang. Nan ka duo ambo tanyo an adolah adokoh tando2 komplikasi operasi sarupo perdarahan, kelumpuhan, susah nafas dan lain2nyo. Alhamdulillah lai indak adoh. Ambo pun cukui tanang maningga an Padang dan Jakarta manuju Tokyo. Tapek pukua 23.30 Bus udara garuda mambaok ambo ka Tokyo. Badan nan latiah siang tadi seolah manjadi ubek lalok malam tuw bagi ambo. Sahinggo perjalanan 7 jam naik kapatabang ka narita indak taraso mambosankan.....Tajago dari lalok, tampak bibia pantai pulau Honsu nan seksi dari ateh tampek duduak ambo di nomor sabaleh dakek jendela. Dari kejauhan ambo takjub mancaliak pemandangan nan subananyo indak babeda jo pemandangan katiko ambo barangkek dari padang ka jakarta. Bibia pantai padang subananyo jauh lebih seksi...Dalam hati ambo selalu berucap kalimah suci pado Allah kagum ateh ciptaanNyo nan luar biaso. Garuda malayok tabang tenggih dan akhirnyo malayok hinggok di Narita pukua 0900 pagi. Suhu dilaporkan 1 derajat selsius. Bakameh lah ambo siap2 manuju Yokohama. Lai ba jas informal baju taba, nan dingin tatap taraso mancucuk tulang. Jangguik manggaretek, kaki dek kuro, bajalan agak manengkak saketek dek kadinginan. Batambah lo baju salampih lai, bapakai lo saruang tangan. Akhirnyo jo oto sedan nan cukuik mewah barangkek lah ambo jo duo urang staf Yokohama City University Hospital ka daerah tujuan. Di ateh oto iyo raso kasero pulo. Duo urang staff ko bacarito tantang japang nan maju. Kaduonyo alun pernah ka Indonesia. "I've never been in Indonesia. Next time I have to go to your beautiful country" keceknyo. Ambo maangguak kemudian bacarito saketek baso ambo tadi dari kampuang halaman ambo di Padang Ranah Minang Sumatera Barat. Ambo carito an pulo bahaso rumah sakik di Padang alah bisa melayani operasi tulang belakang. Ambo baru sajo mambangga an ka staf Yokohama City University ko duo operasi ambo nan sukses. Ambo tapuak dado ambo di muko urang japang baduo ko. Kemudian ambo tawarkan kalau inyo indak keberatan ambo akan tunjukkan baa operasi di Padang di rumah sakik siti rahmah. Taun muko kalau inyo namuah ambo akan atur inyo ikuik maliek operasi ambo di Padang. Di dalam oto ko dingin indak taraso lai. Ambo bukak baju taba agak salampih. Namba nan padusi dan Suda nan laki- manawarkan ambo babagai minuman nan rupo e alah tasadio diateh oto tuw. Mulai dari aie baniang (mineral), aie putih (susu), aie kuning (teh japang), sampai ka whisky dan sake tasadio. Nyo adok an lo makanan ketek panambah cik gigi sarupo coklat, kacang polong dst. Balanjuik lah ota kami sambi mampagatok kacang sarto minum teh japang. Bacarito inyak inyin, ambo bukak pulo carito baso ambo tigo tauhttp://id.mg60.mail.yahoo.com/dc/launch?.gx=1&.rand=b183d9ivaavsgn nan lalu ambo pernah ka Japang. Mbo katoan ambo di rumah sakik Nishitaga hospital, Tohoku university, Sendai. Disinan adoh duo Professor nan ambo kenal baik Professor Shoichi Kokobun dan Professor Yushin ischii. Ha.. rupo e mereka ko kenal pulo dengan baik. Pak Suda nan manjapuik ambo pun bacarito baso bini e adolah urang Sendai. Sendai adolah kota yang sehat dan romantis kecek Suda ho..ho..(ughang ghumahe disinan tantu iyo.... he3) Kurang labiah dua jam kami diateh oto sedan agak mewah tuw. Ambo sampai di Yokohama City University disambuik dek Associate professor dr Yoichi Aota. (basambuang....maambik angok stek lu....) Berbagi Meringankan Derita Bangsa http://rahyussalim.multiply.com/ http://www.msindonesia.org/ http://masyarakatskoliosisindonesia.freeforums.org/ -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
