Sanak Madahar dan para sanak sapalanta, Saroman ambo tulih di bawah ko, kito paralu maadokan kajian - nan sabana kritis dan objektif - taradok kondisi nyato pedagang urang awak ko. Sasudah tu dibuek organisasi nan memperjuangkan mereka, diisi dek para sukarelawan nan amuah baabih hari melaksanakan programnyo. Salamo ko wacana kito ttg masalah iko labiah banyak maota, bagarah, jo mengkhayal sajo. 'Kok kabakarajo balabiah cangkua, kok ka makan kurang piriang'. Kan itu kritik nan disampaikan dek pak JK, bahaso pedagang urang awak 'tigo kaki labiah maju dari orang Cino'. Akibat sikap indak serius tu, urang lain maju, awak malah mundur. Caro saroman itu indak bisa dipakai lai. Kito mamaralukan aktivis Minang baru nan idealis, profesional, tahan tapo, mahir berorganisasi, dan amuah mangabdi. Bukan sekedar inyo badarah Minang, tapi katiko ka baiyo bana putiah tapaknyo dek lari. Paralu bana disisiahkan atah dari bareh. Ambo sabana yakin tapeknyo sabda Allah swt dalam Q:Surah Ar Ra'd ayat 11 bhw Allah swt indak ka maubah nasib suatu kaum kalau indak kaum itu sandiri nan maubahnyo. Kito wajib berjuang maubah nasib, indak buliah manyarah, walau kaputusan tetap di tangan Allah swt. Kito paralu mangefektifkan organisasi pedagang urang awak, dibantu dek baitu banyak tokoh urang awak nan masih idealis. Manuruik pengamatan ambo, indak sadonyo tokoh urang awak amuah habis-habisan mengabdi utk urang awak, baiak di Ranah maupun di Rantau. Banyak juo nan basifaik ria sajo untuak kepentingan politik pribadi jangka pendeknyo surang. Karano itu amatlah mutlak sajak kini dibuek daftar namo tokoh urang awak nan sabana basadio sacaro ichlas mambantu memperjuangkan perbaikan nasib urang awak, tautamo di Rantau. Baliau-baliau nan indak amuah atau indak acuah - walau namo baliau tamusaua sbg tokoh urang awak - tinggakan sajolah. Indak zamannyo lai kito mangamek-ngamek, mengkhayal, atau baibo-ibo. Fight ! Tinggakanlah sifat nafsi-nafsi, garajai-manggarajaikan, dan dangkuang-mandangkuang nan sabana banyak dipraktekkan di kalangan urang awak salamo ko. Bersatulah, atau punah sacaro pelahan-lahan. Wassalam,
-------Original Email------- Subject :RE: Re: [R@ntau-Net] Pasar Cileungsi (salah satu pasar sentraUrangMinang) terbakar >From :mailto:mada...@chevron.com Date :Mon Mar 14 08:08:15 Asia/Bangkok 2011 Pak Saaf io ibo bana awak jo kondisi dunsanak awak nan disinan du. Tapi kabaalah, mungkin sagitu pulo kamampuan nan dibarikan dek Allah untuak dunsanak awak tu nan mungkin sajo bisa jadi bapangka ka masalah pandidikan. Tapi sabana disayangkan, ado juo dunsanak awak nan lah tau jo kondisi nan saroman tu nan dialami dek dunsanak nyo dipasa tu tapi nyo ndak ado nan turun lasuang untuak mambantu mandampiangi do karano mungkin indak ado nan mamintak tolong atau gensi pulo ka turun manolong karano indak level. Tapi nan ado kalua hanyo angan-angan sajo untuak dunsanak tu jo carito baretong ka baretong sajo. Tapi kok turun lansuang antahlah ka disabuik......iyo ibo awak nasib dunsanak awak dipasa-pasa du. Baa kiro-kiro dek pak Saaf pandapek awak du. Kok wacana dikito ko lai banyak tapi nan diparaluan dek dunsanak kito rang padagang tu kan ukan sakiro wacana do yo ndak pak. Wassalam Batuduang Ameh (44) Babaju RN Baragi Sirah -----Original Message----- From: rantaunet@googlegroups.com [mailto:rantaunet@googlegroups.com] On Behalf Of Dr Saafroedin Bahar Sent: Saturday, March 12, 2011 6:55 PM To: Bunda Nismah Subject: RE: Re: [R@ntau-Net] Pasar Cileungsi (salah satu pasar sentra UrangMinang) terbakar Bundo, wakatu ambo masih di Komnas HAM ambo pernah turun tangan dalam kasus pedagang urang awak di pasa Tanah Abang malawan penggusuran dek Pemda DKI nan didukuang dek konglomerat TW. A nan tajadi ? 1) Sabananyo status tanah pasa itu indak jaleh lai, walau mulonyo punyo pedagang; sertifikat indak diuruih; 2) indak banyak pedagang urang awak nan sadar asuransi, sahinggo kalau tabaka habihlah sadonyo; 3) persatuan urang awak kurang kuwaik, malapehkan untuang surang-surang sajo, ado malah nan jadi kaki tangan TW; 4) tim advokasi urang awak kurang kuwaik, sadangkan TW mamakai pengacara kondang ABN. Mungkin alah saatnyo paralu dikaji bana dima posisi pedagang urang awak ko, khususnyo di Rantau, dan apo nan paralu dilakukan supayo maningkek 'posisi tawar' urang awak ko ?. ( Kok bisa sekaligus jo posisi rumah makan Padang: maju atau mundur ? Atau jalan di tampek? ) Kesan pribadi ambo nasib sabagian gadang menyedihkan, balega dari kaki limo ka pasa tradisional, digusur taruih manaruih, hampia indak ado nan mambela. Apo paralu diadokan 'seminar nasional' tantang soal iko? Baa mako nasib nan 'saroman ijuak indak basaga' tu hanyo dialami dek pedagang urang awak sajo ? Tabah jo doa jaleh paralu, tapi malawan itu wajib. Kan baitu ajaran Islam dlm Surah Ar Ra'd ayat 11 ? Wassalam, -------Original Email------- Subject :Re: [R@ntau-Net] Pasar Cileungsi (salah satu pasar sentra UrangMinang) terbakar >From :mailto:hayatunnis...@yahoo.com Date :Sat Mar 12 18:20:00 Asia/Bangkok 2011 Assalamu Alaikum W. w. Kaba2 buruang pasar ko lah lamo diincar dek pengembang antah Giant antah apo nan kadibuek disinan. Asuransi juga tidak meladeni pedagang. Kasihan urang awak mulo2 Tanah Abang, sudah tu Cipulir. Ya Allah berilah gantinya dengan yang lebih baik. Wassalam Bundo Nismah Saafroedin Bahar. Taqdir di tangan Allah swt, nasib di tangan kita. -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/