Kalo kito kaji bana pak sabana tapek tu isinyo QS Ar Ra'd ayaik 11 tu pak baso Allah indak ka maubah nasib suatu kaum kalo kaum itu sandiri indak bausao maubahnyo.
Saroman kita kataui, padagang kito pabilo lah nyo ka talakik maubah nasibnyo du pak karano nan pokuih paratiannyo baa galeh ka tajua nan pokok indak bakurang. Itulah gunonyo kito punyo urang gadang nan sabana urang gadang, urang gadang bukan untuak Negara sajo do pak tapi paralu juo urang gadang untuak ba Nagari. Iko nan agak sarik pak kito dapek an kutiko urang gadang di Negara karano kutiko inyo manjadi urang gadang di negara tantu inyo tau duduak pasoalannyo satidaknyo inyo tau jalan kaluanyo dari masalah nan diadok i dunsanak, anak kamanakannyo di tangah pasa cako nan io pokuih bana untuak mancari labo saketek dari pokok nan kadang-kadang ado juo sabagai panjojo sajo. Kalo urang gadang ko lai ado sabalun isu go masuak palanta awak raso mungkin kito indak paralu gai do maadoan Seminar du pak Saaf untuak itu, tapi kito adoan pulo seminar untuak pangambangan nan lain. Baa gak ti pak Saaf tu. Wassalam Batuduang Ameh (44) Nan Babaju RN Baragi Sirah -----Original Message----- From: rantaunet@googlegroups.com [mailto:rantaunet@googlegroups.com] On Behalf Of Dr Saafroedin Bahar Sent: Monday, March 14, 2011 10:31 AM To: Madahar (madahar) Subject: RE: RE: Re: [R@ntau-Net] Pasar Cileungsi (salah satu pasar sentraUrangMinang) terbakar Sanak Madahar dan para sanak sapalanta, Saroman ambo tulih di bawah ko, kito paralu maadokan kajian - nan sabana kritis dan objektif - taradok kondisi nyato pedagang urang awak ko. Sasudah tu dibuek organisasi nan memperjuangkan mereka, diisi dek para sukarelawan nan amuah baabih hari melaksanakan programnyo. Salamo ko wacana kito ttg masalah iko labiah banyak maota, bagarah, jo mengkhayal sajo. 'Kok kabakarajo balabiah cangkua, kok ka makan kurang piriang'. Kan itu kritik nan disampaikan dek pak JK, bahaso pedagang urang awak 'tigo kaki labiah maju dari orang Cino'. Akibat sikap indak serius tu, urang lain maju, awak malah mundur. Caro saroman itu indak bisa dipakai lai. Kito mamaralukan aktivis Minang baru nan idealis, profesional, tahan tapo, mahir berorganisasi, dan amuah mangabdi. Bukan sekedar inyo badarah Minang, tapi katiko ka baiyo bana putiah tapaknyo dek lari. Paralu bana disisiahkan atah dari bareh. Ambo sabana yakin tapeknyo sabda Allah swt dalam Q:Surah Ar Ra'd ayat 11 bhw Allah swt indak ka maubah nasib suatu kaum kalau indak kaum itu sandiri nan maubahnyo. Kito wajib berjuang maubah nasib, indak buliah manyarah, walau kaputusan tetap di tangan Allah swt. Kito paralu mangefektifkan organisasi pedagang urang awak, dibantu dek baitu banyak tokoh urang awak nan masih idealis. Manuruik pengamatan ambo, indak sadonyo tokoh urang awak amuah habis-habisan mengabdi utk urang awak, baiak di Ranah maupun di Rantau. Banyak juo nan basifaik ria sajo untuak kepentingan politik pribadi jangka pendeknyo surang. Karano itu amatlah mutlak sajak kini dibuek daftar namo tokoh urang awak nan sabana basadio sacaro ichlas mambantu memperjuangkan perbaikan nasib urang awak, tautamo di Rantau. Baliau-baliau nan indak amuah atau indak acuah - walau namo baliau tamusaua sbg tokoh urang awak - tinggakan sajolah. Indak zamannyo lai kito mangamek-ngamek, mengkhayal, atau baibo-ibo. Fight ! Tinggakanlah sifat nafsi-nafsi, garajai-manggarajaikan, dan dangkuang-mandangkuang nan sabana banyak dipraktekkan di kalangan urang awak salamo ko. Bersatulah, atau punah sacaro pelahan-lahan. Wassalam, -------Original Email------- Subject :RE: Re: [R@ntau-Net] Pasar Cileungsi (salah satu pasar sentraUrangMinang) terbakar >From :mailto:mada...@chevron.com Date :Mon Mar 14 08:08:15 Asia/Bangkok 2011 Pak Saaf io ibo bana awak jo kondisi dunsanak awak nan disinan du. Tapi kabaalah, mungkin sagitu pulo kamampuan nan dibarikan dek Allah untuak dunsanak awak tu nan mungkin sajo bisa jadi bapangka ka masalah pandidikan. Tapi sabana disayangkan, ado juo dunsanak awak nan lah tau jo kondisi nan saroman tu nan dialami dek dunsanak nyo dipasa tu tapi nyo ndak ado nan turun lasuang untuak mambantu mandampiangi do karano mungkin indak ado nan mamintak tolong atau gensi pulo ka turun manolong karano indak level. Tapi nan ado kalua hanyo angan-angan sajo untuak dunsanak tu jo carito baretong ka baretong sajo. Tapi kok turun lansuang antahlah ka disabuik......iyo ibo awak nasib dunsanak awak dipasa-pasa du. Baa kiro-kiro dek pak Saaf pandapek awak du. Kok wacana dikito ko lai banyak tapi nan diparaluan dek dunsanak kito rang padagang tu kan ukan sakiro wacana do yo ndak pak. Wassalam Batuduang Ameh (44) Babaju RN Baragi Sirah -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
