Mamak AJo Buyuang jo dunsanak lapau,
Di Lariang masih ado saksi mato dari kejadian panembakan Kol DD (Dahlan Djambek). Waktu Papa jo Mak Ngah pai napak tilas patang ko, baliau tu maantakan Papa jo Mak Ngah mancaritoan baa kondisi ukatu panembakan tu. Yus ajudan pak DD yang hancua dek penembakan tu sato inyo maambiak sabingkah kapalonyo nan tapalecat dari badannyo ditebaki, malantiang lakek di batang karambia dakek situ. Waktu tu Apak ko masih ketek indak talalu sato manyalanggarokan mayik tapi sato mangamehi nan taserak tu. Papa dibaok dek baliau ko ka sebuah batang aia ketek di Lariang tu, ditunjuakkannyo baso mereka dimandian di batang aia tu. Katiko Papa batanyo ka apak tu bilo dikubuan Pak DD ko, katonyo lo Pak DD alah malam mereka kubuan disinan tu. "Baa dek sampai malam bana dikubuan, padohal kan ditembaki subuah? "Sebab ijin mangubuan dimintakkan ka Kumpulan sudah tu nan di Kumpulan Tentara Pusek tu mintak ijin lo ka Kumandan no nan di Bukiktinggi, baru dapek ijin mangubuan alah patang hari. Sahinggo baru malam baru takubua. " Trus ide untuak mamindahan ko barangkali alah ado di pihak keluarga minimal ka pandam pekuburan mereka nan di dakek Musajik Inyiak Djambek. Kejadiannyo mode ko ; Waktu tu Papa alah karajo di Rumah Sakik Achmad Muchtar Bukik. Jadi ado keluarga Nyiak Djambek ko nan dirawat di Rumah Sakik. Dek Ibuk Jamilah Djambek disuruah manjapuik tagihan biaya rumah sakik tu ka rumah mereka di sabalah Musajik Nyiak Djambek dakek Pasa Bawah. Waktu tu Papa sempat mengenalkan diri ka Ibuk Jamilah baso saisuak pernah samo-samo jo Pak DD trus Papa juo batanyo ka liau tu. Baa dek ndak dipindahan kubua Pak DD kamari samo-samo jo Inyiak Djambek. Nan Ibuk ko diam sajo ndak Liau tanggapi pertanyaan Papa doh. Jadi Papa bakesimpulan ado masalah untuak mamindahan kuburan Pak DD ko, mangkonyo diam sajo ibuk ko. Sagitu dulu Mamak, tanggapan Papa satantangan tanyo Mamak. Wassalam Rina -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/